esperanto

esperanto@Psalms:39:1 @ Al la hxorestro Jedutun. Psalmo de David. Mi diris:Mi gardos min sur miaj vojoj, ke mi ne peku per mia lango; Mi bridos mian busxon, kiam malpiulo staras kontraux mi.

esperanto@Psalms:39:2 @ Mi estis muta kaj silenta, mi silentis ecx pri bono; Kaj mia sufero estis mordanta.

esperanto@Psalms:39:3 @ Ekbrulis mia koro en mia interno, En miaj pensoj ekflamis fajro, Mi ekparolis per mia lango:

esperanto@Psalms:39:4 @ Sciigu al mi, ho Eternulo, mian finon, Kaj kia estos la dauxro de miaj tagoj, Por ke mi sciu, kiel neniigxa mi estas.

esperanto@Psalms:39:5 @ Jen Vi donis al mi tagojn largxajn kiel manplato, Kaj la dauxro de mia vivo estas antaux Vi kiel nenio; Absoluta vantajxo estas cxiu homo, kiel ajn forte li starus. Sela.

esperanto@Psalms:39:6 @ Nur kiel fantomo iras la homo, nur vante li klopodas; Li kolektas, kaj ne scias, kiu gxin ricevos.

esperanto@Psalms:39:7 @ Kaj nun kion mi devas esperi, mia Sinjoro? Mia espero estas al Vi.

esperanto@Psalms:39:8 @ De cxiuj miaj pekoj liberigu min, Ne lasu min farigxi mokindajxo por sensagxulo.

esperanto@Psalms:39:9 @ Mi mutigxis, mi ne malfermos mian busxon, CXar Vi tion faris.

esperanto@Psalms:39:10 @ Deturnu de mi Vian frapon; De Via batanta mano mi pereas.

esperanto@Psalms:39:11 @ Se Vi punas homon pro lia krimo, Tiam lia beleco konsumigxas kiel de tineoj. Nur vantajxo estas cxiu homo. Sela.

esperanto@Psalms:39:12 @ Auxskultu mian pregxon, ho Eternulo, kaj atentu mian krion; Al miaj larmoj ne silentu; CXar migranto mi estas cxe Vi, Enmigrinto, kiel cxiuj miaj patroj.

esperanto@Psalms:39:13 @ Lasu min, ke mi vigligxu, Antaux ol mi foriros kaj cxesos ekzisti.

Psalms 39