vul - 4

vul@Galatians:4:1 @ dico autem quanto tempore heres parvulus est nihil differt servo cum sit dominus omnium

vul@Galatians:4:2 @ sed sub tutoribus est et actoribus usque ad praefinitum tempus a patre

vul@Galatians:4:3 @ ita et nos cum essemus parvuli sub elementis mundi eramus servientes

vul@Galatians:4:4 @ at ubi venit plenitudo temporis misit Deus Filium suum factum ex muliere factum sub lege

vul@Galatians:4:5 @ ut eos qui sub lege erant redimeret ut adoptionem filiorum reciperemus

vul@Galatians:4:6 @ quoniam autem estis filii misit Deus Spiritum Filii sui in corda nostra clamantem Abba Pater

vul@Galatians:4:7 @ itaque iam non es servus sed filius quod si filius et heres per Deum

vul@Galatians:4:8 @ sed tunc quidem ignorantes Deum his qui natura non sunt dii serviebatis

vul@Galatians:4:9 @ nunc autem cum cognoveritis Deum immo cogniti sitis a Deo quomodo convertimini iterum ad infirma et egena elementa quibus denuo servire vultis

vul@Galatians:4:10 @ dies observatis et menses et tempora et annos

vul@Galatians:4:11 @ timeo vos ne forte sine causa laboraverim in vobis

vul@Galatians:4:12 @ estote sicut et ego quia et ego sicut vos fratres obsecro vos nihil me laesistis

vul@Galatians:4:13 @ scitis autem quia per infirmitatem carnis evangelizavi vobis iam pridem

vul@Galatians:4:14 @ et temptationem vestram in carne mea non sprevistis neque respuistis sed sicut angelum Dei excepistis me sicut Christum Iesum

vul@Galatians:4:15 @ ubi est ergo beatitudo vestra testimonium enim perhibeo vobis quia si fieri posset oculos vestros eruissetis et dedissetis mihi

vul@Galatians:4:16 @ ergo inimicus vobis factus sum verum dicens vobis

vul@Galatians:4:17 @ aemulantur vos non bene sed excludere vos volunt ut illos aemulemini

vul@Galatians:4:18 @ bonum autem aemulamini in bono semper et non tantum cum praesens sum apud vos

vul@Galatians:4:19 @ filioli mei quos iterum parturio donec formetur Christus in vobis

vul@Galatians:4:20 @ vellem autem esse apud vos modo et mutare vocem meam quoniam confundor in vobis

vul@Galatians:4:21 @ dicite mihi qui sub lege vultis esse legem non legistis

vul@Galatians:4:22 @ scriptum est enim quoniam Abraham duos filios habuit unum de ancilla et unum de libera

vul@Galatians:4:23 @ sed qui de ancilla secundum carnem natus est qui autem de libera per repromissionem

vul@Galatians:4:24 @ quae sunt per allegoriam dicta haec enim sunt duo testamenta unum quidem a monte Sina in servitutem generans quae est Agar

vul@Galatians:4:25 @ Sina enim mons est in Arabia qui coniunctus est ei quae nunc est Hierusalem et servit cum filiis eius

vul@Galatians:4:26 @ illa autem quae sursum est Hierusalem libera est quae est mater nostra

vul@Galatians:4:27 @ scriptum est enim laetare sterilis quae non paris erumpe et exclama quae non parturis quia multi filii desertae magis quam eius quae habet virum

vul@Galatians:4:28 @ nos autem fratres secundum Isaac promissionis filii sumus

vul@Galatians:4:29 @ sed quomodo tunc qui secundum carnem natus fuerat persequebatur eum qui secundum spiritum ita et nunc

vul@Galatians:4:30 @ sed quid dicit scriptura eice ancillam et filium eius non enim heres erit filius ancillae cum filio liberae

vul@Galatians:4:31 @ itaque fratres non sumus ancillae filii sed liberae qua libertate nos Christus liberavit

Galatians 4