vul@Numbers:5:2 @ praecipe filiis Israhel ut eiciant de castris omnem leprosum et qui semine fluit pollutusque est super mortuo
vul@Numbers:5:3 @ tam masculum quam feminam eicite de castris ne contaminent ea cum habitaverim vobiscum
vul@Numbers:5:4 @ feceruntque ita filii Israhel et eiecerunt eos extra castra sicut locutus erat Dominus Mosi
vul@Numbers:5:6 @ loquere ad filios Israhel vir sive mulier cum fecerint ex omnibus peccatis quae solent hominibus accidere et per neglegentiam transgressi fuerint mandatum Domini atque deliquerint
vul@Numbers:5:7 @ confitebuntur peccatum suum et reddent ipsum caput quintamque partem desuper ei in quem peccaverint
vul@Numbers:5:8 @ sin autem non fuerit qui recipiat dabunt Domino et erit sacerdotis excepto ariete qui offertur pro expiatione ut sit placabilis hostia
vul@Numbers:5:9 @ omnes quoque primitiae quas offerunt filii Israhel ad sacerdotem pertinent
vul@Numbers:5:10 @ et quicquid in sanctuarium offertur a singulis et traditur manibus sacerdotis ipsius erit
vul@Numbers:5:12 @ loquere ad filios Israhel et dices ad eos vir cuius uxor erraverit maritumque contemnens
vul@Numbers:5:13 @ dormierit cum altero viro et hoc maritus deprehendere non quiverit sed latet adulterium et testibus argui non potest quia non est inventa in stupro
vul@Numbers:5:14 @ si spiritus zelotypiae concitaverit virum contra uxorem suam quae vel polluta est vel falsa suspicione appetitur
vul@Numbers:5:15 @ adducet eam ad sacerdotem et offeret oblationem pro illa decimam partem sati farinae hordiaciae non fundet super eam oleum nec inponet tus quia sacrificium zelotypiae est et oblatio investigans adulterium
vul@Numbers:5:17 @ adsumetque aquam sanctam in vase fictili et pauxillum terrae de pavimento tabernaculi mittet in eam
vul@Numbers:5:18 @ cumque steterit mulier in conspectu Domini discoperiet caput eius et ponet super manus illius sacrificium recordationis et oblationem zelotypiae ipse autem tenebit aquas amarissimas in quibus cum execratione maledicta congessit
vul@Numbers:5:19 @ adiurabitque eam et dicet si non dormivit vir alienus tecum et si non polluta es deserto mariti toro non te nocebunt aquae istae amarissimae in quas maledicta congessi
vul@Numbers:5:20 @ sin autem declinasti a viro tuo atque polluta es et concubuisti cum altero
vul@Numbers:5:21 @ his maledictionibus subiacebis det te Dominus in maledictionem exemplumque cunctorum in populo suo putrescere faciat femur tuum et tumens uterus disrumpatur
vul@Numbers:5:22 @ ingrediantur aquae maledictae in ventrem tuum et utero tumescente putrescat femur et respondebit mulier amen amen
vul@Numbers:5:23 @ scribetque sacerdos in libello ista maledicta et delebit ea aquis amarissimis in quas maledicta congessit
vul@Numbers:5:25 @ tollet sacerdos de manu eius sacrificium zelotypiae et elevabit illud coram Domino inponetque super altare ita dumtaxat ut prius
vul@Numbers:5:26 @ pugillum sacrificii tollat de eo quod offertur et incendat super altare et sic potum det mulieri aquas amarissimas
vul@Numbers:5:27 @ quas cum biberit si polluta est et contempto viro adulterii rea pertransibunt eam aquae maledictionis et inflato ventre conputrescet femur eritque mulier in maledictionem et in exemplum omni populo
vul@Numbers:5:29 @ ista est lex zelotypiae si declinaverit mulier a viro suo et si polluta fuerit
vul@Numbers:5:30 @ maritusque zelotypiae spiritu concitatus adduxerit eam in conspectu Domini et fecerit ei sacerdos iuxta omnia quae scripta sunt