2Corinthians:12:1-10
vul@2Corinthians:12:1 @ si gloriari oportet non expedit quidem veniam autem ad visiones et revelationes Domini
vul@2Corinthians:12:2 @ scio hominem in Christo ante annos quattuordecim sive in corpore nescio sive extra corpus nescio Deus scit raptum eiusmodi usque ad tertium caelum
vul@2Corinthians:12:3 @ et scio huiusmodi hominem sive in corpore sive extra corpus nescio Deus scit
vul@2Corinthians:12:4 @ quoniam raptus est in paradisum et audivit arcana verba quae non licet homini loqui
vul@2Corinthians:12:5 @ pro eiusmodi gloriabor pro me autem nihil gloriabor nisi in infirmitatibus meis
vul@2Corinthians:12:6 @ nam et si voluero gloriari non ero insipiens veritatem enim dicam parco autem ne quis in me existimet supra id quod videt me aut audit ex me
vul@2Corinthians:12:7 @ et ne magnitudo revelationum extollat me datus est mihi stimulus carnis meae angelus Satanae ut me colaphizet
vul@2Corinthians:12:8 @ propter quod ter Dominum rogavi ut discederet a me
vul@2Corinthians:12:9 @ et dixit mihi sufficit tibi gratia mea nam virtus in infirmitate perficitur libenter igitur gloriabor in infirmitatibus meis ut inhabitet in me virtus Christi
vul@2Corinthians:12:10 @ propter quod placeo mihi in infirmitatibus in contumeliis in necessitatibus in persecutionibus in angustiis pro Christo cum enim infirmor tunc potens sum