Colossians:2:6-23
vul@Colossians:2:6 @ sicut ergo accepistis Christum Iesum Dominum in ipso ambulate
vul@Colossians:2:7 @ radicati et superaedificati in ipso et confirmati fide sicut et didicistis abundantes in gratiarum actione
vul@Colossians:2:8 @ videte ne quis vos decipiat per philosophiam et inanem fallaciam secundum traditionem hominum secundum elementa mundi et non secundum Christum
vul@Colossians:2:9 @ quia in ipso inhabitat omnis plenitudo divinitatis corporaliter
vul@Colossians:2:10 @ et estis in illo repleti qui est caput omnis principatus et potestatis
vul@Colossians:2:11 @ in quo et circumcisi estis circumcisione non manufacta in expoliatione corporis carnis in circumcisione Christi
vul@Colossians:2:12 @ consepulti ei in baptismo in quo et resurrexistis per fidem operationis Dei qui suscitavit illum a mortuis
vul@Colossians:2:13 @ et vos cum mortui essetis in delictis et praeputio carnis vestrae convivificavit cum illo donans vobis omnia delicta
vul@Colossians:2:14 @ delens quod adversum nos erat chirografum decretis quod erat contrarium nobis et ipsum tulit de medio adfigens illud cruci
vul@Colossians:2:15 @ expolians principatus et potestates traduxit palam triumphans illos in semet ipso
vul@Colossians:2:16 @ nemo ergo vos iudicet in cibo aut in potu aut in parte diei festi aut neomeniae aut sabbatorum
vul@Colossians:2:17 @ quae sunt umbra futurorum corpus autem Christi
vul@Colossians:2:18 @ nemo vos seducat volens in humilitate et religione angelorum quae non vidit ambulans frustra inflatus sensu carnis suae
vul@Colossians:2:19 @ et non tenens caput ex quo totum corpus per nexus et coniunctiones subministratum et constructum crescit in augmentum Dei
vul@Colossians:2:20 @ si mortui estis cum Christo ab elementis mundi quid adhuc tamquam viventes in mundo decernitis
vul@Colossians:2:21 @ ne tetigeris neque gustaveris neque contrectaveris
vul@Colossians:2:22 @ quae sunt omnia in interitu ipso usu secundum praecepta et doctrinas hominum
vul@Colossians:2:23 @ quae sunt rationem quidem habentia sapientiae in superstitione et humilitate et ad non parcendum corpori non in honore aliquo ad saturitatem carnis
![[pBiblx2]](/img/pbiblx2_logo3.png){kind=logo}