Ezekiel:18
vul@Ezekiel:18:1 @ et factus est sermo Domini ad me dicens
vul@Ezekiel:18:2 @ quid est quod inter vos parabolam vertitis in proverbium istud in terra Israhel dicentes patres comederunt uvam acerbam et dentes filiorum obstupescunt
vul@Ezekiel:18:3 @ vivo ego dicit Dominus Deus si erit vobis ultra parabola haec in proverbium in Israhel
vul@Ezekiel:18:4 @ ecce omnes animae meae sunt ut anima patris ita et anima filii mea est anima quae peccaverit ipsa morietur
vul@Ezekiel:18:5 @ et vir si fuerit iustus et fecerit iudicium et iustitiam
vul@Ezekiel:18:6 @ in montibus non comederit et oculos suos non levaverit ad idola domus Israhel et uxorem proximi sui non violaverit et ad mulierem menstruatam non accesserit
vul@Ezekiel:18:7 @ et hominem non contristaverit pignus debitori reddiderit per vim nihil rapuerit panem suum esurienti dederit et nudum operuerit vestimento
vul@Ezekiel:18:8 @ ad usuram non commodaverit et amplius non acceperit ab iniquitate averterit manum suam iudicium verum fecerit inter virum et virum
vul@Ezekiel:18:9 @ in praeceptis meis ambulaverit et iudicia mea custodierit ut faciat veritatem hic iustus est vita vivet ait Dominus Deus
vul@Ezekiel:18:10 @ quod si genuerit filium latronem effundentem sanguinem et fecerit unum de istis
vul@Ezekiel:18:11 @ et haec quidem omnia non facientem sed in montibus comedentem et uxorem proximi sui polluentem
vul@Ezekiel:18:12 @ egenum et pauperem contristantem rapientem rapinas pignus non reddentem et ad idola levantem oculos suos abominationem facientem
vul@Ezekiel:18:13 @ ad usuram dantem et amplius accipientem numquid vivet non vivet cum universa detestanda haec fecerit morte morietur sanguis eius in ipso erit
vul@Ezekiel:18:14 @ quod si genuerit filium qui videns omnia peccata patris sui quae fecit timuerit et non fecerit simile eis
vul@Ezekiel:18:15 @ super montes non comederit et oculos suos non levaverit ad idola domus Israhel et uxorem proximi sui non violaverit
vul@Ezekiel:18:16 @ et virum non contristaverit pignus non retinuerit et rapinam non rapuerit panem suum esurienti dederit et nudum operuerit vestimento
vul@Ezekiel:18:17 @ a pauperis iniuria averterit manum suam usuram et superabundantiam non acceperit iudicia mea fecerit in praeceptis meis ambulaverit hic non morietur in iniquitate patris sui sed vita vivet
vul@Ezekiel:18:18 @ pater eius quia calumniatus est et vim fecit fratri et malum operatus est in medio populi sui ecce mortuus est in iniquitate sua
vul@Ezekiel:18:19 @ et dicitis quare non portavit filius iniquitatem patris videlicet quia filius iudicium et iustitiam operatus est omnia praecepta mea custodivit et fecit illa vita vivet
vul@Ezekiel:18:20 @ anima quae peccaverit ipsa morietur filius non portabit iniquitatem patris et pater non portabit iniquitatem filii iustitia iusti super eum erit et impietas impii erit super eum
vul@Ezekiel:18:21 @ si autem impius egerit paenitentiam ab omnibus peccatis suis quae operatus est et custodierit universa praecepta mea et fecerit iudicium et iustitiam vita vivet non morietur
vul@Ezekiel:18:22 @ omnium iniquitatum eius quas operatus est non recordabor in iustitia sua quam operatus est vivet
vul@Ezekiel:18:23 @ numquid voluntatis meae est mors impii dicit Dominus Deus et non ut convertatur a viis suis et vivat
vul@Ezekiel:18:24 @ si autem averterit se iustus a iustitia sua et fecerit iniquitatem secundum omnes abominationes quas operari solet impius numquid vivet omnes iustitiae eius quas fecerat non recordabuntur in praevaricatione qua praevaricatus est et in peccato suo quod peccavit in ipsis morietur
vul@Ezekiel:18:25 @ et dixistis non est aequa via Domini audite domus Israhel numquid via mea non est aequa et non magis viae vestrae pravae sunt
vul@Ezekiel:18:26 @ cum enim averterit se iustus a iustitia sua et fecerit iniquitatem morietur in eis in iniustitia quam operatus est morietur
vul@Ezekiel:18:27 @ et cum averterit se impius ab impietate sua quam operatus est et fecerit iudicium et iustitiam ipse animam suam vivificabit
vul@Ezekiel:18:28 @ considerans enim et avertens se ab omnibus iniquitatibus suis quas operatus est vita vivet et non morietur
vul@Ezekiel:18:29 @ et dicunt filii Israhel non est aequa via Domini numquid viae meae non sunt aequae domus Israhel et non magis viae vestrae pravae
vul@Ezekiel:18:30 @ idcirco unumquemque iuxta vias suas iudicabo domus Israhel ait Dominus Deus convertimini et agite paenitentiam ab omnibus iniquitatibus vestris et non erit vobis in ruinam iniquitas
vul@Ezekiel:18:31 @ proicite a vobis omnes praevaricationes vestras in quibus praevaricati estis et facite vobis cor novum et spiritum novum et quare moriemini domus Israhel
vul@Ezekiel:18:32 @ quia nolo mortem morientis dicit Dominus Deus revertimini et vivite