2Kings:14:1-22

vul@2Kings:14:1 @ anno secundo Ioas filii Ioachaz regis Israhel regnavit Amasias filius Ioas regis Iuda

vul@2Kings:14:2 @ viginti quinque annorum erat cum regnare coepisset viginti autem et novem annis regnavit in Hierusalem nomen matris eius Ioaden de Hierusalem

vul@2Kings:14:3 @ et fecit rectum coram Domino verumtamen non ut David pater eius iuxta omnia quae fecit Ioas pater suus fecit

vul@2Kings:14:4 @ nisi hoc tantum quod excelsa non abstulit adhuc enim populus immolabat et adolebat in excelsis

vul@2Kings:14:5 @ cumque obtinuisset regnum percussit servos suos qui interfecerant regem patrem suum

vul@2Kings:14:6 @ filios autem eorum qui occiderant non occidit iuxta quod scriptum est in libro legis Mosi sicut praecepit Dominus dicens non morientur patres pro filiis neque filii morientur pro patribus sed unusquisque in peccato suo morietur

vul@2Kings:14:7 @ ipse percussit Edom in valle Salinarum decem milia et adprehendit Petram in proelio vocavitque nomen eius Iecethel usque in praesentem diem

vul@2Kings:14:8 @ tunc misit Amasias nuntios ad Ioas filium Ioachaz filii Hieu regis Israhel dicens veni et videamus nos

vul@2Kings:14:9 @ remisitque Ioas rex Israhel ad Amasiam regem Iuda dicens carduus Libani misit ad cedrum quae est in Libano dicens da filiam tuam filio meo uxorem transieruntque bestiae saltus quae sunt in Libano et conculcaverunt carduum

vul@2Kings:14:10 @ percutiens invaluisti super Edom et sublevavit te cor tuum contentus esto gloria et sede in domo tua quare provocas malum ut cadas tu et Iuda tecum

vul@2Kings:14:11 @ et non adquievit Amasias ascenditque Ioas rex Israhel et viderunt se ipse et Amasias rex Iuda in Bethsames oppido Iudae

vul@2Kings:14:12 @ percussusque est Iuda coram Israhel et fugerunt unusquisque in tabernacula sua

vul@2Kings:14:13 @ Amasiam vero regem Iuda filium Ioas filii Ahaziae cepit Ioas rex Israhel in Bethsames et adduxit eum in Hierusalem et interrupit murum Hierusalem a porta Ephraim usque ad portam Anguli quadringentis cubitis

vul@2Kings:14:14 @ tulitque omne aurum et argentum et universa vasa quae inventa sunt in domo Domini et in thesauris regis et obsides et reversus est Samariam

vul@2Kings:14:15 @ reliqua autem verborum Ioas quae fecit et fortitudo eius qua pugnavit contra Amasiam regem Iuda nonne haec scripta sunt in libro sermonum dierum regum Israhel

vul@2Kings:14:16 @ dormivitque Ioas cum patribus suis et sepultus est in Samaria cum regibus Israhel et regnavit Hieroboam filius eius pro eo

vul@2Kings:14:17 @ vixit autem Amasias filius Ioas rex Iuda postquam mortuus est Ioas filius Ioachaz regis Israhel viginti quinque annis

vul@2Kings:14:18 @ reliqua autem sermonum Amasiae nonne haec scripta sunt in libro sermonum dierum regum Iuda

vul@2Kings:14:19 @ factaque est contra eum coniuratio in Hierusalem at ille fugit in Lachis miseruntque post eum in Lachis et interfecerunt eum ibi

vul@2Kings:14:20 @ et asportaverunt in equis sepultusque est in Hierusalem cum patribus suis in civitate David

vul@2Kings:14:21 @ tulit autem universus populus Iudae Azariam annos natum sedecim et constituerunt eum regem pro patre eius Amasia

vul@2Kings:14:22 @ ipse aedificavit Ahilam et restituit eam Iudae postquam dormivit rex cum patribus suis

Seeker Overlay: Off On

Bible:
Bible:
Book: