2John:1-5
vul@2John:1:1 @ senior electae dominae et natis eius quos ego diligo in veritate et non ego solus sed et omnes qui cognoverunt veritatem
vul@2John:1:2 @ propter veritatem quae permanet in nobis et nobiscum erit in aeternum
vul@2John:1:3 @ sit nobiscum gratia misericordia pax a Deo Patre et a Christo Iesu Filio Patris in veritate et caritate
vul@2John:1:4 @ gavisus sum valde quoniam inveni de filiis tuis ambulantes in veritate sicut mandatum accepimus a Patre
vul@2John:1:5 @ et nunc rogo te domina non tamquam mandatum novum scribens tibi sed quod habuimus ab initio ut diligamus alterutrum
vul@2John:1:6 @ et haec est caritas ut ambulemus secundum mandata eius hoc mandatum est ut quemadmodum audistis ab initio in eo ambuletis
vul@2John:1:7 @ quoniam multi seductores exierunt in mundum qui non confitentur Iesum Christum venientem in carne hic est seductor et antichristus
vul@2John:1:8 @ videte vosmet ipsos ne perdatis quae operati estis sed ut mercedem plenam accipiatis
vul@2John:1:9 @ omnis qui praecedit et non manet in doctrina Christi Deum non habet qui permanet in doctrina hic et Filium et Patrem habet
vul@2John:1:10 @ si quis venit ad vos et hanc doctrinam non adfert nolite recipere eum in domum nec have ei dixeritis
vul@2John:1:11 @ qui enim dicit illi have communicat operibus illius malignis
vul@2John:1:12 @ plura habens vobis scribere nolui per cartam et atramentum spero enim me futurum apud vos et os ad os loqui ut gaudium vestrum plenum sit