cebuano_ang_biblia_pinadayag@Psalms:2:1 @ ¶ Ngano nga nagalungotlungot ang mga nasud, Ug ang mga katawohan nagapalandong sa butang nga kawang?
cebuano_ang_biblia_pinadayag@Psalms:2:2 @ Ang mga hari sa yuta nanagpahamutang sa ilang kaugalingon, Ug ang mga punoan nanagsabutsabut sa tingub, Batok kang Jehova ug batok sa iyang dinihog,:
cebuano_ang_biblia_pinadayag@Psalms:2:3 @ Pagabugtoon nato ang ilang mga talikala, Ug igasalibay ta gikan kanato ang ilang mga igtatakgus.
cebuano_ang_biblia_pinadayag@Psalms:2:4 @ Siya nga nagalingkod sa kalangitan magakatawa: Ang Ginoo magahimo kanila nga yubitonon.
cebuano_ang_biblia_pinadayag@Psalms:2:5 @ Unya siya magasulti kanila diha sa iyang kaligutgut, Ug diha sa iyang kapungot magagubot kanila.
cebuano_ang_biblia_pinadayag@Psalms:2:6 @ Ngani nga gibutang ko ang akong hari Ibabaw sa Sion, ang akong bungtod nga balaan.
cebuano_ang_biblia_pinadayag@Psalms:2:7 @ ¶ Magamantala ako sa sugo: Si Jehova nag-ingon kanako: Ikaw mao ang akong anak; gianak ko ikaw niining adlawa.
cebuano_ang_biblia_pinadayag@Psalms:2:8 @ Kanako mangayo ka, ug kanimo igahatag ko ang mga nasud nga imong panulondon, Ug mapanag-iya mo ang mga kinatumyang dapit sa yuta.
cebuano_ang_biblia_pinadayag@Psalms:2:9 @ Pagadugmokon mo sila sa sungkod nga puthaw: Pagapulpugon mo sila ingon sa banga sa magkokolon.
cebuano_ang_biblia_pinadayag@Psalms:2:10 @ ¶ Busa karon, Oh mga hari, magmaalamon kamo, Magpatudlo kamo, mga maghuhukom sa yuta.
cebuano_ang_biblia_pinadayag@Psalms:2:11 @ Sa kahadlok, umalagad kamo kang Jehova, Ug managlipay kamo uban ang pagkurog.
cebuano_ang_biblia_pinadayag@Psalms:2:12 @ Humalok kamo sa anak, aron siya dili masuko, ug mangawala kamo diha sa dalan, Kay ang kapungot niya mosilaub sa dili madugay. Bulahan kadtong tanan nga modangup diha kaniya.