vul 1Peter:3:8-22
vul@1Peter:3:8 @ in fine autem omnes unianimes conpatientes fraternitatis amatores misericordes humiles
vul@1Peter:3:9 @ non reddentes malum pro malo vel maledictum pro maledicto sed e contrario benedicentes quia in hoc vocati estis ut benedictionem hereditate possideatis
vul@1Peter:3:10 @ qui enim vult vitam diligere et videre dies bonos coerceat linguam suam a malo et labia eius ne loquantur dolum
vul@1Peter:3:11 @ declinet autem a malo et faciat bonum inquirat pacem et persequatur eam
vul@1Peter:3:12 @ quia oculi Domini super iustos et aures eius in preces eorum vultus autem Domini super facientes mala
vul@1Peter:3:13 @ et quis est qui vobis noceat si boni aemulatores fueritis
vul@1Peter:3:14 @ sed et si quid patimini propter iustitiam beati timorem autem eorum ne timueritis et non conturbemini
vul@1Peter:3:15 @ Dominum autem Christum sanctificate in cordibus vestris parati semper ad satisfactionem omni poscenti vos rationem de ea quae in vobis est spe
vul@1Peter:3:16 @ sed cum modestia et timore conscientiam habentes bonam ut in eo quod detrahunt vobis confundantur qui calumniantur vestram bonam in Christo conversationem
vul@1Peter:3:17 @ melius est enim benefacientes si velit voluntas Dei pati quam malefacientes
vul@1Peter:3:18 @ quia et Christus semel pro peccatis mortuus est iustus pro iniustis ut nos offerret Deo mortificatus carne vivificatus autem spiritu
vul@1Peter:3:19 @ in quo et his qui in carcere erant spiritibus veniens praedicavit
vul@1Peter:3:20 @ qui increduli fuerant aliquando quando expectabat Dei patientia in diebus Noe cum fabricaretur arca in qua pauci id est octo animae salvae factae sunt per aquam
vul@1Peter:3:21 @ quod et vos nunc similis formae salvos facit baptisma non carnis depositio sordium sed conscientiae bonae interrogatio in Deum per resurrectionem Iesu Christi
vul@1Peter:3:22 @ qui est in dextera Dei profectus in caelum subiectis sibi angelis et potestatibus et virtutibus
![[pBiblx2]](/img/pbiblx2_logo3.png){kind=logo}