1Thessalonians:4:13-5:11
vul@1Thessalonians:4:13 @ nolumus autem vos ignorare fratres de dormientibus ut non contristemini sicut et ceteri qui spem non habent
vul@1Thessalonians:4:14 @ si enim credimus quod Iesus mortuus est et resurrexit ita et Deus eos qui dormierunt per Iesum adducet cum eo
vul@1Thessalonians:4:15 @ hoc enim vobis dicimus in verbo Domini quia nos qui vivimus qui residui sumus in adventum Domini non praeveniemus eos qui dormierunt
vul@1Thessalonians:4:16 @ quoniam ipse Dominus in iussu et in voce archangeli et in tuba Dei descendet de caelo et mortui qui in Christo sunt resurgent primi
vul@1Thessalonians:4:17 @ deinde nos qui vivimus qui relinquimur simul rapiemur cum illis in nubibus obviam Domino in aera et sic semper cum Domino erimus
vul@1Thessalonians:4:18 @ itaque consolamini invicem in verbis istis
vul@1Thessalonians:5:1 @ de temporibus autem et momentis fratres non indigetis ut scribamus vobis
vul@1Thessalonians:5:2 @ ipsi enim diligenter scitis quia dies Domini sicut fur in nocte ita veniet
vul@1Thessalonians:5:3 @ cum enim dixerint pax et securitas tunc repentinus eis superveniet interitus sicut dolor in utero habenti et non effugient
vul@1Thessalonians:5:4 @ vos autem fratres non estis in tenebris ut vos dies ille tamquam fur conprehendat
vul@1Thessalonians:5:5 @ omnes enim vos filii lucis estis et filii diei non sumus noctis neque tenebrarum
vul@1Thessalonians:5:6 @ igitur non dormiamus sicut ceteri sed vigilemus et sobrii simus
vul@1Thessalonians:5:7 @ qui enim dormiunt nocte dormiunt et qui ebrii sunt nocte ebrii sunt
vul@1Thessalonians:5:8 @ nos autem qui diei sumus sobrii simus induti loricam fidei et caritatis et galeam spem salutis
vul@1Thessalonians:5:9 @ quoniam non posuit nos Deus in iram sed in adquisitionem salutis per Dominum nostrum Iesum Christum
vul@1Thessalonians:5:10 @ qui mortuus est pro nobis ut sive vigilemus sive dormiamus simul cum illo vivamus
vul@1Thessalonians:5:11 @ propter quod consolamini invicem et aedificate alterutrum sicut et facitis
![[pBiblx2]](/img/pbiblx2_logo3.png){kind=logo}