1Corinthians:2:6-16
vul@1Corinthians:2:6 @ sapientiam autem loquimur inter perfectos sapientiam vero non huius saeculi neque principum huius saeculi qui destruuntur
vul@1Corinthians:2:7 @ sed loquimur Dei sapientiam in mysterio quae abscondita est quam praedestinavit Deus ante saecula in gloriam nostram
vul@1Corinthians:2:8 @ quam nemo principum huius saeculi cognovit si enim cognovissent numquam Dominum gloriae crucifixissent
vul@1Corinthians:2:9 @ sed sicut scriptum est quod oculus non vidit nec auris audivit nec in cor hominis ascendit quae praeparavit Deus his qui diligunt illum
vul@1Corinthians:2:10 @ nobis autem revelavit Deus per Spiritum suum Spiritus enim omnia scrutatur etiam profunda Dei
vul@1Corinthians:2:11 @ quis enim scit hominum quae sint hominis nisi spiritus hominis qui in ipso est ita et quae Dei sunt nemo cognovit nisi Spiritus Dei
vul@1Corinthians:2:12 @ nos autem non spiritum mundi accepimus sed Spiritum qui ex Deo est ut sciamus quae a Deo donata sunt nobis
vul@1Corinthians:2:13 @ quae et loquimur non in doctis humanae sapientiae verbis sed in doctrina Spiritus spiritalibus spiritalia conparantes
vul@1Corinthians:2:14 @ animalis autem homo non percipit ea quae sunt Spiritus Dei stultitia est enim illi et non potest intellegere quia spiritaliter examinatur
vul@1Corinthians:2:15 @ spiritalis autem iudicat omnia et ipse a nemine iudicatur
vul@1Corinthians:2:16 @ quis enim cognovit sensum Domini qui instruat eum nos autem sensum Christi habemus