Psalms 70
vul@Psalms:70:1 @ in te Domine speravi ne confundar in aeternum
vul@Psalms:70:2 @ iustitia tua erue me et libera inclina ad me aurem tuam et salva me
vul@Psalms:70:3 @ esto mihi robustum habitaculum ut ingrediar iugiter praecepisti ut salvares me quia petra mea et fortitudo mea es tu
vul@Psalms:70:4 @ Deus meus salva me de manu impii de manu iniqui et nocentis
vul@Psalms:70:5 @ quia tu es expectatio mea Deus Domine fiducia mea ab adulescentia mea
vul@Psalms:70:6 @ a te sustentatus sum ex utero de ventre matris meae tu es protector meus in te laus mea semper
vul@Psalms:70:7 @ quasi portentum factus sum multis et tu spes mea fortissima
vul@Psalms:70:8 @ impleatur os meum laude tua tota die magnitudine tua
vul@Psalms:70:9 @ ne proicias me in tempore senectutis cum defecerit fortitudo mea ne derelinquas me
vul@Psalms:70:10 @ quia dixerunt inimici mei mihi et qui observabant animam meam inierunt consilium pariter
vul@Psalms:70:11 @ dicentes Deus dereliquit eum persequimini et conprehendite eum quia non est qui eruat
vul@Psalms:70:12 @ Deus ne elongeris a me Deus meus ad auxiliandum mihi festina
vul@Psalms:70:13 @ confundantur et consumantur adversarii animae meae operiantur obprobrio et confusione qui quaerunt malum mihi
vul@Psalms:70:14 @ ego autem iugiter expectabo et adiciam super omnes laudationes tuas
vul@Psalms:70:15 @ os meum narrabit iustitiam tuam tota die salutare tuum quia non cognovi litteraturas
vul@Psalms:70:16 @ ingrediar in fortitudine Domini Dei recordabor iustitiae tuae solius
vul@Psalms:70:17 @ Deus docuisti me ab adulescentia mea et usque nunc adnuntiabo mirabilia tua
vul@Psalms:70:18 @ insuper et usque ad senectutem et canos Deus ne derelinquas me donec adnuntiem brachium tuum generationi cunctisque qui venturi sunt fortitudines tuas
vul@Psalms:70:19 @ et iustitiam tuam Deus usque in excelsum quanta fecisti magnalia Deus quis similis tibi
vul@Psalms:70:20 @ qui ostendisti mihi tribulationes plurimas et adflictiones conversus vivificabis nos et de abyssis terrae rursum educes nos
vul@Psalms:70:21 @ multiplicabis magnitudinem meam et conversus consolaberis me
vul@Psalms:70:22 @ ego autem confitebor tibi in vasis psalterii veritatem tuam Deus meus cantabo tibi in cithara Sancte Israhel
vul@Psalms:70:23 @ laudabunt labia mea cum cantavero tibi et anima mea quam redemisti
vul@Psalms:70:24 @ insuper et lingua mea tota die meditabitur iustitiam tuam quia confusi sunt et dehonestati quaerentes malum mihi