1Chronicles:14:1-7
biblehebr@1Chronicles:14:1 @ וַיִּשְׁלַח חִירָם מֶלֶךְ־צֹר מַלְאָכִים אֶל־דָּוִיד וַעֲצֵי אֲרָזִים וְחָרָשֵׁי קִיר וְחָרָשֵׁי עֵצִים לִבְנוֹת לוֹ בָּיִת ׃
biblehebr@1Chronicles:14:2 @ וַיֵּדַע דָּוִיד כִּי־הֱכִינוֹ יְהוָה לְמֶלֶךְ עַל־יִשְׂרָאֵל כִּי־נִשֵּׂאת לְמַעְלָה מַלְכוּתוֹ בַּעֲבוּר עַמּוֹ יִשְׂרָאֵל ׃ פ
biblehebr@1Chronicles:14:3 @ וַיִּקַּח דָּוִיד עוֹד נָשִׁים בִּירוּשָׁלָםִ וַיּוֹלֶד דָּוִיד עוֹד בָּנִים וּבָנוֹת ׃
biblehebr@1Chronicles:14:4 @ וְאֵלֶּה שְׁמוֹת הַיְלוּדִים אֲשֶׁר הָיוּ־לוֹ בִּירוּשָׁלָםִ שַׁמּוּעַ וְשׁוֹבָב נָתָן וּשְׁלֹמֹה ׃
biblehebr@1Chronicles:14:5 @ וְיִבְחָר וֶאֱלִישׁוּעַ וְאֶלְפָּלֶט ׃
biblehebr@1Chronicles:14:6 @ וְנֹגַהּ וְנֶפֶג וְיָפִיעַ ׃
biblehebr@1Chronicles:14:7 @ וֶאֱלִישָׁמָע וּבְעֶלְיָדָע וֶאֱלִיפָלֶט ׃