2Corinthians:3:7-18
vul@2Corinthians:3:7 @ quod si ministratio mortis litteris deformata in lapidibus fuit in gloria ita ut non possent intendere filii Israhel in faciem Mosi propter gloriam vultus eius quae evacuatur
vul@2Corinthians:3:8 @ quomodo non magis ministratio Spiritus erit in gloria
vul@2Corinthians:3:9 @ nam si ministratio damnationis gloria est multo magis abundat ministerium iustitiae in gloria
vul@2Corinthians:3:10 @ nam nec glorificatum est quod claruit in hac parte propter excellentem gloriam
vul@2Corinthians:3:11 @ si enim quod evacuatur per gloriam est multo magis quod manet in gloria est
vul@2Corinthians:3:12 @ habentes igitur talem spem multa fiducia utimur
vul@2Corinthians:3:13 @ et non sicut Moses ponebat velamen super faciem suam ut non intenderent filii Israhel in faciem eius quod evacuatur
vul@2Corinthians:3:14 @ sed obtusi sunt sensus eorum usque in hodiernum enim diem id ipsum velamen in lectione veteris testamenti manet non revelatum quoniam in Christo evacuatur
vul@2Corinthians:3:15 @ sed usque in hodiernum diem cum legitur Moses velamen est positum super cor eorum
vul@2Corinthians:3:16 @ cum autem conversus fuerit ad Deum aufertur velamen
vul@2Corinthians:3:17 @ Dominus autem Spiritus est ubi autem Spiritus Domini ibi libertas
vul@2Corinthians:3:18 @ nos vero omnes revelata facie gloriam Domini speculantes in eandem imaginem transformamur a claritate in claritatem tamquam a Domini Spiritu