cebuano_ang_biblia_pinadayag 1John:1
cebuano_ang_biblia_
pinadayag@1John:1:1 @ ¶ Kadto nga diha na sukad pa sa sinugdan, nga among nadungog, nga among nakita pinaagi sa among kaugalingong mga mata, nga among nasud-ong ug nahikap pinaagi sa among mga kamot, mahitungod sa pulong nga nagahatag ug kinabuhi
cebuano_ang_biblia_pinadayag@1John:1:2 @ (ug ang kinabuhi gikapadayag, ug kami nakakita niini ug magapanghimatuod niini, ug magamantala kaninyo sa maong dayong kinabuhi, nga diha kauban sa Amahan ug nga gikapadayag kanamo),
cebuano_ang_biblia_pinadayag@1John:1:3 @ kadto nga among nakita ug nadungog among ginamantala usab kaninyo, aron kamo usab makabaton sa pakig-ambitay uban kanamo; ug ang atong pakig-ambitay maoy pakig-ambitay uban sa Amahan ug sa iyang Anak nga si Jesu-Cristo.
cebuano_ang_biblia_pinadayag@1John:1:4 @ Ug kami nagasulat niini kaninyo aron mamahingpit ang among kalipay.
cebuano_ang_biblia_pinadayag@1John:1:5 @ ¶ Ang gipahibalo nga among nadungog gikan kaniya ug karon among ginamantala kaninyo mao kini: nga ang Dios kahayag ug diha kaniya wala gayuy kangitngit.
cebuano_ang_biblia_pinadayag@1John:1:6 @ Kon kita magaingon nga may pakig-ambitay kita uban kaniya, apan nagalakaw usab kita diha sa kangitngit, nan, kita nagabakak ug wala magkinabuhi subay sa kamatuoran;
cebuano_ang_biblia_pinadayag@1John:1:7 @ apan kon kita magalakaw diha sa kahayag, maingon nga siya anaa sa kahayag, nan, kita may pakig-ambitay ang usa sa usa, ug ang dugo ni Jesus nga iyang Anak nagahinlo kanato gikan sa tanang sala.
cebuano_ang_biblia_pinadayag@1John:1:8 @ ¶ Kon kita magaingon nga wala kitay sala, kita ra ang nagapahisalaag sa atong kaugalingon, ug wala kanato ang kamatuoran.
cebuano_ang_biblia_pinadayag@1John:1:9 @ Kon isugid ta ang atong mga sala, siya kasaligan ug makatarunganon nga tungod niana mopasaylo siya sa atong mga sala ug magahinlo kanato gikan sa tanang pagkadili makatarunganon.
cebuano_ang_biblia_pinadayag@1John:1:10 @ Kon kita magaingon nga wala kita makasala, siya atong gipakabakakon, ug wala kanato ang iyang pulong.
![[pBiblx2]](/img/pbiblx2_logo3.png){kind=logo}