cebuano_ang_biblia_pinadayag Amos:1:3-2 SEEK
Seeker Overlay ON
* ΒΆ
Mao kini ang giingon ni Jehova :
Tungod sa totolo ka mga kalapasan sa Damasco ,
oo ,
tungod sa upat ,
dili ko kuhaon ang silot niana ;
tungod kay gigiukan nila ang Galaad uban sa mga galamiton nga puthaw nga alang sa paggiuk ;
*
Apan padad-an ko sa kalayo ang balay ni Hasael ,
ug kini magalamoy sa mga palacio ni Ben-hadad .
*
Ug pagabunggoon ko ang trangka sa Damasco ,
ug pagaputlon ang nagapuyo gikan sa walog sa Aven ,
ug siya nga nagahupot sa cetro ko gikan sa balay sa Eden ;
ug ang katawohan sa Siria mangabihag ngadto sa Chir ,
nagaingon si Jehova .
*
Mao kini ang giingon ni Jehova :
Tungod sa totolo ka mga kalapasan sa Gaza ,
oo ,
tungod sa upat ,
dili ko kuhaon ang silot niana ;
tungod kay ilang gibihag ang tibook nga katawohan ,
aron sa pagtugyan kanila ngadto sa Edom .
*
Apan ibabaw sa mga kuta sa Gaza ipadala ko ang kalayo ,
ug kini magalamoy sa mga palacio niana .
*
Ug pagaputlon ko ang nagapuyo gikan sa Asdod ,
ug siya nga nagahupot sa cetro ko gikan sa Askalon ;
ug bakyawon ko ang akong kamot batok sa Ecron ;
ug ang mga salin sa mga Filistehanon mangamatay ,
nagaingon ang Ginoong Jehova :
*
Mao kini ang giingon ni Jehova :
Tungod sa totolo ka mga kalapasan sa Tiro ,
oo ,
tungod sa upat ,
dili ko kuhaon ang silot niana ;
tungod kay ilang gitugyan ang tibook nga katawohan sa Edom ,
ug wala mahanumdum sa inigsoonayng pakigsaad sa :
*
Apan ibabaw sa kuta sa Tiro ipadala ko ang kalayo ,
ug kini magalamoy sa mga palacio niana .
*
Mao kini ang giingon ni Jehova :
Tungod sa totolo ka mga kalapasan sa Edom ,
oo ,
tungod sa upat ,
dili ko kuhaon ang silot niana ;
tungod kay iyang gigukod uban sa pinuti ang iyang igsoon nga lalake ,
ug gisalikway ang tanang kalooy ,
ug ang iyang kasilag nagangutngot sa walay hunong ,
ug siya nagabaton sa iyang kaligutgut sa walay katapusan .
*
Apan ibabaw sa Teman ipadala ko ang kalayo ,
ug kini magalamoy sa mga palacio sa Bosra .
*
Mao kini ang giingon ni Jehova :
Tungod sa totolo ka mga kalapasan sa mga anak sa Ammon ,
oo ,
tungod sa upat ,
dili ko kuhaon ang silot niana ;
tungod kay gipikaspikas nila ang mga babaye nga mabdos sa Galaad ,
aron padakuon nila ang ilang utlanan :
*
Apan pasilauban ko sa kalayo ang kuta sa Rabba ,
ug kini magalamoy sa mga palacio niana ,
uban ang mga singgit sa adlaw sa gubat ,
uban ang bagyo sa panahon sa alimpulos .
*
Ug ang ilang hari mabihag ,
siya ug ang iyang mga principe sa tingub ,
nagaingon si Jehova .