vul Acts:16:11-40

vul@Acts:16:11 @ navigantes autem a Troade recto cursu venimus Samothraciam et sequenti die Neapolim

vul@Acts:16:12 @ et inde Philippis quae est prima partis Macedoniae civitas colonia eramus autem in hac urbe diebus aliquot conferentes

vul@Acts:16:13 @ die autem sabbatorum egressi sumus foras portam iuxta flumen ubi videbatur oratio esse et sedentes loquebamur mulieribus quae convenerant

vul@Acts:16:14 @ et quaedam mulier nomine Lydia purpuraria civitatis Thyatirenorum colens Deum audivit cuius Dominus aperuit cor intendere his quae dicebantur a Paulo

vul@Acts:16:15 @ cum autem baptizata esset et domus eius deprecata est dicens si iudicastis me fidelem Domino esse introite in domum meam et manete et coegit nos

vul@Acts:16:16 @ factum est autem euntibus nobis ad orationem puellam quandam habentem spiritum pythonem obviare nobis quae quaestum magnum praestabat dominis suis divinando

vul@Acts:16:17 @ haec subsecuta Paulum et nos clamabat dicens isti homines servi Dei excelsi sunt qui adnuntiant vobis viam salutis

vul@Acts:16:18 @ hoc autem faciebat multis diebus dolens autem Paulus et conversus spiritui dixit praecipio tibi in nomine Iesu Christi exire ab ea et exiit eadem hora

vul@Acts:16:19 @ videntes autem domini eius quia exivit spes quaestus eorum adprehendentes Paulum et Silam perduxerunt in forum ad principes

vul@Acts:16:20 @ et offerentes eos magistratibus dixerunt hii homines conturbant civitatem nostram cum sint Iudaei

vul@Acts:16:21 @ et adnuntiant morem quem non licet nobis suscipere neque facere cum simus Romani

vul@Acts:16:22 @ et concurrit plebs adversus eos et magistratus scissis tunicis eorum iusserunt virgis caedi

vul@Acts:16:23 @ et cum multas plagas eis inposuissent miserunt eos in carcerem praecipientes custodi ut diligenter custodiret eos

vul@Acts:16:24 @ qui cum tale praeceptum accepisset misit eos in interiorem carcerem et pedes eorum strinxit in ligno

vul@Acts:16:25 @ media autem nocte Paulus et Silas adorantes laudabant Deum et audiebant eos qui in custodia erant

vul@Acts:16:26 @ subito vero terraemotus factus est magnus ita ut moverentur fundamenta carceris et aperta sunt statim ostia omnia et universorum vincula soluta sunt

vul@Acts:16:27 @ expergefactus autem custos carceris et videns apertas ianuas carceris evaginato gladio volebat se interficere aestimans fugisse vinctos

vul@Acts:16:28 @ clamavit autem Paulus magna voce dicens nihil feceris tibi mali universi enim hic sumus

vul@Acts:16:29 @ petitoque lumine introgressus est et tremefactus procidit Paulo et Silae

vul@Acts:16:30 @ et producens eos foras ait domini quid me oportet facere ut salvus fiam

vul@Acts:16:31 @ at illi dixerunt crede in Domino Iesu et salvus eris tu et domus tua

vul@Acts:16:32 @ et locuti sunt ei verbum Domini cum omnibus qui erant in domo eius

vul@Acts:16:33 @ et tollens eos in illa hora noctis lavit plagas eorum et baptizatus est ipse et omnes eius continuo

vul@Acts:16:34 @ cumque perduxisset eos in domum suam adposuit eis mensam et laetatus est cum omni domo sua credens Deo

vul@Acts:16:35 @ et cum dies factus esset miserunt magistratus lictores dicentes dimitte homines illos

vul@Acts:16:36 @ nuntiavit autem custos carceris verba haec Paulo quia miserunt magistratus ut dimittamini nunc igitur exeuntes ite in pace

vul@Acts:16:37 @ Paulus autem dixit eis caesos nos publice indemnatos homines romanos miserunt in carcerem et nunc occulte nos eiciunt non ita sed veniant

vul@Acts:16:38 @ et ipsi nos eiciant nuntiaverunt autem magistratibus lictores verba haec timueruntque audito quod Romani essent

vul@Acts:16:39 @ et venientes deprecati sunt eos et educentes rogabant ut egrederentur urbem

vul@Acts:16:40 @ exeuntes autem de carcere introierunt ad Lydiam et visis fratribus consolati sunt eos et profecti sunt

Seeker Overlay: Off On

Bible:
Bible:
Book: