vul@Exodus:19:1 @ mense tertio egressionis Israhel de terra Aegypti in die hac venerunt in solitudinem Sinai
vul@Exodus:19:2 @ nam profecti de Raphidim et pervenientes usque in desertum Sinai castrametati sunt in eodem loco ibique Israhel fixit tentoria e regione montis
vul@Exodus:19:3 @ Moses autem ascendit ad Deum vocavitque eum Dominus de monte et ait haec dices domui Iacob et adnuntiabis filiis Israhel
vul@Exodus:19:4 @ vos ipsi vidistis quae fecerim Aegyptiis quomodo portaverim vos super alas aquilarum et adsumpserim mihi
vul@Exodus:19:5 @ si ergo audieritis vocem meam et custodieritis pactum meum eritis mihi in peculium de cunctis populis mea est enim omnis terra
vul@Exodus:19:6 @ et vos eritis mihi regnum sacerdotale et gens sancta haec sunt verba quae loqueris ad filios Israhel
vul@Exodus:19:7 @ venit Moses et convocatis maioribus natu populi exposuit omnes sermones quos mandaverat Dominus
vul@Exodus:19:8 @ responditque universus populus simul cuncta quae locutus est Dominus faciemus cumque rettulisset Moses verba populi ad Dominum
vul@Exodus:19:9 @ ait ei Dominus iam nunc veniam ad te in caligine nubis ut audiat me populus loquentem ad te et credat tibi in perpetuum nuntiavit ergo Moses verba populi ad Dominum
vul@Exodus:19:10 @ qui dixit ei vade ad populum et sanctifica illos hodie et cras laventque vestimenta sua
vul@Exodus:19:11 @ et sint parati in diem tertium die enim tertio descendet Dominus coram omni plebe super montem Sinai
vul@Exodus:19:12 @ constituesque terminos populo per circuitum et dices cavete ne ascendatis in montem nec tangatis fines illius omnis qui tetigerit montem morte morietur
vul@Exodus:19:13 @ manus non tanget eum sed lapidibus opprimetur aut confodietur iaculis sive iumentum fuerit sive homo non vivet cum coeperit clangere bucina tunc ascendant in montem
vul@Exodus:19:14 @ descenditque Moses de monte ad populum et sanctificavit eum cumque lavissent vestimenta sua
vul@Exodus:19:15 @ ait ad eos estote parati in diem tertium ne adpropinquetis uxoribus vestris
vul@Exodus:19:16 @ iam advenerat tertius dies et mane inclaruerat et ecce coeperunt audiri tonitrua ac micare fulgura et nubes densissima operire montem clangorque bucinae vehementius perstrepebat timuit populus qui erat in castris
vul@Exodus:19:17 @ cumque eduxisset eos Moses in occursum Dei de loco castrorum steterunt ad radices montis
vul@Exodus:19:18 @ totus autem mons Sinai fumabat eo quod descendisset Dominus super eum in igne et ascenderet fumus ex eo quasi de fornace eratque mons omnis terribilis
vul@Exodus:19:19 @ et sonitus bucinae paulatim crescebat in maius et prolixius tendebatur Moses loquebatur et Dominus respondebat ei
vul@Exodus:19:20 @ descenditque Dominus super montem Sinai in ipso montis vertice et vocavit Mosen in cacumen eius quo cum ascendisset
vul@Exodus:19:21 @ dixit ad eum descende et contestare populum ne forte velint transcendere terminos ad videndum Dominum et pereat ex eis plurima multitudo
vul@Exodus:19:22 @ sacerdotes quoque qui accedunt ad Dominum sanctificentur ne percutiat eos
vul@Exodus:19:23 @ dixitque Moses ad Dominum non poterit vulgus ascendere in montem Sinai tu enim testificatus es et iussisti dicens pone terminos circa montem et sanctifica illum
vul@Exodus:19:24 @ cui ait Dominus vade descende ascendesque tu et Aaron tecum sacerdotes autem et populus ne transeant terminos nec ascendant ad Dominum ne forte interficiat illos