1Corinthians:1:18-2
vul@1Corinthians:1:18 @ verbum enim crucis pereuntibus quidem stultitia est his autem qui salvi fiunt id est nobis virtus Dei est
vul@1Corinthians:1:19 @ scriptum est enim perdam sapientiam sapientium et prudentiam prudentium reprobabo
vul@1Corinthians:1:20 @ ubi sapiens ubi scriba ubi conquisitor huius saeculi nonne stultam fecit Deus sapientiam huius mundi
vul@1Corinthians:1:21 @ nam quia in Dei sapientia non cognovit mundus per sapientiam Deum placuit Deo per stultitiam praedicationis salvos facere credentes
vul@1Corinthians:1:22 @ quoniam et Iudaei signa petunt et Graeci sapientiam quaerunt
vul@1Corinthians:1:23 @ nos autem praedicamus Christum crucifixum Iudaeis quidem scandalum gentibus autem stultitiam
vul@1Corinthians:1:24 @ ipsis autem vocatis Iudaeis atque Graecis Christum Dei virtutem et Dei sapientiam
vul@1Corinthians:1:25 @ quia quod stultum est Dei sapientius est hominibus et quod infirmum est Dei fortius est hominibus
vul@1Corinthians:1:26 @ videte enim vocationem vestram fratres quia non multi sapientes secundum carnem non multi potentes non multi nobiles
vul@1Corinthians:1:27 @ sed quae stulta sunt mundi elegit Deus ut confundat sapientes et infirma mundi elegit Deus ut confundat fortia
vul@1Corinthians:1:28 @ et ignobilia mundi et contemptibilia elegit Deus et quae non sunt ut ea quae sunt destrueret
vul@1Corinthians:1:29 @ ut non glorietur omnis caro in conspectu eius
vul@1Corinthians:1:30 @ ex ipso autem vos estis in Christo Iesu qui factus est sapientia nobis a Deo et iustitia et sanctificatio et redemptio
vul@1Corinthians:1:31 @ ut quemadmodum scriptum est qui gloriatur in Domino glorietur
vul@1Corinthians:10:1 @ nolo enim vos ignorare fratres quoniam patres nostri omnes sub nube fuerunt et omnes mare transierunt
vul@1Corinthians:10:2 @ et omnes in Mose baptizati sunt in nube et in mari
vul@1Corinthians:10:3 @ et omnes eandem escam spiritalem manducaverunt
vul@1Corinthians:10:4 @ et omnes eundem potum spiritalem biberunt bibebant autem de spiritali consequenti eos petra petra autem erat Christus
vul@1Corinthians:10:5 @ sed non in pluribus eorum beneplacitum est Deo nam prostrati sunt in deserto
vul@1Corinthians:10:6 @ haec autem in figura facta sunt nostri ut non simus concupiscentes malorum sicut et illi concupierunt
vul@1Corinthians:10:7 @ neque idolorum cultores efficiamini sicut quidam ex ipsis quemadmodum scriptum est sedit populus manducare et bibere et surrexerunt ludere
vul@1Corinthians:10:8 @ neque fornicemur sicut quidam ex ipsis fornicati sunt et ceciderunt una die viginti tria milia
vul@1Corinthians:10:9 @ neque temptemus Christum sicut quidam eorum temptaverunt et a serpentibus perierunt
vul@1Corinthians:10:10 @ neque murmuraveritis sicut quidam eorum murmuraverunt et perierunt ab exterminatore
vul@1Corinthians:10:11 @ haec autem omnia in figura contingebant illis scripta sunt autem ad correptionem nostram in quos fines saeculorum devenerunt
vul@1Corinthians:10:12 @ itaque qui se existimat stare videat ne cadat
vul@1Corinthians:10:13 @ temptatio vos non adprehendat nisi humana fidelis autem Deus qui non patietur vos temptari super id quod potestis sed faciet cum temptatione etiam proventum ut possitis sustinere
vul@1Corinthians:10:14 @ propter quod carissimi mihi fugite ab idolorum cultura
vul@1Corinthians:10:15 @ ut prudentibus loquor vos iudicate quod dico
vul@1Corinthians:10:16 @ calicem benedictionis cui benedicimus nonne communicatio sanguinis Christi est et panis quem frangimus nonne participatio corporis Domini est
vul@1Corinthians:10:17 @ quoniam unus panis unum corpus multi sumus omnes quidem de uno pane participamur
vul@1Corinthians:10:18 @ videte Israhel secundum carnem nonne qui edunt hostias participes sunt altaris
vul@1Corinthians:10:19 @ quid ergo dico quod idolis immolatum sit aliquid aut quod idolum sit aliquid
vul@1Corinthians:10:20 @ sed quae immolant gentes daemoniis immolant et non Deo nolo autem vos socios fieri daemoniorum non potestis calicem Domini bibere et calicem daemoniorum
vul@1Corinthians:10:21 @ non potestis mensae Domini participes esse et mensae daemoniorum
vul@1Corinthians:10:22 @ an aemulamur Dominum numquid fortiores illo sumus omnia licent sed non omnia expediunt
vul@1Corinthians:10:23 @ omnia licent sed non omnia aedificant
vul@1Corinthians:10:24 @ nemo quod suum est quaerat sed quod alterius
vul@1Corinthians:10:25 @ omne quod in macello venit manducate nihil interrogantes propter conscientiam
vul@1Corinthians:10:26 @ Domini est terra et plenitudo eius
vul@1Corinthians:10:27 @ si quis vocat vos infidelium et vultis ire omne quod vobis adponitur manducate nihil interrogantes propter conscientiam
vul@1Corinthians:10:28 @ si quis autem dixerit hoc immolaticium est idolis nolite manducare propter illum qui indicavit et propter conscientiam
vul@1Corinthians:10:29 @ conscientiam autem dico non tuam sed alterius ut quid enim libertas mea iudicatur ab alia conscientia
vul@1Corinthians:10:30 @ si ego cum gratia participo quid blasphemor pro eo quod gratias ago
vul@1Corinthians:10:31 @ sive ergo manducatis sive bibitis vel aliud quid facitis omnia in gloriam Dei facite
vul@1Corinthians:10:32 @ sine offensione estote Iudaeis et gentilibus et ecclesiae Dei
vul@1Corinthians:10:33 @ sicut et ego per omnia omnibus placeo non quaerens quod mihi utile est sed quod multis ut salvi fiant
vul@1Corinthians:11:1 @ imitatores mei estote sicut et ego Christi
vul@1Corinthians:11:2 @ laudo autem vos fratres quod omnia mei memores estis et sicut tradidi vobis praecepta mea tenetis
vul@1Corinthians:11:3 @ volo autem vos scire quod omnis viri caput Christus est caput autem mulieris vir caput vero Christi Deus
vul@1Corinthians:11:4 @ omnis vir orans aut prophetans velato capite deturpat caput suum
vul@1Corinthians:11:5 @ omnis autem mulier orans aut prophetans non velato capite deturpat caput suum unum est enim atque si decalvetur
vul@1Corinthians:11:6 @ nam si non velatur mulier et tondeatur si vero turpe est mulieri tonderi aut decalvari velet caput suum
vul@1Corinthians:11:7 @ vir quidem non debet velare caput quoniam imago et gloria est Dei mulier autem gloria viri est
vul@1Corinthians:11:8 @ non enim vir ex muliere est sed mulier ex viro
vul@1Corinthians:11:9 @ etenim non est creatus vir propter mulierem sed mulier propter virum
vul@1Corinthians:11:10 @ ideo debet mulier potestatem habere supra caput propter angelos
vul@1Corinthians:11:11 @ verumtamen neque vir sine muliere neque mulier sine viro in Domino
vul@1Corinthians:11:12 @ nam sicut mulier de viro ita et vir per mulierem omnia autem ex Deo
vul@1Corinthians:11:13 @ vos ipsi iudicate decet mulierem non velatam orare Deum
vul@1Corinthians:11:14 @ nec ipsa natura docet vos quod vir quidem si comam nutriat ignominia est illi
vul@1Corinthians:11:15 @ mulier vero si comam nutriat gloria est illi quoniam capilli pro velamine ei dati sunt
vul@1Corinthians:11:16 @ si quis autem videtur contentiosus esse nos talem consuetudinem non habemus neque ecclesiae Dei
vul@1Corinthians:11:17 @ hoc autem praecipio non laudans quod non in melius sed in deterius convenitis
vul@1Corinthians:11:18 @ primum quidem convenientibus vobis in ecclesia audio scissuras esse et ex parte credo
vul@1Corinthians:11:19 @ nam oportet et hereses esse ut et qui probati sunt manifesti fiant in vobis
vul@1Corinthians:11:20 @ convenientibus ergo vobis in unum iam non est dominicam cenam manducare
vul@1Corinthians:11:21 @ unusquisque enim suam cenam praesumit ad manducandum et alius quidem esurit alius autem ebrius est
vul@1Corinthians:11:22 @ numquid domos non habetis ad manducandum et bibendum aut ecclesiam Dei contemnitis et confunditis eos qui non habent quid dicam vobis laudo vos in hoc non laudo
vul@1Corinthians:11:23 @ ego enim accepi a Domino quod et tradidi vobis quoniam Dominus Iesus in qua nocte tradebatur accepit panem
vul@1Corinthians:11:24 @ et gratias agens fregit et dixit hoc est corpus meum pro vobis hoc facite in meam commemorationem
vul@1Corinthians:11:25 @ similiter et calicem postquam cenavit dicens hic calix novum testamentum est in meo sanguine hoc facite quotienscumque bibetis in meam commemorationem
vul@1Corinthians:11:26 @ quotienscumque enim manducabitis panem hunc et calicem bibetis mortem Domini adnuntiatis donec veniat
vul@1Corinthians:11:27 @ itaque quicumque manducaverit panem vel biberit calicem Domini indigne reus erit corporis et sanguinis Domini
vul@1Corinthians:11:28 @ probet autem se ipsum homo et sic de pane illo edat et de calice bibat
vul@1Corinthians:11:29 @ qui enim manducat et bibit indigne iudicium sibi manducat et bibit non diiudicans corpus
vul@1Corinthians:11:30 @ ideo inter vos multi infirmes et inbecilles et dormiunt multi
vul@1Corinthians:11:31 @ quod si nosmet ipsos diiudicaremus non utique iudicaremur
vul@1Corinthians:11:32 @ dum iudicamur autem a Domino corripimur ut non cum hoc mundo damnemur
vul@1Corinthians:11:33 @ itaque fratres mei cum convenitis ad manducandum invicem expectate
vul@1Corinthians:11:34 @ si quis esurit domi manducet ut non in iudicium conveniatis cetera autem cum venero disponam
vul@1Corinthians:12:1 @ de spiritalibus autem nolo vos ignorare fratres
vul@1Corinthians:12:2 @ scitis quoniam cum gentes essetis ad simulacra muta prout ducebamini euntes
vul@1Corinthians:12:3 @ ideo notum vobis facio quod nemo in Spiritu Dei loquens dicit anathema Iesu et nemo potest dicere Dominus Iesus nisi in Spiritu Sancto
vul@1Corinthians:12:4 @ divisiones vero gratiarum sunt idem autem Spiritus
vul@1Corinthians:12:5 @ et divisiones ministrationum sunt idem autem Dominus
vul@1Corinthians:12:6 @ et divisiones operationum sunt idem vero Deus qui operatur omnia in omnibus
vul@1Corinthians:12:7 @ unicuique autem datur manifestatio Spiritus ad utilitatem
vul@1Corinthians:12:8 @ alii quidem per Spiritum datur sermo sapientiae alii autem sermo scientiae secundum eundem Spiritum
vul@1Corinthians:12:9 @ alteri fides in eodem Spiritu alii gratia sanitatum in uno Spiritu
vul@1Corinthians:12:10 @ alii operatio virtutum alii prophetatio alii discretio spirituum alii genera linguarum alii interpretatio sermonum
vul@1Corinthians:12:11 @ haec autem omnia operatur unus atque idem Spiritus dividens singulis prout vult
vul@1Corinthians:12:12 @ sicut enim corpus unum est et membra habet multa omnia autem membra corporis cum sint multa unum corpus sunt ita et Christus
vul@1Corinthians:12:13 @ etenim in uno Spiritu omnes nos in unum corpus baptizati sumus sive Iudaei sive gentiles sive servi sive liberi et omnes unum Spiritum potati sumus
vul@1Corinthians:12:14 @ nam et corpus non est unum membrum sed multa
vul@1Corinthians:12:15 @ si dixerit pes quoniam non sum manus non sum de corpore non ideo non est de corpore
vul@1Corinthians:12:16 @ et si dixerit auris quia non sum oculus non sum de corpore non ideo non est de corpore
vul@1Corinthians:12:17 @ si totum corpus oculus ubi auditus si totum auditus ubi odoratus
vul@1Corinthians:12:18 @ nunc autem posuit Deus membra unumquodque eorum in corpore sicut voluit
vul@1Corinthians:12:19 @ quod si essent omnia unum membrum ubi corpus
vul@1Corinthians:12:20 @ nunc autem multa quidem membra unum autem corpus
vul@1Corinthians:12:21 @ non potest dicere oculus manui opera tua non indigeo aut iterum caput pedibus non estis mihi necessarii
vul@1Corinthians:12:22 @ sed multo magis quae videntur membra corporis infirmiora esse necessariora sunt
vul@1Corinthians:12:23 @ et quae putamus ignobiliora membra esse corporis his honorem abundantiorem circumdamus et quae inhonesta sunt nostra abundantiorem honestatem habent
vul@1Corinthians:12:24 @ honesta autem nostra nullius egent sed Deus temperavit corpus ei cui deerat abundantiorem tribuendo honorem
vul@1Corinthians:12:25 @ ut non sit scisma in corpore sed id ipsum pro invicem sollicita sint membra
vul@1Corinthians:12:26 @ et si quid patitur unum membrum conpatiuntur omnia membra sive gloriatur unum membrum congaudent omnia membra
vul@1Corinthians:12:27 @ vos autem estis corpus Christi et membra de membro
vul@1Corinthians:12:28 @ et quosdam quidem posuit Deus in ecclesia primum apostolos secundo prophetas tertio doctores deinde virtutes exin gratias curationum opitulationes gubernationes genera linguarum
vul@1Corinthians:12:29 @ numquid omnes apostoli numquid omnes prophetae numquid omnes doctores
vul@1Corinthians:12:30 @ numquid omnes virtutes numquid omnes gratiam habent curationum numquid omnes linguis loquuntur numquid omnes interpretantur
vul@1Corinthians:12:31 @ aemulamini autem charismata maiora et adhuc excellentiorem viam vobis demonstro
vul@1Corinthians:13:1 @ si linguis hominum loquar et angelorum caritatem autem non habeam factus sum velut aes sonans aut cymbalum tinniens
vul@1Corinthians:13:2 @ et si habuero prophetiam et noverim mysteria omnia et omnem scientiam et habuero omnem fidem ita ut montes transferam caritatem autem non habuero nihil sum
vul@1Corinthians:13:3 @ et si distribuero in cibos pauperum omnes facultates meas et si tradidero corpus meum ut ardeam caritatem autem non habuero nihil mihi prodest
vul@1Corinthians:13:4 @ caritas patiens est benigna est caritas non aemulatur non agit perperam non inflatur
vul@1Corinthians:13:5 @ non est ambitiosa non quaerit quae sua sunt non inritatur non cogitat malum
vul@1Corinthians:13:6 @ non gaudet super iniquitatem congaudet autem veritati
vul@1Corinthians:13:7 @ omnia suffert omnia credit omnia sperat omnia sustinet
vul@1Corinthians:13:8 @ caritas numquam excidit sive prophetiae evacuabuntur sive linguae cessabunt sive scientia destruetur
vul@1Corinthians:13:9 @ ex parte enim cognoscimus et ex parte prophetamus
vul@1Corinthians:13:10 @ cum autem venerit quod perfectum est evacuabitur quod ex parte est
vul@1Corinthians:13:11 @ cum essem parvulus loquebar ut parvulus sapiebam ut parvulus cogitabam ut parvulus quando factus sum vir evacuavi quae erant parvuli
vul@1Corinthians:13:12 @ videmus nunc per speculum in enigmate tunc autem facie ad faciem nunc cognosco ex parte tunc autem cognoscam sicut et cognitus sum
vul@1Corinthians:13:13 @ nunc autem manet fides spes caritas tria haec maior autem his est caritas
vul@1Corinthians:14:1 @ sectamini caritatem aemulamini spiritalia magis autem ut prophetetis
vul@1Corinthians:14:2 @ qui enim loquitur lingua non hominibus loquitur sed Deo nemo enim audit Spiritu autem loquitur mysteria
vul@1Corinthians:14:3 @ nam qui prophetat hominibus loquitur aedificationem et exhortationem et consolationes
vul@1Corinthians:14:4 @ qui loquitur lingua semet ipsum aedificat qui autem prophetat ecclesiam aedificat
vul@1Corinthians:14:5 @ volo autem omnes vos loqui linguis magis autem prophetare nam maior est qui prophetat quam qui loquitur linguis nisi si forte ut interpretetur ut ecclesia aedificationem accipiat
vul@1Corinthians:14:6 @ nunc autem fratres si venero ad vos linguis loquens quid vobis prodero nisi si vobis loquar aut in revelatione aut scientia aut prophetia aut in doctrina
vul@1Corinthians:14:7 @ tamen quae sine anima sunt vocem dantia sive tibia sive cithara nisi distinctionem sonituum dederint quomodo scietur quod canitur aut quod citharizatur
vul@1Corinthians:14:8 @ etenim si incertam vocem det tuba quis parabit se ad bellum
vul@1Corinthians:14:9 @ ita et vos per linguam nisi manifestum sermonem dederitis quomodo scietur id quod dicitur eritis enim in aera loquentes
vul@1Corinthians:14:10 @ tam multa ut puta genera linguarum sunt in mundo et nihil sine voce est
vul@1Corinthians:14:11 @ si ergo nesciero virtutem vocis ero ei cui loquor barbarus et qui loquitur mihi barbarus
vul@1Corinthians:14:12 @ sic et vos quoniam aemulatores estis spirituum ad aedificationem ecclesiae quaerite ut abundetis
vul@1Corinthians:14:13 @ et ideo qui loquitur lingua oret ut interpretetur
vul@1Corinthians:14:14 @ nam si orem lingua spiritus meus orat mens autem mea sine fructu est
vul@1Corinthians:14:15 @ quid ergo est orabo spiritu orabo et mente psallam spiritu psallam et mente
vul@1Corinthians:14:16 @ ceterum si benedixeris spiritu qui supplet locum idiotae quomodo dicet amen super tuam benedictionem quoniam quid dicas nescit
vul@1Corinthians:14:17 @ nam tu quidem bene gratias agis sed alter non aedificatur
vul@1Corinthians:14:18 @ gratias ago Deo quod omnium vestrum lingua loquor
vul@1Corinthians:14:19 @ sed in ecclesia volo quinque verba sensu meo loqui ut et alios instruam quam decem milia verborum in lingua
vul@1Corinthians:14:20 @ fratres nolite pueri effici sensibus sed malitia parvuli estote sensibus autem perfecti estote
vul@1Corinthians:14:21 @ in lege scriptum est quoniam in aliis linguis et labiis aliis loquar populo huic et nec sic exaudient me dicit Dominus
vul@1Corinthians:14:22 @ itaque linguae in signum sunt non fidelibus sed infidelibus prophetia autem non infidelibus sed fidelibus
vul@1Corinthians:14:23 @ si ergo conveniat universa ecclesia in unum et omnes linguis loquantur intrent autem idiotae aut infideles nonne dicent quod insanitis
vul@1Corinthians:14:24 @ si autem omnes prophetent intret autem quis infidelis vel idiota convincitur ab omnibus diiudicatur ab omnibus
vul@1Corinthians:14:25 @ occulta cordis eius manifesta fiunt et ita cadens in faciem adorabit Deum pronuntians quod vere Deus in vobis est
vul@1Corinthians:14:26 @ quid ergo est fratres cum convenitis unusquisque vestrum psalmum habet doctrinam habet apocalypsin habet linguam habet interpretationem habet omnia ad aedificationem fiant
vul@1Corinthians:14:27 @ sive lingua quis loquitur secundum duos aut ut multum tres et per partes et unus interpretetur
vul@1Corinthians:14:28 @ si autem non fuerit interpres taceat in ecclesia sibi autem loquatur et Deo
vul@1Corinthians:14:29 @ prophetae duo aut tres dicant et ceteri diiudicent
vul@1Corinthians:14:30 @ quod si alii revelatum fuerit sedenti prior taceat
vul@1Corinthians:14:31 @ potestis enim omnes per singulos prophetare ut omnes discant et omnes exhortentur
vul@1Corinthians:14:32 @ et spiritus prophetarum prophetis subiecti sunt
vul@1Corinthians:14:33 @ non enim est dissensionis Deus sed pacis sicut in omnibus ecclesiis sanctorum
vul@1Corinthians:14:34 @ mulieres in ecclesiis taceant non enim permittitur eis loqui sed subditas esse sicut et lex dicit
vul@1Corinthians:14:35 @ si quid autem volunt discere domi viros suos interrogent turpe est enim mulieri loqui in ecclesia
vul@1Corinthians:14:36 @ an a vobis verbum Dei processit aut in vos solos pervenit
vul@1Corinthians:14:37 @ si quis videtur propheta esse aut spiritalis cognoscat quae scribo vobis quia Domini sunt mandata
vul@1Corinthians:14:38 @ si quis autem ignorat ignorabitur
vul@1Corinthians:14:39 @ itaque fratres aemulamini prophetare et loqui linguis nolite prohibere
vul@1Corinthians:14:40 @ omnia autem honeste et secundum ordinem fiant
vul@1Corinthians:15:1 @ notum autem vobis facio fratres evangelium quod praedicavi vobis quod et accepistis in quo et statis
vul@1Corinthians:15:2 @ per quod et salvamini qua ratione praedicaverim vobis si tenetis nisi si frustra credidistis
vul@1Corinthians:15:3 @ tradidi enim vobis in primis quod et accepi quoniam Christus mortuus est pro peccatis nostris secundum scripturas
vul@1Corinthians:15:4 @ et quia sepultus est et quia resurrexit tertia die secundum scripturas
vul@1Corinthians:15:5 @ et quia visus est Cephae et post haec undecim
vul@1Corinthians:15:6 @ deinde visus est plus quam quingentis fratribus simul ex quibus multi manent usque adhuc quidam autem dormierunt
vul@1Corinthians:15:7 @ deinde visus est Iacobo deinde apostolis omnibus
vul@1Corinthians:15:8 @ novissime autem omnium tamquam abortivo visus est et mihi
vul@1Corinthians:15:9 @ ego enim sum minimus apostolorum qui non sum dignus vocari apostolus quoniam persecutus sum ecclesiam Dei
vul@1Corinthians:15:10 @ gratia autem Dei sum id quod sum et gratia eius in me vacua non fuit sed abundantius illis omnibus laboravi non ego autem sed gratia Dei mecum
vul@1Corinthians:15:11 @ sive enim ego sive illi sic praedicamus et sic credidistis
vul@1Corinthians:15:12 @ si autem Christus praedicatur quod resurrexit a mortuis quomodo quidam dicunt in vobis quoniam resurrectio mortuorum non est
vul@1Corinthians:15:13 @ si autem resurrectio mortuorum non est neque Christus resurrexit
vul@1Corinthians:15:14 @ si autem Christus non resurrexit inanis est ergo praedicatio nostra inanis est et fides vestra
vul@1Corinthians:15:15 @ invenimur autem et falsi testes Dei quoniam testimonium diximus adversus Deum quod suscitaverit Christum quem non suscitavit si mortui non resurgunt
vul@1Corinthians:15:16 @ nam si mortui non resurgunt neque Christus resurrexit
vul@1Corinthians:15:17 @ quod si Christus non resurrexit vana est fides vestra adhuc enim estis in peccatis vestris
vul@1Corinthians:15:18 @ ergo et qui dormierunt in Christo perierunt
vul@1Corinthians:15:19 @ si in hac vita tantum in Christo sperantes sumus miserabiliores sumus omnibus hominibus
vul@1Corinthians:15:20 @ nunc autem Christus resurrexit a mortuis primitiae dormientium
vul@1Corinthians:15:21 @ quoniam enim per hominem mors et per hominem resurrectio mortuorum
vul@1Corinthians:15:22 @ et sicut in Adam omnes moriuntur ita et in Christo omnes vivificabuntur
vul@1Corinthians:15:23 @ unusquisque autem in suo ordine primitiae Christus deinde hii qui sunt Christi in adventu eius
vul@1Corinthians:15:24 @ deinde finis cum tradiderit regnum Deo et Patri cum evacuaverit omnem principatum et potestatem et virtutem
vul@1Corinthians:15:25 @ oportet autem illum regnare donec ponat omnes inimicos sub pedibus eius
vul@1Corinthians:15:26 @ novissima autem inimica destruetur mors omnia enim subiecit sub pedibus eius cum autem dicat
vul@1Corinthians:15:27 @ omnia subiecta sunt sine dubio praeter eum qui subiecit ei omnia
vul@1Corinthians:15:28 @ cum autem subiecta fuerint illi omnia tunc ipse Filius subiectus erit illi qui sibi subiecit omnia ut sit Deus omnia in omnibus
vul@1Corinthians:15:29 @ alioquin quid facient qui baptizantur pro mortuis si omnino mortui non resurgunt ut quid et baptizantur pro illis
vul@1Corinthians:15:30 @ ut quid et nos periclitamur omni hora
vul@1Corinthians:15:31 @ cotidie morior per vestram gloriam fratres quam habeo in Christo Iesu Domino nostro
vul@1Corinthians:15:32 @ si secundum hominem ad bestias pugnavi Ephesi quid mihi prodest si mortui non resurgunt manducemus et bibamus cras enim moriemur
vul@1Corinthians:15:33 @ nolite seduci corrumpunt mores bonos conloquia mala
vul@1Corinthians:15:34 @ evigilate iuste et nolite peccare ignorantiam enim Dei quidam habent ad reverentiam vobis loquor
vul@1Corinthians:15:35 @ sed dicet aliquis quomodo resurgunt mortui quali autem corpore veniunt
vul@1Corinthians:15:36 @ insipiens tu quod seminas non vivificatur nisi prius moriatur
vul@1Corinthians:15:37 @ et quod seminas non corpus quod futurum est seminas sed nudum granum ut puta tritici aut alicuius ceterorum
vul@1Corinthians:15:38 @ Deus autem dat illi corpus sicut voluit et unicuique seminum proprium corpus
vul@1Corinthians:15:39 @ non omnis caro eadem caro sed alia hominum alia pecorum alia caro volucrum alia autem piscium
vul@1Corinthians:15:40 @ et corpora caelestia et corpora terrestria sed alia quidem caelestium gloria alia autem terrestrium
vul@1Corinthians:15:41 @ alia claritas solis alia claritas lunae et alia claritas stellarum stella enim ab stella differt in claritate
vul@1Corinthians:15:42 @ sic et resurrectio mortuorum seminatur in corruptione surgit in incorruptione
vul@1Corinthians:15:43 @ seminatur in ignobilitate surgit in gloria seminatur in infirmitate surgit in virtute
vul@1Corinthians:15:44 @ seminatur corpus animale surgit corpus spiritale si est corpus animale est et spiritale sic et scriptum est
vul@1Corinthians:15:45 @ factus est primus homo Adam in animam viventem novissimus Adam in spiritum vivificantem
vul@1Corinthians:15:46 @ sed non prius quod spiritale est sed quod animale est deinde quod spiritale
vul@1Corinthians:15:47 @ primus homo de terra terrenus secundus homo de caelo caelestis
vul@1Corinthians:15:48 @ qualis terrenus tales et terreni et qualis caelestis tales et caelestes
vul@1Corinthians:15:49 @ igitur sicut portavimus imaginem terreni portemus et imaginem caelestis
vul@1Corinthians:15:50 @ hoc autem dico fratres quoniam caro et sanguis regnum Dei possidere non possunt neque corruptio incorruptelam possidebit
vul@1Corinthians:15:51 @ ecce mysterium vobis dico omnes quidem resurgemus sed non omnes inmutabimur
vul@1Corinthians:15:52 @ in momento in ictu oculi in novissima tuba canet enim et mortui resurgent incorrupti et nos inmutabimur
vul@1Corinthians:15:53 @ oportet enim corruptibile hoc induere incorruptelam et mortale hoc induere inmortalitatem
vul@1Corinthians:15:54 @ cum autem mortale hoc induerit inmortalitatem tunc fiet sermo qui scriptus est absorta est mors in victoria
vul@1Corinthians:15:55 @ ubi est mors victoria tua ubi est mors stimulus tuus
vul@1Corinthians:15:56 @ stimulus autem mortis peccatum est virtus vero peccati lex
vul@1Corinthians:15:57 @ Deo autem gratias qui dedit nobis victoriam per Dominum nostrum Iesum Christum
vul@1Corinthians:15:58 @ itaque fratres mei dilecti stabiles estote et inmobiles abundantes in opere Domini semper scientes quod labor vester non est inanis in Domino
vul@1Corinthians:16:1 @ de collectis autem quae fiunt in sanctos sicut ordinavi ecclesiis Galatiae ita et vos facite
vul@1Corinthians:16:2 @ per unam sabbati unusquisque vestrum apud se ponat recondens quod ei beneplacuerit ut non cum venero tunc collectae fiant
vul@1Corinthians:16:3 @ cum autem praesens fuero quos probaveritis per epistulas hos mittam perferre gratiam vestram in Hierusalem
vul@1Corinthians:16:4 @ quod si dignum fuerit ut et ego eam mecum ibunt
vul@1Corinthians:16:5 @ veniam autem ad vos cum Macedoniam pertransiero nam Macedoniam pertransibo
vul@1Corinthians:16:6 @ apud vos autem forsitan manebo vel etiam hiemabo ut vos me deducatis quocumque iero
vul@1Corinthians:16:7 @ nolo enim vos modo in transitu videre spero enim me aliquantum temporis manere apud vos si Dominus permiserit
vul@1Corinthians:16:8 @ permanebo autem Ephesi usque ad pentecosten
vul@1Corinthians:16:9 @ ostium enim mihi apertum est magnum et evidens et adversarii multi
vul@1Corinthians:16:10 @ si autem venerit Timotheus videte ut sine timore sit apud vos opus enim Domini operatur sicut et ego
vul@1Corinthians:16:11 @ ne quis ergo illum spernat deducite autem illum in pace ut veniat ad me expecto enim illum cum fratribus
vul@1Corinthians:16:12 @ de Apollo autem fratre multum rogavi eum ut veniret ad vos cum fratribus et utique non fuit voluntas ut nunc veniret veniet autem cum ei vacuum fuerit
vul@1Corinthians:16:13 @ vigilate state in fide viriliter agite et confortamini
vul@1Corinthians:16:14 @ omnia vestra in caritate fiant
vul@1Corinthians:16:15 @ obsecro autem vos fratres nostis domum Stephanae et Fortunati quoniam sunt primitiae Achaiae et in ministerium sanctorum ordinaverunt se ipsos
vul@1Corinthians:16:16 @ ut et vos subditi sitis eiusmodi et omni cooperanti et laboranti
vul@1Corinthians:16:17 @ gaudeo autem in praesentia Stephanae et Fortunati et Achaici quoniam id quod vobis deerat ipsi suppleverunt
vul@1Corinthians:16:18 @ refecerunt enim et meum spiritum et vestrum cognoscite ergo qui eiusmodi sunt
vul@1Corinthians:16:19 @ salutant vos ecclesiae Asiae salutant vos in Domino multum Aquila et Prisca cum domestica sua ecclesia
vul@1Corinthians:16:20 @ salutant vos fratres omnes salutate invicem in osculo sancto
vul@1Corinthians:16:21 @ salutatio mea manu Pauli
vul@1Corinthians:16:22 @ si quis non amat Dominum Iesum Christum sit anathema maranatha
vul@1Corinthians:16:23 @ gratia Domini Iesu vobiscum