vul@2Peter:2:1 @ fuerunt vero et pseudoprophetae in populo sicut et in vobis erunt magistri mendaces qui introducent sectas perditionis et eum qui emit eos Dominum negant superducentes sibi celerem perditionem
vul@2Peter:2:2 @ et multi sequentur eorum luxurias per quos via veritatis blasphemabitur
vul@2Peter:2:3 @ et in avaritia fictis verbis de vobis negotiabuntur quibus iudicium iam olim non cessat et perditio eorum non dormitat
vul@2Peter:2:4 @ si enim Deus angelis peccantibus non pepercit sed rudentibus inferni detractos in tartarum tradidit in iudicium cruciatos reservari
vul@2Peter:2:5 @ et originali mundo non pepercit sed octavum Noe iustitiae praeconem custodivit diluvium mundo impiorum inducens
vul@2Peter:2:6 @ et civitates Sodomorum et Gomorraeorum in cinerem redigens eversione damnavit exemplum eorum qui impie acturi sunt ponens
vul@2Peter:2:7 @ et iustum Loth oppressum a nefandorum iniuria conversatione eruit
vul@2Peter:2:8 @ aspectu enim et auditu iustus erat habitans apud eos qui diem de die animam iustam iniquis operibus cruciabant
vul@2Peter:2:9 @ novit Dominus pios de temptatione eripere iniquos vero in diem iudicii cruciandos reservare
vul@2Peter:2:10 @ magis autem eos qui post carnem in concupiscentia inmunditiae ambulant dominationemque contemnunt audaces sibi placentes sectas non metuunt blasphemantes
vul@2Peter:2:11 @ ubi angeli fortitudine et virtute cum sint maiores non portant adversum se execrabile iudicium
vul@2Peter:2:12 @ hii vero velut inrationabilia pecora naturaliter in captionem et in perniciem in his quae ignorant blasphemantes in corruptione sua et peribunt
vul@2Peter:2:13 @ percipientes mercedem iniustitiae voluptatem existimantes diei delicias coinquinationes et maculae deliciis affluentes in conviviis suis luxuriantes vobiscum
vul@2Peter:2:14 @ oculos habentes plenos adulterio et incessabiles delicti pellicentes animas instabiles cor exercitatum avaritiae habentes maledictionis filii
vul@2Peter:2:15 @ derelinquentes rectam viam erraverunt secuti viam Balaam ex Bosor qui mercedem iniquitatis amavit
vul@2Peter:2:16 @ correptionem vero habuit suae vesaniae subiugale mutum in hominis voce loquens prohibuit prophetae insipientiam
vul@2Peter:2:17 @ hii sunt fontes sine aqua et nebulae turbinibus exagitatae quibus caligo tenebrarum reservatur
vul@2Peter:2:18 @ superba enim vanitatis loquentes pellicent in desideriis carnis luxuriae eos qui paululum effugiunt qui in errore conversantur
vul@2Peter:2:19 @ libertatem illis promittentes cum ipsi servi sint corruptionis a quo enim quis superatus est huius et servus est
vul@2Peter:2:20 @ si enim refugientes coinquinationes mundi in cognitione Domini nostri et salvatoris Iesu Christi his rursus inpliciti superantur facta sunt eis posteriora deteriora prioribus
vul@2Peter:2:21 @ melius enim erat illis non cognoscere viam iustitiae quam post agnitionem retrorsum converti ab eo quod illis traditum est sancto mandato
vul@2Peter:2:22 @ contigit enim eis illud veri proverbii canis reversus ad suum vomitum et sus lota in volutabro luti