cebuano_ang_biblia_pinadayag@Luke:2:8 @ ΒΆ Ug niadtong dapita may mga magbalantay sa mga karnero didto sa sibsibanan, nga nanagtukaw sa kagabhion sa pagbantay sa ilang mga hayop.
cebuano_ang_biblia_pinadayag@Luke:2:9 @ Ug mitungha kanila ang usa ka manolunda sa Ginoo, ug ang himaya sa Ginoo misidlak libut kanila, ug sila giabut ug dakung kalisang.
cebuano_ang_biblia_pinadayag@Luke:2:10 @ Apan ang manolunda miingon kanila, "Ayaw na kamo kalisang; kay tan-awa, gidad-an ko kamog maayong balita sa dakung kalipay nga magaabut sa tanang mga tawo;
cebuano_ang_biblia_pinadayag@Luke:2:11 @ kay alang kaninyo natawo karon sa lungsod ni David ang Manluluwas nga mao ang Cristo nga Ginoo.
cebuano_ang_biblia_pinadayag@Luke:2:12 @ Ug ang inyong ilhanan mao kini: inyong makaplagan ang usa ka gamayng bata nga naputos sa mga bakbak ug nagahigda sa pasungan."
cebuano_ang_biblia_pinadayag@Luke:2:13 @ Ug sa kalit diha uban sa manolunda ang usa ka langitnong panon nga nanagdalayeg sa Dios ug nanag-ingon,
cebuano_ang_biblia_pinadayag@Luke:2:14 @ "Himaya sa Dios sa kalangitan, ug sa yuta panagdait sa mga tawo nga iyang gikahimut-an."
cebuano_ang_biblia_pinadayag@Luke:2:15 @ Ug sa pagpamahawa na sa mga manolunda gikan kanila paingon sa langit, ang mga magbalantay sa mga karnero nasig-ingon ang usa sa usa, "Tana! Mangadto kita sa Betlehem ug tan-awon ta kining nahitabo nga gisugilon kanato sa Ginoo."
cebuano_ang_biblia_pinadayag@Luke:2:16 @ Ug sila miadto nga nanagdali ug ilang nakaplagan si Maria ug si Jose ug ang gamayng bata nga naghigda sa pasungan.
cebuano_ang_biblia_pinadayag@Luke:2:17 @ Ug sa nakita na nila kini, ilang gipanugilon ang pulong nga gisulti kanila mahitungod niadtong bataa;
cebuano_ang_biblia_pinadayag@Luke:2:18 @ ug ang tanang nakadungog niini nahibulong sa gisulti kanila sa mga magbalantay sa mga karnero.
cebuano_ang_biblia_pinadayag@Luke:2:19 @ Apan kining tanang mga butanga gitipigan ni Maria nga namalandong niini diha sa iyang kasingkasing.
cebuano_ang_biblia_pinadayag@Luke:2:20 @ Ug ang mga magbalantay sa mga karnero namauli nga nanaghimaya ug nanagdalayeg sa Dios tungod sa tanan nga ilang nadungog ug nakita sumala sa gisugilon kanila.