Acts:8:2-25
vul@Acts:8:2 @ curaverunt autem Stephanum viri timorati et fecerunt planctum magnum super illum
vul@Acts:8:3 @ Saulus vero devastabat ecclesiam per domos intrans et trahens viros ac mulieres tradebat in custodiam
vul@Acts:8:4 @ igitur qui dispersi erant pertransiebant evangelizantes verbum
vul@Acts:8:5 @ Philippus autem descendens in civitatem Samariae praedicabat illis Christum
vul@Acts:8:6 @ intendebant autem turbae his quae a Philippo dicebantur unianimiter audientes et videntes signa quae faciebat
vul@Acts:8:7 @ multi enim eorum qui habebant spiritus inmundos clamantes voce magna exiebant multi autem paralytici et claudi curati sunt
vul@Acts:8:8 @ factum est ergo magnum gaudium in illa civitate
vul@Acts:8:9 @ vir autem quidam nomine Simon qui ante fuerat in civitate magus seducens gentem Samariae dicens esse se aliquem magnum
vul@Acts:8:10 @ cui auscultabant omnes a minimo usque ad maximum dicentes hic est virtus Dei quae vocatur Magna
vul@Acts:8:11 @ adtendebant autem eum propter quod multo tempore magicis suis dementasset eos
vul@Acts:8:12 @ cum vero credidissent Philippo evangelizanti de regno Dei et nomine Iesu Christi baptizabantur viri ac mulieres
vul@Acts:8:13 @ tunc Simon et ipse credidit et cum baptizatus esset adherebat Philippo videns etiam signa et virtutes maximas fieri stupens admirabatur
vul@Acts:8:14 @ cum autem audissent apostoli qui erant Hierosolymis quia recepit Samaria verbum Dei miserunt ad illos Petrum et Iohannem
vul@Acts:8:15 @ qui cum venissent oraverunt pro ipsis ut acciperent Spiritum Sanctum
vul@Acts:8:16 @ nondum enim in quemquam illorum venerat sed baptizati tantum erant in nomine Domini Iesu
vul@Acts:8:17 @ tunc inponebant manus super illos et accipiebant Spiritum Sanctum
vul@Acts:8:18 @ cum vidisset autem Simon quia per inpositionem manus apostolorum daretur Spiritus Sanctus obtulit eis pecuniam
vul@Acts:8:19 @ dicens date et mihi hanc potestatem ut cuicumque inposuero manus accipiat Spiritum Sanctum Petrus autem dixit ad eum
vul@Acts:8:20 @ pecunia tua tecum sit in perditionem quoniam donum Dei existimasti pecunia possideri
vul@Acts:8:21 @ non est tibi pars neque sors in sermone isto cor enim tuum non est rectum coram Deo
vul@Acts:8:22 @ paenitentiam itaque age ab hac nequitia tua et roga Deum si forte remittatur tibi haec cogitatio cordis tui
vul@Acts:8:23 @ in felle enim amaritudinis et obligatione iniquitatis video te esse
vul@Acts:8:24 @ respondens autem Simon dixit precamini vos pro me ad Dominum ut nihil veniat super me horum quae dixistis
vul@Acts:8:25 @ et illi quidem testificati et locuti verbum Domini rediebant Hierosolymam et multis regionibus Samaritanorum evangelizabant