cebuano_ang_biblia_pinadayag@Mark:5:21 @ ¶ Ug sa nakatabok na usab si Jesus sakay sa sakayan ngadto sa pikas nga daplin, midugok ngadto kaniya ang usa ka dakung panon sa katawhan; ug siya diha sa baybayon sa lanaw.
cebuano_ang_biblia_pinadayag@Mark:5:22 @ Ug miabut ang usa sa mga punoan sa sinagoga, nga ginganlan si Jairo; ug sa iyang pagkakita kang Jesus, mihapa siya sa tiilan niya,
cebuano_ang_biblia_pinadayag@Mark:5:23 @ ug kaniya nangamuyo siya sa hilabihan gayud nga nag-ingon, "Ang akong batang babaye himalatyon. Adtoa ug itapion ang imong mga kamot diha kaniya, aron mamaayo ug mabuhi siya."
cebuano_ang_biblia_pinadayag@Mark:5:25 @ Ug dihay usa ka babaye nga gitalinug-an sulod na sa napulog-duha ka tuig,
cebuano_ang_biblia_pinadayag@Mark:5:26 @ ug daghan na ang gipaantus kaniya sa daghang mga mananambal, ug ang tanan niyang katigayonan nahurot na niyag gasto, ngani wala siya mamaayo hinonoa misamot siya pagkadaut.
cebuano_ang_biblia_pinadayag@Mark:5:27 @ Ug sa pagkadungog niya sa mga gikasugilon mahitungod kang Jesus, miduol siya sa iyang luyo taliwala sa panon sa katawhan ug gihikap niya ang iyang sapot.
cebuano_ang_biblia_pinadayag@Mark:5:28 @ Kay siya nag-ingon, "Kon makahikap lang ako sa iyang mga sapot, mamaayo gayud ako."
cebuano_ang_biblia_pinadayag@Mark:5:29 @ Ug dihadiha mitang-on ang iyang talinugo, ug gibati niya diha sa iyang lawas nga siya naayo na gikan sa iyang sakit.
cebuano_ang_biblia_pinadayag@Mark:5:30 @ Ug si Jesus, sa nailhan niya sulod sa iyang kaugalingon nga may gahum nga migula gikan kaniya, dihadiha miliso taliwala sa panon sa katawhan ug miingon, "Kinsa bay mihikap sa akong mga sapot?"
cebuano_ang_biblia_pinadayag@Mark:5:31 @ Ang iyang mga tinun-an miingon kaniya, "Nakita mo ang panon sa katawhan nga nagadutdot libut kanimo, ngani mangutana pa ikaw, `Kinsa bay mihikap kanako?'"
cebuano_ang_biblia_pinadayag@Mark:5:32 @ Ug siya miliraw sa pagtan-aw kon kinsa ang naghimo niadto.
cebuano_ang_biblia_pinadayag@Mark:5:33 @ Ug ang babaye, sa hingbaloan niya ang nahitabo kaniya, miduol nga nahadlok ug nagkurog ug mihapa sa iyang atubangan, ug kaniya gisugilon niya ang tanan nga tinuod.
cebuano_ang_biblia_pinadayag@Mark:5:34 @ Ug si Jesus miingon kaniya, "Anak, ang imong pagsalig nakapaayo kanimo; lumakaw ka nga malinawon ug magmaayo ka gikan sa imong sakit."
cebuano_ang_biblia_pinadayag@Mark:5:35 @ ¶ Ug samtang nagsulti pa siya, dihay nangabut gikan sa balay sa punoan sa sinagoga, nga nanag-ingon, "Ang imong anak patay na; nganong imo pa mang hagoon ang Magtutudlo?"
cebuano_ang_biblia_pinadayag@Mark:5:36 @ Apan sa walay pagpanumbaling sa ilang gisulti, si Jesus miingon sa punoan sa sinagoga, "Ayaw kahadlok, sumalig ka lamang."
cebuano_ang_biblia_pinadayag@Mark:5:37 @ Ug wala siyay gitugotan sa pagkuyog kaniya gawas kang Pedro ug kang Santiago ug kang Juan nga igsoon ni Santiago.
cebuano_ang_biblia_pinadayag@Mark:5:38 @ Ug sa paghiabut nila sa balay sa punoan sa sinagoga, nakita niya ang kaguliyang ug ang mga tawo nga nanagpanghilak ug nanagminatay sa makusog.
cebuano_ang_biblia_pinadayag@Mark:5:39 @ Ug sa paghisulod na niya, siya miingon kanila, "Ngano bang nagakaguliyang man kamo ug nagapanghilak? Ang bata wala mamatay, kondili nagakatulog."
cebuano_ang_biblia_pinadayag@Mark:5:40 @ Ug ilang gipanagkataw-an siya. Apan iyang gipagowa silang tanan; ug iyang gidala uban kaniya ang amahan ug inahan sa bata ug ang mga kakuyog niya, ug misulod siya sa dapit diin didto ang bata.
cebuano_ang_biblia_pinadayag@Mark:5:41 @ Ug iyang gigunitan siya sa kamot ug miingon kaniya, "Talita, cumi"; nga sa ato pa, "Inday, magaingon ako kanimo, bumangon ka."
cebuano_ang_biblia_pinadayag@Mark:5:42 @ Dihadiha mibangon ang bata ug naglakaw; kay siya napulog-duha na man ka tuig ang idad. Ug dihadiha giabut silag dakung kahibulong.
cebuano_ang_biblia_pinadayag@Mark:5:43 @ Ug gibaoran sila ni Jesus sa mahigpit gayud nga kinahanglan walay bisan usa nga mahibalo niini, ug iyang gisugo sila sa paghatag ug makaon ngadto sa bata.