1Thessalonians:4:1-12
vul@1Thessalonians:4:1 @ de cetero ergo fratres rogamus vos et obsecramus in Domino Iesu ut quemadmodum accepistis a nobis quomodo vos oporteat ambulare et placere Deo sicut et ambulatis ut abundetis magis
vul@1Thessalonians:4:2 @ scitis enim quae praecepta dederimus vobis per Dominum Iesum
vul@1Thessalonians:4:3 @ haec est enim voluntas Dei sanctificatio vestra
vul@1Thessalonians:4:4 @ ut abstineatis vos a fornicatione ut sciat unusquisque vestrum suum vas possidere in sanctificatione et honore
vul@1Thessalonians:4:5 @ non in passione desiderii sicut et gentes quae ignorant Deum
vul@1Thessalonians:4:6 @ ut ne quis supergrediatur neque circumveniat in negotio fratrem suum quoniam vindex est Dominus de his omnibus sicut et praediximus vobis et testificati sumus
vul@1Thessalonians:4:7 @ non enim vocavit nos Deus in inmunditia sed in sanctificatione
vul@1Thessalonians:4:8 @ itaque qui spernit non hominem spernit sed Deum qui etiam dedit Spiritum suum Sanctum in vobis
vul@1Thessalonians:4:9 @ de caritate autem fraternitatis non necesse habemus scribere vobis ipsi enim vos a Deo didicistis ut diligatis invicem
vul@1Thessalonians:4:10 @ etenim facitis illud in omnes fratres in universa Macedonia rogamus autem vos fratres ut abundetis magis
vul@1Thessalonians:4:11 @ et operam detis ut quieti sitis et ut vestrum negotium agatis et operemini manibus vestris sicut praecepimus vobis
vul@1Thessalonians:4:12 @ et ut honeste ambuletis ad eos qui foris sunt et nullius aliquid desideretis
![[pBiblx2]](/img/pbiblx2_logo3.png){kind=logo}