vul@Hebrews:2:1 @ propterea abundantius oportet observare nos ea quae audivimus ne forte pereffluamus
vul@Hebrews:2:2 @ si enim qui per angelos dictus est sermo factus est firmus et omnis praevaricatio et inoboedientia accepit iustam mercedis retributionem
vul@Hebrews:2:3 @ quomodo nos effugiemus si tantam neglexerimus salutem quae cum initium accepisset enarrari per Dominum ab eis qui audierunt in nos confirmata est
vul@Hebrews:2:4 @ contestante Deo signis et portentis et variis virtutibus et Spiritus Sancti distributionibus secundum suam voluntatem
vul@Hebrews:2:5 @ non enim angelis subiecit orbem terrae futurum de quo loquimur
vul@Hebrews:2:6 @ testatus est autem in quodam loco quis dicens quid est homo quod memor es eius aut filius hominis quoniam visitas eum
vul@Hebrews:2:7 @ minuisti eum paulo minus ab angelis gloria et honore coronasti eum et constituisti eum super opera manuum tuarum
vul@Hebrews:2:8 @ omnia subiecisti sub pedibus eius in eo enim quod ei omnia subiecit nihil dimisit non subiectum ei nunc autem necdum videmus omnia subiecta ei
vul@Hebrews:2:9 @ eum autem qui modico quam angeli minoratus est videmus Iesum propter passionem mortis gloria et honore coronatum ut gratia Dei pro omnibus gustaret mortem
vul@Hebrews:2:10 @ decebat enim eum propter quem omnia et per quem omnia qui multos filios in gloriam adduxerat auctorem salutis eorum per passiones consummare
vul@Hebrews:2:11 @ qui enim sanctificat et qui sanctificantur ex uno omnes propter quam causam non confunditur fratres eos vocare dicens
vul@Hebrews:2:12 @ nuntiabo nomen tuum fratribus meis in medio ecclesiae laudabo te
vul@Hebrews:2:13 @ et iterum ego ero fidens in eum et iterum ecce ego et pueri mei quos mihi dedit Deus
vul@Hebrews:2:14 @ quia ergo pueri communicaverunt sanguini et carni et ipse similiter participavit hisdem ut per mortem destrueret eum qui habebat mortis imperium id est diabolum
vul@Hebrews:2:15 @ et liberaret eos qui timore mortis per totam vitam obnoxii erant servituti
vul@Hebrews:2:16 @ nusquam enim angelos adprehendit sed semen Abrahae adprehendit
vul@Hebrews:2:17 @ unde debuit per omnia fratribus similare ut misericors fieret et fidelis pontifex ad Deum ut repropitiaret delicta populi
vul@Hebrews:2:18 @ in eo enim in quo passus est ipse temptatus potens est eis qui temptantur auxiliari