2Timothy:1:3-2:13

alb@2Timothy:1:3 @ E falënderoj Perëndinë, të cilit i shërbej sikurse edhe të parët e mi me ndërgjegje të pastër, se pa pushim të kujtoj në lutjet e mia, ditë e natë;

alb@2Timothy:1:4 @ dhe, kur kujtoj lotët e tu, kam shumë mall të të shoh që të mbushem me gëzim,

alb@2Timothy:1:5 @ sepse kujtoj besimin e sinqertë që është në ty, i cili më parë ishte te gjyshja jote Loide dhe te nëna jote Eunike, dhe jam i bindur se është edhe te ti.

alb@2Timothy:1:6 @ Për këtë arsye po të kujtoj ta zgjosh dhuntinë e Perëndisë që është në ty me anë të vënies së duarve të mia.

alb@2Timothy:1:7 @ Sepse Perëndia nuk na ka dhënë frymë frike, por force, dashurie dhe urtësie.

alb@2Timothy:1:8 @ Mos ki turp, pra, të dëshmosh Zotin tonë, as mua, të burgosurin e tij, por hiq keq bashkë me mua për ungjillin, sipas fuqisë së Perëndisë,

alb@2Timothy:1:9 @ që na shpëtoi dhe na thirri me një thirrje të shenjtë, jo sipas veprave tona, por sipas qëllimit të tij dhe sipas hirit, që na u dha në Krishtin Jezus përpara fillimit të kohëve

alb@2Timothy:1:10 @ dhe tani u shfaq me anë të dukjes së Shpëtimtarit tonë Jezu Krishtit, që e prishi vdekjen dhe nxori në dritë jetën dhe pavdekësinë me anë të ungjillit,

alb@2Timothy:1:11 @ për të cilin unë u caktova predikues, apostull dhe mësues i johebrenjve.

alb@2Timothy:1:12 @ Për këtë arsye unë po vuaj edhe nga këto gjëra, po nuk kam turp, sepse e di kujt i kam besuar dhe jam i bindur se ai është i zoti ta ruajë visarin tim deri në atë ditë.

alb@2Timothy:1:13 @ Ruaje modelin e fjalëve të shëndosha që dëgjove prej meje me besim dhe dashuri, që janë në Krishtin Jezus.

alb@2Timothy:1:14 @ Ruaje visarin e mirë me anë të Frymës së Shenjtë që rri te ne.

alb@2Timothy:1:15 @ Ti e di se të gjithë ata që janë në Azi më kthyen krahët, dhe midis tyre Figeli dhe Hermogeni.

alb@2Timothy:1:16 @ Zoti i dhëntë mëshirë familjes së Onesiforit, sepse shpeshherë më dha zemër dhe nuk pati turp nga prangat e mia;

alb@2Timothy:1:17 @ madje, kur erdhi në Romë, më kërkoi me shumë zell dhe më gjeti.

alb@2Timothy:1:18 @ Zoti i dhëntë të gjejë mëshirë nga ana e Zotit në atë ditë. Ti e di më mirë se askush sa shërbime më bëri në Efes.

alb@2Timothy:1:19 @ Ti, pra, biri im, forcohu në hirin që është në Krishtin Jezus;

alb@2Timothy:2:2 @ dhe ato që dëgjove nga unë përpara shumë dëshmitarëve, jepua njerëzve besnikë, që do të jenë të aftë të mësojnë edhe të tjerë.

alb@2Timothy:2:3 @ Ti, pra, duro pjesën tënde të vuajtjeve, si një ushtar i mirë i Jezu Krishtit.

alb@2Timothy:2:4 @ Sepse asnjë nga ata që shkojnë ushtarë nuk ngatërrohet me punërat e jetës, që t`i pëlqejë atij që e mori ushtar.

alb@2Timothy:2:5 @ Po ashtu, nëse dikush merr pjesë në gara, nuk kurorëzohet po të mos ketë luftuar sipas rregullave.

alb@2Timothy:2:6 @ Bujku që mundohet duhet ta marrë i pari pjesën e fryteve.

alb@2Timothy:2:7 @ Mendo për ato që të them, sepse Zoti do të të japë mend për të gjitha.

alb@2Timothy:2:8 @ Kujto që Jezu Krishti, nga fisi i Davidit, u ngjall së vdekuri sipas ungjillit tim,

alb@2Timothy:2:9 @ për të cilin unë po vuaj deri edhe në pranga posi keqbërës; por fjala e Perëndisë nuk lidhet në pranga.

alb@2Timothy:2:10 @ Prandaj unë i duroj të gjitha për shkak të të zgjedhurve, që ata të kenë shpëtimin që është në Krishtin Jezus, bashkë me lavdi të përjetshme.

alb@2Timothy:2:11 @ Kjo fjalë është e vërtetë, sepse, nëse ne vdiqëm me të, me të edhe do të rrojmë;

alb@2Timothy:2:12 @ në qoftë se vuajmë, do të mbretërojmë bashkë me të; po ta mohojmë, edhe ai do të na mohojë.

alb@2Timothy:2:13 @ Nëse jemi të pabesë, ai mbetet besnik, sepse ai nuk mund të mohojë vetveten.

Seeker Overlay: Off On

Bible:
Bible:
Book: