vul - 4

vul@Proverbs:4:1 @ audite filii disciplinam patris et adtendite ut sciatis prudentiam

vul@Proverbs:4:2 @ donum bonum tribuam vobis legem meam ne derelinquatis

vul@Proverbs:4:3 @ nam et ego filius fui patris mei tenellus et unigenitus coram matre mea

vul@Proverbs:4:4 @ et docebat me atque dicebat suscipiat verba mea cor tuum custodi praecepta mea et vives

vul@Proverbs:4:5 @ posside sapientiam posside prudentiam ne obliviscaris neque declines a verbis oris mei

vul@Proverbs:4:6 @ ne dimittas eam et custodiet te dilige eam et servabit te

vul@Proverbs:4:7 @ principium sapientiae posside sapientiam et in omni possessione tua adquire prudentiam

vul@Proverbs:4:8 @ arripe illam et exaltabit te glorificaberis ab ea cum eam fueris amplexatus

vul@Proverbs:4:9 @ dabit capiti tuo augmenta gratiarum et corona inclita proteget te

vul@Proverbs:4:10 @ audi fili mi et suscipe verba mea ut multiplicentur tibi anni vitae

vul@Proverbs:4:11 @ viam sapientiae monstravi tibi duxi te per semitas aequitatis

vul@Proverbs:4:12 @ quas cum ingressus fueris non artabuntur gressus tui et currens non habebis offendiculum

vul@Proverbs:4:13 @ tene disciplinam ne dimittas eam custodi illam quia ipsa est vita tua

vul@Proverbs:4:14 @ ne delecteris semitis impiorum nec tibi placeat malorum via

vul@Proverbs:4:15 @ fuge ab ea ne transeas per illam declina et desere eam

vul@Proverbs:4:16 @ non enim dormiunt nisi malefecerint et rapitur somnus ab eis nisi subplantaverint

vul@Proverbs:4:17 @ comedunt panem impietatis et vinum iniquitatis bibunt

vul@Proverbs:4:18 @ iustorum autem semita quasi lux splendens procedit et crescit usque ad perfectam diem

vul@Proverbs:4:19 @ via impiorum tenebrosa nesciunt ubi corruant

vul@Proverbs:4:20 @ fili mi ausculta sermones meos et ad eloquia mea inclina aurem tuam

vul@Proverbs:4:21 @ ne recedant ab oculis tuis custodi ea in medio cordis tui

vul@Proverbs:4:22 @ vita enim sunt invenientibus ea et universae carni sanitas

vul@Proverbs:4:23 @ omni custodia serva cor tuum quia ex ipso vita procedit

vul@Proverbs:4:24 @ remove a te os pravum et detrahentia labia sint procul a te

vul@Proverbs:4:25 @ oculi tui recta videant et palpebrae tuae praecedant gressus tuos

vul@Proverbs:4:26 @ dirige semitam pedibus tuis et omnes viae tuae stabilientur

vul@Proverbs:4:27 @ ne declines ad dexteram et ad sinistram averte pedem tuum a malo

Proverbs 4