vul@Acts:25:13 @ et cum dies aliquot transacti essent Agrippa rex et Bernice descenderunt Caesaream ad salutandum Festum
vul@Acts:25:14 @ et cum dies plures ibi demorarentur Festus regi indicavit de Paulo dicens vir quidam est derelictus a Felice vinctus
vul@Acts:25:15 @ de quo cum essem Hierosolymis adierunt me principes sacerdotum et seniores Iudaeorum postulantes adversus illum damnationem
vul@Acts:25:16 @ ad quos respondi quia non est consuetudo Romanis donare aliquem hominem priusquam is qui accusatur praesentes habeat accusatores locumque defendendi accipiat ad abluenda crimina
vul@Acts:25:17 @ cum ergo huc convenissent sine ulla dilatione sequenti die sedens pro tribunali iussi adduci virum
vul@Acts:25:18 @ de quo cum stetissent accusatores nullam causam deferebant de quibus ego suspicabar malum
vul@Acts:25:19 @ quaestiones vero quasdam de sua superstitione habebant adversus eum et de quodam Iesu defuncto quem adfirmabat Paulus vivere
vul@Acts:25:20 @ haesitans autem ego de huiusmodi quaestione dicebam si vellet ire Hierosolymam et ibi iudicari de istis
vul@Acts:25:21 @ Paulo autem appellante ut servaretur ad Augusti cognitionem iussi servari eum donec mittam eum ad Caesarem
vul@Acts:25:22 @ Agrippa autem ad Festum volebam et ipse hominem audire cras inquit audies eum
vul@Acts:25:23 @ altera autem die cum venisset Agrippa et Bernice cum multa ambitione et introissent in auditorium cum tribunis et viris principalibus civitatis et iubente Festo adductus est Paulus
vul@Acts:25:24 @ et dixit Festus Agrippa rex et omnes qui simul adestis nobiscum viri videtis hunc de quo omnis multitudo Iudaeorum interpellavit me Hierosolymis petens et hic clamantes non oportere eum vivere amplius
vul@Acts:25:25 @ ego vero conperi nihil dignum eum morte admisisse ipso autem hoc appellante Augustum iudicavi mittere
vul@Acts:25:26 @ de quo quid certum scribam domino non habeo propter quod produxi eum ad vos et maxime ad te rex Agrippa ut interrogatione facta habeam quid scribam
vul@Acts:25:27 @ sine ratione enim mihi videtur mittere vinctum et causas eius non significare
vul@Acts:26:1 @ Agrippa vero ad Paulum ait permittitur tibi loqui pro temet ipso tunc Paulus extenta manu coepit rationem reddere
vul@Acts:26:2 @ de omnibus quibus accusor a Iudaeis rex Agrippa aestimo me beatum apud te cum sim defensurus me hodie
vul@Acts:26:3 @ maxime te sciente omnia quae apud Iudaeos sunt consuetudines et quaestiones propter quod obsecro patienter me audias
vul@Acts:26:4 @ et quidem vitam meam a iuventute quae ab initio fuit in gente mea in Hierosolymis noverunt omnes Iudaei
vul@Acts:26:5 @ praescientes me ab initio si velint testimonium perhibere quoniam secundum certissimam sectam nostrae religionis vixi Pharisaeus
vul@Acts:26:6 @ et nunc in spe quae ad patres nostros repromissionis facta est a Deo sto iudicio subiectus
vul@Acts:26:7 @ in quam duodecim tribus nostrae nocte ac die deservientes sperant devenire de qua spe accusor a Iudaeis rex
vul@Acts:26:8 @ quid incredibile iudicatur apud vos si Deus mortuos suscitat
vul@Acts:26:9 @ et ego quidem existimaveram me adversus nomen Iesu Nazareni debere multa contraria agere
vul@Acts:26:10 @ quod et feci Hierosolymis et multos sanctorum ego in carceribus inclusi a principibus sacerdotum potestate accepta et cum occiderentur detuli sententiam
vul@Acts:26:11 @ et per omnes synagogas frequenter puniens eos conpellebam blasphemare et amplius insaniens in eos persequebar usque in exteras civitates
vul@Acts:26:12 @ in quibus dum irem Damascum cum potestate et permissu principum sacerdotum
vul@Acts:26:13 @ die media in via vidi rex de caelo supra splendorem solis circumfulsisse me lumen et eos qui mecum simul erant
vul@Acts:26:14 @ omnesque nos cum decidissemus in terram audivi vocem loquentem mihi hebraica lingua Saule Saule quid me persequeris durum est tibi contra stimulum calcitrare
vul@Acts:26:15 @ ego autem dixi quis es Domine Dominus autem dixit ego sum Iesus quem tu persequeris
vul@Acts:26:16 @ sed exsurge et sta super pedes tuos ad hoc enim apparui tibi ut constituam te ministrum et testem eorum quae vidisti et eorum quibus apparebo tibi
vul@Acts:26:17 @ eripiens te de populo et gentibus in quas nunc ego mitto te
vul@Acts:26:18 @ aperire oculos eorum ut convertantur a tenebris ad lucem et de potestate Satanae ad Deum ut accipiant remissionem peccatorum et sortem inter sanctos per fidem quae est in me
vul@Acts:26:19 @ unde rex Agrippa non fui incredulus caelestis visionis
vul@Acts:26:20 @ sed his qui sunt Damasci primum et Hierosolymis et in omnem regionem Iudaeae et gentibus adnuntiabam ut paenitentiam agerent et converterentur ad Deum digna paenitentiae opera facientes
vul@Acts:26:21 @ hac ex causa me Iudaei cum essem in templo conprehensum temptabant interficere
vul@Acts:26:22 @ auxilio autem adiutus Dei usque in hodiernum diem sto testificans minori atque maiori nihil extra dicens quam ea quae prophetae sunt locuti futura esse et Moses
vul@Acts:26:23 @ si passibilis Christus si primus ex resurrectione mortuorum lumen adnuntiaturus est populo et gentibus
vul@Acts:26:24 @ haec loquente eo et rationem reddente Festus magna voce dixit insanis Paule multae te litterae ad insaniam convertunt
vul@Acts:26:25 @ at Paulus non insanio inquit optime Feste sed veritatis et sobrietatis verba eloquor
vul@Acts:26:26 @ scit enim de his rex ad quem et constanter loquor latere enim eum nihil horum arbitror neque enim in angulo quicquam horum gestum est
vul@Acts:26:28 @ Agrippa autem ad Paulum in modico suades me Christianum fieri
vul@Acts:26:29 @ et Paulus opto apud Deum et in modico et in magno non tantum te sed et omnes hos qui audiunt hodie fieri tales qualis et ego sum exceptis vinculis his
vul@Acts:26:30 @ et exsurrexit rex et praeses et Bernice et qui adsidebant eis
vul@Acts:26:31 @ et cum secessissent loquebantur ad invicem dicentes quia nihil morte aut vinculorum dignum quid facit homo iste
vul@Acts:26:32 @ Agrippa autem Festo dixit dimitti poterat homo hic si non appellasset Caesarem