2Chronicles:18:1-27
vul@2Chronicles:18:1 @ fuit ergo Iosaphat dives et inclitus multum et adfinitate coniunctus est Ahab
vul@2Chronicles:18:2 @ descenditque post annos ad eum in Samariam ad cuius adventum mactavit Ahab arietes et boves plurimos et populo qui venerat cum eo persuasitque illi ut ascenderet in Ramoth Galaad
vul@2Chronicles:18:3 @ dixitque Ahab rex Israhel ad Iosaphat regem Iuda veni mecum in Ramoth Galaad cui ille respondit ut ego et tu sicut populus tuus sic et populus meus tecumque erimus in bello
vul@2Chronicles:18:4 @ dixitque Iosaphat ad regem Israhel consule obsecro inpraesentiarum sermonem Domini
vul@2Chronicles:18:5 @ congregavitque rex Israhel prophetarum quadringentos viros et dixit ad eos in Ramoth Galaad ad bellandum ire debemus an quiescere at illi ascende inquiunt et tradet Deus in manu regis
vul@2Chronicles:18:6 @ dixitque Iosaphat numquid non est hic prophetes Domini ut ab illo etiam requiramus
vul@2Chronicles:18:7 @ et ait rex Israhel ad Iosaphat est vir unus a quo possumus quaerere Domini voluntatem sed ego odi eum quia non prophetat mihi bonum sed malum omni tempore est autem Micheas filius Iembla dixitque Iosaphat ne loquaris rex hoc modo
vul@2Chronicles:18:8 @ vocavit ergo rex Israhel unum de eunuchis et dixit ei voca cito Micheam filium Iembla
vul@2Chronicles:18:9 @ porro rex Israhel et Iosaphat rex Iuda uterque sedebant in solio suo vestiti cultu regio sedebant autem in area iuxta portam Samariae omnesque prophetae vaticinabantur coram eis
vul@2Chronicles:18:10 @ Sedecias vero filius Chanana fecit sibi cornua ferrea et ait haec dicit Dominus his ventilabis Syriam donec conteras eam
vul@2Chronicles:18:11 @ omnesque prophetae similiter prophetabant atque dicebant ascende in Ramoth Galaad et prosperaberis et tradet eos Dominus in manu regis
vul@2Chronicles:18:12 @ nuntius autem qui ierat ad vocandum Micheam ait illi en verba omnium prophetarum uno ore bona regi adnuntiant quaeso ergo te ut et sermo tuus ab eis non dissentiat loquarisque prospera
vul@2Chronicles:18:13 @ cui respondit Micheas vivit Dominus quia quodcumque dixerit Deus meus hoc loquar
vul@2Chronicles:18:14 @ venit ergo ad regem cui rex ait Michea ire debemus in Ramoth Galaad ad bellandum an quiescere cui ille respondit ascendite cuncta enim prospera evenient et tradentur hostes in manus vestras
vul@2Chronicles:18:15 @ dixitque rex iterum atque iterum te adiuro ut non mihi loquaris nisi quod verum est in nomine Domini
vul@2Chronicles:18:16 @ at ille ait vidi universum Israhel dispersum in montibus sicut oves absque pastore et dixit Dominus non habent isti dominos revertatur unusquisque ad domum suam in pace
vul@2Chronicles:18:17 @ et ait rex Israhel ad Iosaphat nonne dixi tibi quod non prophetaret iste mihi quicquam boni sed ea quae mala sunt
vul@2Chronicles:18:18 @ at ille idcirco ait audite verbum Domini vidi Dominum sedentem in solio suo et omnem exercitum caeli adsistentem ei a dextris et sinistris
vul@2Chronicles:18:19 @ et dixit Dominus quis decipiet Ahab regem Israhel ut ascendat et corruat in Ramoth Galaad cumque diceret unus hoc modo et alter alio
vul@2Chronicles:18:20 @ processit spiritus et stetit coram Domino et ait ego decipiam eum cui Dominus in quo inquit decipies
vul@2Chronicles:18:21 @ at ille respondit egrediar et ero spiritus mendax in ore omnium prophetarum eius dixitque Dominus decipies et praevalebis egredere et fac ita
vul@2Chronicles:18:22 @ nunc igitur ecce dedit Dominus spiritum mendacii in ore omnium prophetarum tuorum et Dominus locutus est de te mala
vul@2Chronicles:18:23 @ accessit autem Sedecias filius Chanana et percussit Micheae maxillam et ait per quam viam transivit spiritus Domini a me ut loqueretur tibi
vul@2Chronicles:18:24 @ dixitque Micheas tu ipse videbis in die illo quando ingressus fueris cubiculum de cubiculo ut abscondaris
vul@2Chronicles:18:25 @ praecepit autem rex Israhel dicens tollite Micheam et ducite eum ad Amon principem civitatis et ad Ioas filium Ammelech
vul@2Chronicles:18:26 @ et dicetis haec dicit rex mittite hunc in carcerem et date ei panis modicum et aquae pauxillum donec revertar in pace
vul@2Chronicles:18:27 @ dixitque Micheas si reversus fueris in pace non est locutus Dominus in me et ait audite populi omnes
![[pBiblx2]](/img/pbiblx2_logo3.png){kind=logo}