esperanto@Psalms:80:1 @ Al la hxorestro. Por sxosxanoj. Atesto de Asaf. Psalmo. Ho Pasxtisto de Izrael, auxskultu; Vi, kiu kondukas Jozefon, kiel sxafojn, Vi, kiu sidas sur keruboj, aperu!
esperanto@Psalms:80:2 @ Antaux Efraim kaj Benjamen kaj Manase veku Vian forton, Kaj venu, por savi nin.
esperanto@Psalms:80:3 @ Ho Dio, revenigu nin kaj lumigu Vian vizagxon, Por ke ni estu savitaj.
esperanto@Psalms:80:4 @ Ho Eternulo, Dio Cebaot, GXis kiam Vi kolere repusxos la pregxon de Via popolo?
esperanto@Psalms:80:5 @ Vi mangxigis al ili panon larman, Kaj Vi trinkigis al ili larmojn per granda mezuro.
esperanto@Psalms:80:6 @ Vi faris nin objekto de disputo por niaj najbaroj; Kaj niaj malamikoj nin mokas.
esperanto@Psalms:80:7 @ Ho Dio Cebaot! revenigu nin kaj lumigu Vian vizagxon, Por ke ni estu savitaj.
esperanto@Psalms:80:8 @ Vinberbrancxon el Egiptujo Vi elportis, Vi forpelis popolojn kaj gxin plantis;
esperanto@Psalms:80:9 @ Vi purigis lokon por gxi; Kaj gxi profundigis siajn radikojn kaj plenigis la tutan landon;
esperanto@Psalms:80:10 @ Montojn kovris gxia ombro, Kaj gxiaj brancxoj farigxis kiel cedroj de Dio.
esperanto@Psalms:80:11 @ GXi etendis siajn brancxojn gxis la maro Kaj siajn brancxetojn gxis la Rivero.
esperanto@Psalms:80:12 @ Kial Vi detruis gxiajn barilojn, Ke cxiuj pasantoj gxin sxiras?
esperanto@Psalms:80:13 @ Subfosas gxin arbara apro, Kaj kampa besto gxin mordas.
esperanto@Psalms:80:14 @ Ho Dio Cebaot, returnigxu; Rigardu el la cxielo kaj vidu, kaj rememoru tiun vinbertrunkon,
esperanto@Psalms:80:15 @ Kaj sxirmu tion, kion plantis Via dekstra mano, Kaj la kreskajxidon, kiun Vi fortikigis por Vi.
esperanto@Psalms:80:16 @ GXi estas bruligita de fajro, krevinta; De Via minaca vizagxo ili pereis.
esperanto@Psalms:80:17 @ Via brako estu super la viro de Via dekstra mano, Super la homido, kiun Vi fortikigis por Vi.
esperanto@Psalms:80:18 @ Kaj ni ne foriros de Vi; Vivigu nin, kaj ni vokos Vian nomon.
esperanto@Psalms:80:19 @ Ho Eternulo, Dio Cebaot! revenigu nin, lumigu Vian vizagxon, Por ke ni estu savitaj.
Close Tab