2Kings:24:8-17
vul@2Kings:24:8 @ decem et octo annorum erat Ioiachin cum regnare coepisset et tribus mensibus regnavit in Hierusalem nomen matris eius Naestha filia Helnathan de Hierusalem
vul@2Kings:24:9 @ et fecit malum coram Domino iuxta omnia quae fecerat pater eius
vul@2Kings:24:10 @ in tempore illo ascenderunt servi Nabuchodonosor regis Babylonis in Hierusalem et circumdata est urbs munitionibus
vul@2Kings:24:11 @ venitque Nabuchodonosor rex Babylonis ad civitatem cum servi eius obpugnarent eam
vul@2Kings:24:12 @ egressusque est Ioiachin rex Iuda ad regem Babylonis ipse et mater eius et servi eius et principes eius et eunuchi eius et suscepit eum rex Babylonis anno octavo regni sui
vul@2Kings:24:13 @ et protulit inde omnes thesauros domus Domini et thesauros domus regiae et concidit universa vasa aurea quae fecerat Salomon rex Israhel in templo Domini iuxta verbum Domini
vul@2Kings:24:14 @ et transtulit omnem Hierusalem et universos principes et omnes fortes exercitus decem milia in captivitatem et omnem artificem et clusorem nihilque relictum est exceptis pauperibus populi terrae
vul@2Kings:24:15 @ transtulit quoque Ioiachin in Babylonem et matrem regis et uxores regis et eunuchos eius et iudices terrae duxit in captivitatem de Hierusalem in Babylonem
vul@2Kings:24:16 @ et omnes viros robustos septem milia et artifices et clusores mille omnes viros fortes et bellatores duxitque eos rex Babylonis captivos in Babylonem
vul@2Kings:24:17 @ et constituit Matthaniam patruum eius pro eo inposuitque nomen ei Sedeciam
![[pBiblx2]](/img/pbiblx2_logo3.png){kind=logo}