2Chronicles:9:13-28

vul@2Chronicles:9:13 @ erat autem pondus auri quod adferebatur Salomoni per annos singulos sescenta sexaginta sex talenta auri

vul@2Chronicles:9:14 @ excepta ea summa quam legati diversarum gentium et negotiatores adferre consueverant omnesque reges Arabiae et satrapae terrarum qui conportabant aurum et argentum Salomoni

vul@2Chronicles:9:15 @ fecit igitur rex Salomon ducentas hastas aureas de summa sescentorum aureorum qui in hastis singulis expendebantur

vul@2Chronicles:9:16 @ trecenta quoque scuta aurea trecentorum aureorum quibus tegebantur scuta singula posuitque ea rex in armamentario quod erat consitum nemore

vul@2Chronicles:9:17 @ fecit quoque rex solium eburneum grande et vestivit illud auro mundissimo

vul@2Chronicles:9:18 @ sexque gradus quibus ascendebatur ad solium et scabillum aureum et brachiola duo altrinsecus et duos leones stantes iuxta brachiola

vul@2Chronicles:9:19 @ sed et alios duodecim leunculos stantes super sex gradus ex utraque parte non fuit tale solium in universis regnis

vul@2Chronicles:9:20 @ omnia quoque vasa convivii regis erant aurea et vasa domus saltus Libani ex auro purissimo argentum enim in diebus illis pro nihilo reputabatur

vul@2Chronicles:9:21 @ siquidem naves regis ibant in Tharsis cum servis Hiram semel in annis tribus et deferebant inde aurum et argentum et ebur et simias et pavos

vul@2Chronicles:9:22 @ magnificatus est igitur Salomon super omnes reges terrae divitiis et gloria

vul@2Chronicles:9:23 @ omnesque reges terrarum desiderabant faciem videre Salomonis ut audirent sapientiam quam dederat Deus in corde eius

vul@2Chronicles:9:24 @ et deferebant ei munera vasa argentea et aurea et vestes et arma et aromata equos et mulos per singulos annos

vul@2Chronicles:9:25 @ habuit quoque Salomon quadraginta milia equorum in stabulis et curruum equitumque duodecim milia constituitque eos in urbibus quadrigarum et ubi erat rex in Hierusalem

vul@2Chronicles:9:26 @ exercuit etiam potestatem super cunctos reges a fluvio Eufraten usque ad terram Philisthinorum id est usque ad terminos Aegypti

vul@2Chronicles:9:27 @ tantamque copiam praebuit argenti in Hierusalem quasi lapidum et cedrorum tantam multitudinem velut sycaminorum quae gignuntur in campestribus

vul@2Chronicles:9:28 @ adducebantur autem ei equi de Aegypto cunctisque regionibus

Seeker Overlay: Off On

Bible:
Bible:
Book: