vul@James:2:1 @ fratres mei nolite in personarum acceptione habere fidem Domini nostri Iesu Christi gloriae
vul@James:2:2 @ etenim si introierit in conventu vestro vir aureum anulum habens in veste candida introierit autem et pauper in sordido habitu
vul@James:2:3 @ et intendatis in eum qui indutus est veste praeclara et dixeritis tu sede hic bene pauperi autem dicatis tu sta illic aut sede sub scabillo pedum meorum
vul@James:2:4 @ nonne iudicatis apud vosmet ipsos et facti estis iudices cogitationum iniquarum
vul@James:2:5 @ audite fratres mei dilectissimi nonne Deus elegit pauperes in hoc mundo divites in fide et heredes regni quod repromisit Deus diligentibus se
vul@James:2:6 @ vos autem exhonorastis pauperem nonne divites per potentiam opprimunt vos et ipsi trahunt vos ad iudicia
vul@James:2:7 @ nonne ipsi blasphemant bonum nomen quod invocatum est super vos
vul@James:2:8 @ si tamen legem perficitis regalem secundum scripturas diliges proximum tuum sicut te ipsum bene facitis
vul@James:2:9 @ si autem personas accipitis peccatum operamini redarguti a lege quasi transgressores
vul@James:2:10 @ quicumque autem totam legem servaverit offendat autem in uno factus est omnium reus
vul@James:2:11 @ qui enim dixit non moechaberis dixit et non occides quod si non moechaberis occides autem factus es transgressor legis
vul@James:2:12 @ sic loquimini et sic facite sicut per legem libertatis incipientes iudicari
vul@James:2:13 @ iudicium enim sine misericordia illi qui non fecit misericordiam superexultat autem misericordia iudicio
vul@James:2:14 @ quid proderit fratres mei si fidem quis dicat se habere opera autem non habeat numquid poterit fides salvare eum
vul@James:2:15 @ si autem frater aut soror nudi sunt et indigent victu cotidiano
vul@James:2:16 @ dicat autem aliquis de vobis illis ite in pace calefacimini et saturamini non dederitis autem eis quae necessaria sunt corporis quid proderit
vul@James:2:17 @ sic et fides si non habeat opera mortua est in semet ipsam
vul@James:2:18 @ sed dicet quis tu fidem habes et ego opera habeo ostende mihi fidem tuam sine operibus et ego ostendam tibi ex operibus fidem meam
vul@James:2:19 @ tu credis quoniam unus est Deus bene facis et daemones credunt et contremescunt
vul@James:2:20 @ vis autem scire o homo inanis quoniam fides sine operibus otiosa est
vul@James:2:21 @ Abraham pater noster nonne ex operibus iustificatus est offerens Isaac filium suum super altare
vul@James:2:22 @ vides quoniam fides cooperabatur operibus illius et ex operibus fides consummata est
vul@James:2:23 @ et suppleta est scriptura dicens credidit Abraham Deo et reputatum est illi ad iustitiam et amicus Dei appellatus est
vul@James:2:24 @ videtis quoniam ex operibus iustificatur homo et non ex fide tantum
vul@James:2:25 @ similiter autem et Raab meretrix nonne ex operibus iustificata est suscipiens nuntios et alia via eiciens
vul@James:2:26 @ sicut enim corpus sine spiritu emortuum est ita et fides sine operibus mortua est