vul@Joshua:3:1 @ igitur Iosue de nocte consurgens movit castra egredientesque de Setthim venerunt ad Iordanem ipse et omnes filii Israhel et morati sunt ibi per tres dies
vul@Joshua:3:2 @ quibus evolutis transierunt praecones per castrorum medium
vul@Joshua:3:3 @ et clamare coeperunt quando videritis arcam foederis Domini Dei vestri et sacerdotes stirpis leviticae portantes eam vos quoque consurgite et sequimini praecedentes
vul@Joshua:3:4 @ sitque inter vos et arcam spatium cubitorum duum milium ut procul videre possitis et nosse per quam viam ingrediamini quia prius non ambulastis per eam et cavete ne adpropinquetis ad arcam
vul@Joshua:3:5 @ dixitque Iosue ad populum sanctificamini cras enim faciet Dominus inter vos mirabilia
vul@Joshua:3:6 @ et ait ad sacerdotes tollite arcam foederis et praecedite populum qui iussa conplentes tulerunt et ambulaverunt ante eos
vul@Joshua:3:7 @ dixitque Dominus ad Iosue hodie incipiam exaltare te coram omni Israhel ut sciant quod sicut cum Mosi fui ita et tecum sim
vul@Joshua:3:8 @ tu autem praecipe sacerdotibus qui portant arcam foederis et dic eis cum ingressi fueritis partem aquae Iordanis state in ea
vul@Joshua:3:9 @ dixitque Iosue ad filios Israhel accedite huc et audite verba Domini Dei vestri
vul@Joshua:3:10 @ et rursum in hoc inquit scietis quod Dominus Deus vivens in medio vestri est et disperdat in conspectu vestro Chananeum Hettheum Eveum et Ferezeum Gergeseum quoque et Amorreum et Iebuseum
vul@Joshua:3:11 @ ecce arca foederis Domini omnis terrae antecedet vos per Iordanem
vul@Joshua:3:12 @ parate duodecim viros de tribubus Israhel singulos per singulas tribus
vul@Joshua:3:13 @ et cum posuerint vestigia pedum suorum sacerdotes qui portant arcam Domini Dei universae terrae in aquis Iordanis aquae quae inferiores sunt decurrent atque deficient quae autem desuper veniunt in una mole consistent
vul@Joshua:3:14 @ igitur egressus est populus de tabernaculis suis ut transirent Iordanem et sacerdotes qui portabant arcam foederis pergebant ante eum
vul@Joshua:3:15 @ ingressisque eis Iordanem et pedibus eorum tinctis in parte aquae cum Iordanis autem ripas alvei sui tempore messis impleret
vul@Joshua:3:16 @ steterunt aquae descendentes in uno loco et instar montis intumescentes apparebant procul ab urbe quae vocatur Adom usque ad locum Sarthan quae autem inferiores erant in mare Solitudinis quod nunc vocatur Mortuum descenderunt usquequo omnino deficerent
vul@Joshua:3:17 @ populus autem incedebat contra Iordanem et sacerdotes qui portabant arcam foederis Domini stabant super siccam humum in medio Iordanis accincti omnisque populus per arentem alveum transiebat
vul@Joshua:4:3 @ et praecipe eis ut tollant de medio Iordanis alveo ubi steterunt sacerdotum pedes duodecim durissimos lapides quos ponetis in loco castrorum ubi fixeritis hac nocte tentoria
vul@Joshua:4:4 @ vocavitque Iosue duodecim viros quos elegerat de filiis Israhel singulos de tribubus singulis
vul@Joshua:4:5 @ et ait ad eos ite ante arcam Domini Dei vestri ad Iordanis medium et portate singuli singulos lapides in umeris vestris iuxta numerum filiorum Israhel
vul@Joshua:4:6 @ ut sit signum inter vos et quando interrogaverint vos filii vestri cras dicentes quid sibi volunt isti lapides
vul@Joshua:4:7 @ respondebitis eis defecerunt aquae Iordanis ante arcam foederis Domini cum transiret eum idcirco positi sunt lapides isti in monumentum filiorum Israhel usque in aeternum
vul@Joshua:4:8 @ fecerunt ergo filii Israhel sicut eis praecepit Iosue portantes de medio Iordanis alveo duodecim lapides ut ei Dominus imperarat iuxta numerum filiorum Israhel usque ad locum in quo castrametati sunt ibique posuerunt eos
vul@Joshua:4:9 @ alios quoque duodecim lapides posuit Iosue in medio Iordanis alveo ubi steterunt sacerdotes qui portabant arcam foederis et sunt ibi usque in praesentem diem
vul@Joshua:4:10 @ sacerdotes autem qui portabant arcam stabant in Iordanis medio donec omnia conplerentur quae Iosue ut loqueretur ad populum praeceperat Dominus et dixerat ei Moses festinavitque populus et transiit
vul@Joshua:4:11 @ cumque transissent omnes transivit et arca Domini sacerdotesque pergebant ante populum
vul@Joshua:4:12 @ filii quoque Ruben et Gad et dimidiae tribus Manasse armati praecedebant filios Israhel sicut eis praeceperat Moses
vul@Joshua:4:13 @ et quadraginta pugnatorum milia per turmas et cuneos incedebant per plana atque campestria urbis Hiericho
vul@Joshua:4:14 @ in illo die magnificavit Dominus Iosue coram omni Israhel ut timerent eum sicut timuerant Mosen dum adviveret
vul@Joshua:4:16 @ praecipe sacerdotibus qui portant arcam foederis ut ascendant de Iordane
vul@Joshua:4:18 @ cumque ascendissent portantes arcam foederis Domini et siccam humum calcare coepissent reversae sunt aquae in alveum suum et fluebant sicut ante consueverant
vul@Joshua:4:19 @ populus autem ascendit de Iordane decimo mensis primi die et castrametati sunt in Galgalis contra orientalem plagam urbis Hiericho
vul@Joshua:4:20 @ duodecim quoque lapides quos de Iordanis alveo sumpserant posuit Iosue in Galgalis
vul@Joshua:4:21 @ et dixit ad filios Israhel quando interrogaverint filii vestri cras patres suos et dixerint eis quid sibi volunt isti lapides
vul@Joshua:4:22 @ docebitis eos atque dicetis per arentem alveum transivit Israhel Iordanem istum
vul@Joshua:4:23 @ siccante Domino Deo vestro aquas eius in conspectu vestro donec transiretis
vul@Joshua:4:24 @ sicut fecerat prius in mari Rubro quod siccavit donec transiremus
vul@Joshua:4:25 @ ut discant omnes terrarum populi fortissimam Domini manum et ut vos timeatis Dominum Deum vestrum omni tempore
vul@Joshua:5:1 @ postquam ergo audierunt omnes reges Amorreorum qui habitabant trans Iordanem ad occidentalem plagam et cuncti reges Chanaan qui propinqua possidebant Magno mari loca quod siccasset Dominus fluenta Iordanis coram filiis Israhel donec transirent dissolutum est cor eorum et non remansit in eis spiritus timentium introitum filiorum Israhel