vul@1John:1:5 @ et haec est adnuntiatio quam audivimus ab eo et adnuntiamus vobis quoniam Deus lux est et tenebrae in eo non sunt ullae
vul@1John:1:6 @ si dixerimus quoniam societatem habemus cum eo et in tenebris ambulamus mentimur et non facimus veritatem
vul@1John:1:7 @ si autem in luce ambulemus sicut et ipse est in luce societatem habemus ad invicem et sanguis Iesu Filii eius mundat nos ab omni peccato
vul@1John:1:8 @ si dixerimus quoniam peccatum non habemus ipsi nos seducimus et veritas in nobis non est
vul@1John:1:9 @ si confiteamur peccata nostra fidelis est et iustus ut remittat nobis peccata et emundet nos ab omni iniquitate
vul@1John:1:10 @ si dixerimus quoniam non peccavimus mendacem facimus eum et verbum eius non est in nobis
vul@1John:2:1 @ filioli mei haec scribo vobis ut non peccetis sed et si quis peccaverit advocatum habemus apud Patrem Iesum Christum iustum
vul@1John:2:2 @ et ipse est propitiatio pro peccatis nostris non pro nostris autem tantum sed etiam pro totius mundi
vul@1John:2:3 @ et in hoc scimus quoniam cognovimus eum si mandata eius observemus
vul@1John:2:4 @ qui dicit se nosse eum et mandata eius non custodit mendax est in hoc veritas non est
vul@1John:2:5 @ qui autem servat verbum eius vere in hoc caritas Dei perfecta est in hoc scimus quoniam in ipso sumus
vul@1John:2:6 @ qui dicit se in ipso manere debet sicut ille ambulavit et ipse ambulare
vul@1John:2:7 @ carissimi non mandatum novum scribo vobis sed mandatum vetus quod habuistis ab initio mandatum vetus est verbum quod audistis
vul@1John:2:8 @ iterum mandatum novum scribo vobis quod est verum et in ipso et in vobis quoniam tenebrae transeunt et lumen verum iam lucet
vul@1John:2:9 @ qui dicit se in luce esse et fratrem suum odit in tenebris est usque adhuc
vul@1John:2:10 @ qui diligit fratrem suum in lumine manet et scandalum in eo non est
vul@1John:2:11 @ qui autem odit fratrem suum in tenebris est et in tenebris ambulat et nescit quo eat quoniam tenebrae obcaecaverunt oculos eius
vul@1John:2:12 @ scribo vobis filioli quoniam remittuntur vobis peccata propter nomen eius
vul@1John:2:13 @ scribo vobis patres quoniam cognovistis eum qui ab initio est scribo vobis adulescentes quoniam vicistis malignum
vul@1John:2:14 @ scripsi vobis infantes quoniam cognovistis Patrem scripsi vobis patres quia cognovistis eum qui ab initio scripsi vobis adulescentes quia fortes estis et verbum Dei in vobis manet et vicistis malignum