vul@1Timothy:6:1 @ quicumque sunt sub iugo servi dominos suos omni honore dignos arbitrentur ne nomen Domini et doctrina blasphemetur
vul@1Timothy:6:2 @ qui autem fideles habent dominos non contemnant quia fratres sunt sed magis serviant quia fideles sunt et dilecti qui beneficii participes sunt haec doce et exhortare
vul@1Timothy:6:3 @ si quis aliter docet et non adquiescit sanis sermonibus Domini nostri Iesu Christi et ei quae secundum pietatem est doctrinae
vul@1Timothy:6:4 @ superbus nihil sciens sed languens circa quaestiones et pugnas verborum ex quibus oriuntur invidiae contentiones blasphemiae suspiciones malae
vul@1Timothy:6:5 @ conflictationes hominum mente corruptorum et qui veritate privati sunt existimantium quaestum esse pietatem
vul@1Timothy:6:7 @ nihil enim intulimus in mundum haut dubium quia nec auferre quid possumus
vul@1Timothy:6:9 @ nam qui volunt divites fieri incidunt in temptationem et laqueum et desideria multa inutilia et nociva quae mergunt homines in interitum et perditionem
vul@1Timothy:6:10 @ radix enim omnium malorum est cupiditas quam quidam appetentes erraverunt a fide et inseruerunt se doloribus multis
vul@1Timothy:6:11 @ tu autem o homo Dei haec fuge sectare vero iustitiam pietatem fidem caritatem patientiam mansuetudinem
vul@1Timothy:6:12 @ certa bonum certamen fidei adprehende vitam aeternam in qua vocatus es et confessus bonam confessionem coram multis testibus
vul@1Timothy:6:13 @ praecipio tibi coram Deo qui vivificat omnia et Christo Iesu qui testimonium reddidit sub Pontio Pilato bonam confessionem
vul@1Timothy:6:14 @ ut serves mandatum sine macula inreprehensibile usque in adventum Domini nostri Iesu Christi
vul@1Timothy:6:15 @ quem suis temporibus ostendet beatus et solus potens rex regum et Dominus dominantium
vul@1Timothy:6:16 @ qui solus habet inmortalitatem lucem habitans inaccessibilem quem vidit nullus hominum sed nec videre potest cui honor et imperium sempiternum amen
vul@1Timothy:6:17 @ divitibus huius saeculi praecipe non sublime sapere neque sperare in incerto divitiarum sed in Deo qui praestat nobis omnia abunde ad fruendum
vul@1Timothy:6:18 @ bene agere divites fieri in operibus bonis facile tribuere communicare
vul@1Timothy:6:19 @ thesaurizare sibi fundamentum bonum in futurum ut adprehendant veram vitam
vul@1Timothy:6:20 @ o Timothee depositum custodi devitans profanas vocum novitates et oppositiones falsi nominis scientiae