cebuano_ang_biblia_pinadayag Colossians:1:15-23
cebuano_ang_biblia_
pinadayag@Colossians:1:15 @ Siya mao ang dagway sa dili makita nga Dios, ang panganay sa tibuok nga kabuhatan;
cebuano_ang_biblia_pinadayag@Colossians:1:16 @ kay pinaagi kaniya gibuhat ang tanang mga butang, diha sa langit ug dinhi sa yuta, makita ug dili makita, mga lingkoranan nga harianon o kagahum o pamunoan o pagbolut-an ang tanang mga butang gibuhat pinaagi kaniya ug alang kaniya.
cebuano_ang_biblia_pinadayag@Colossians:1:17 @ Siya mao na sa wala pa ang tanang mga butang, ug diha kaniya ang tanang mga butang gipakapot.
cebuano_ang_biblia_pinadayag@Colossians:1:18 @ Siya mao ang ulo sa lawas, nga mao ang iglesia; siya mao ang sinugdan, ang panganay nga gikan sa mga nangamatay, aron nga diha sa tanang mga butang siya mahimong kinalabwan sa tanan.
cebuano_ang_biblia_pinadayag@Colossians:1:19 @ Kay diha kaniya nahimuot sa pagpuyo ang bug-os nga kinatibuk-an sa Dios,
cebuano_ang_biblia_pinadayag@Colossians:1:20 @ ug pinaagi kaniya nahimuot kini sa pagpasig-uli, nganha sa iyang kaugalingon, sa tanang mga butang sa kayutaan o sa kalangitan, ug naghimo sa kadaitan pinaagi sa iyang dugo diha sa krus.
cebuano_ang_biblia_pinadayag@Colossians:1:21 @ Ug kamo, nga kaniadto mga nahimutang sa halayo ug mga mabinatukon diha sa panghunahuna, nga nanaghimo sa mga dautang buhat,
cebuano_ang_biblia_pinadayag@Colossians:1:22 @ karon iya nang napasig-uli ngadto kaniya diha sa iyang tawhanon nga lawas pinaagi sa iyang kamatayon, aron iya kamong ikapaatubang nga binalaan ug dili masaway ug dili mabadlong diha sa iyang atubangan,
cebuano_ang_biblia_pinadayag@Colossians:1:23 @ kon kamo magapadayon gayud sa pagtoo, dili matarug, malig-on, dili mobulag sa paglaum sa Maayong Balita nga inyong gipatalinghugan, nga gikawali ngadto sa tanang mga binuhat sa silong sa langit, ug nga niini ako, si Pablo, nahimong ministro.