Acts:12:1-19
vul@Acts:12:1 @ eodem autem tempore misit Herodes rex manus ut adfligeret quosdam de ecclesia
vul@Acts:12:2 @ occidit autem Iacobum fratrem Iohannis gladio
vul@Acts:12:3 @ videns autem quia placeret Iudaeis adposuit adprehendere et Petrum erant autem dies azymorum
vul@Acts:12:4 @ quem cum adprehendisset misit in carcerem tradens quattuor quaternionibus militum custodire eum volens post pascha producere eum populo
vul@Acts:12:5 @ et Petrus quidem servabatur in carcere oratio autem fiebat sine intermissione ab ecclesia ad Deum pro eo
vul@Acts:12:6 @ cum autem producturus eum esset Herodes in ipsa nocte erat Petrus dormiens inter duos milites vinctus catenis duabus et custodes ante ostium custodiebant carcerem
vul@Acts:12:7 @ et ecce angelus Domini adstitit et lumen refulsit in habitaculo percussoque latere Petri suscitavit eum dicens surge velociter et ceciderunt catenae de manibus eius
vul@Acts:12:8 @ dixit autem angelus ad eum praecingere et calcia te gallicas tuas et fecit sic et dixit illi circumda tibi vestimentum tuum et sequere me
vul@Acts:12:9 @ et exiens sequebatur et nesciebat quia verum est quod fiebat per angelum aestimabat autem se visum videre
vul@Acts:12:10 @ transeuntes autem primam et secundam custodiam venerunt ad portam ferream quae ducit ad civitatem quae ultro aperta est eis et exeuntes processerunt vicum unum et continuo discessit angelus ab eo
vul@Acts:12:11 @ et Petrus ad se reversus dixit nunc scio vere quia misit Dominus angelum suum et eripuit me de manu Herodis et de omni expectatione plebis Iudaeorum
vul@Acts:12:12 @ consideransque venit ad domum Mariae matris Iohannis qui cognominatus est Marcus ubi erant multi congregati et orantes
vul@Acts:12:13 @ pulsante autem eo ostium ianuae processit puella ad audiendum nomine Rhode
vul@Acts:12:14 @ et ut cognovit vocem Petri prae gaudio non aperuit ianuam sed intro currens nuntiavit stare Petrum ante ianuam
vul@Acts:12:15 @ at illi dixerunt ad eam insanis illa autem adfirmabat sic se habere illi autem dicebant angelus eius est
vul@Acts:12:16 @ Petrus autem perseverabat pulsans cum autem aperuissent viderunt eum et obstipuerunt
vul@Acts:12:17 @ annuens autem eis manu ut tacerent enarravit quomodo Dominus eduxisset eum de carcere dixitque nuntiate Iacobo et fratribus haec et egressus abiit in alium locum
vul@Acts:12:18 @ facta autem die erat non parva turbatio inter milites quidnam de Petro factum esset
vul@Acts:12:19 @ Herodes autem cum requisisset eum et non invenisset inquisitione facta de custodibus iussit eos duci descendensque a Iudaea in Caesaream ibi commoratus est