Colossians:3:1-17
cebuano_ang_biblia_
pinadayag@Colossians:3:1 @ ¶ Kon ugaling gibanhaw man kamo uban kang Cristo, nan, pangitaa ninyo ang mga butang nga anaa sa itaas diin anaa si Cristo nagalingkod sa too sa Dios.
cebuano_ang_biblia_pinadayag@Colossians:3:2 @ Itumong ang inyong mga hunahuna diha sa mga butang nga anaa sa itaas ug dili sa mga butang dinhi sa yuta.
cebuano_ang_biblia_pinadayag@Colossians:3:3 @ Kay kamo nangamatay na, ug diha sa Dios ang inyong kinabuhi natago uban kang Cristo.
cebuano_ang_biblia_pinadayag@Colossians:3:4 @ Inigpadayag na unya ni Cristo nga mao ang atong kinabuhi, nan, kamo usab igapadayag man uban kaniya sa himaya.
cebuano_ang_biblia_pinadayag@Colossians:3:5 @ ¶ Busa, patya ninyo ang mga yutan-ong butang diha sa sulod ninyo: pakighilawas, kahugaw, pangibog nga unodnon, dautang tinguha, ug ang kadalo nga maoy pagsimbag mga diosdios.
cebuano_ang_biblia_pinadayag@Colossians:3:6 @ Tungod niining mga butanga ang kapungot sa Dios nagaabut diha sa mga tawong masupilon.
cebuano_ang_biblia_pinadayag@Colossians:3:7 @ Niini kamo usab nanaggawi kaniadto, sa nagkinabuhi pa kamo niining mga butanga.
cebuano_ang_biblia_pinadayag@Colossians:3:8 @ ¶ Apan karon kinahanglan isalikway ninyo kining tanang mga butanga: kasuko, kapungot, pagkamadinauton, pagpasipala, ug ang mahilas nga sinultian sa inyong baba.
cebuano_ang_biblia_pinadayag@Colossians:3:9 @ Ayaw na kamo pagbinakakay ang usa ngadto sa usa, maingon nga nahukasan na kamo sa inyong daan nga kinaiya uban sa mga batasan niini
cebuano_ang_biblia_pinadayag@Colossians:3:10 @ ug gikasuloban na sa bag-ong kinaiya nga ginabag-o pag-usab diha sa kahibalo, sibo sa dagway sa magbubuhat niini.
cebuano_ang_biblia_pinadayag@Colossians:3:11 @ Dinhi niini dili ang Gresyanhon o Judio, may sirkunsisyon o walay sirkunsisyon, luog, Sityanhon, ulipon o gawas, kondili si Cristo mao ang tanan ug anaa sa tanan.
cebuano_ang_biblia_pinadayag@Colossians:3:12 @ ¶ Ingon nga sa Dios kamo mga pinili, balaan ug hinigugma, nan, isul-ob ninyo ang pagkamabination, pagkamapuangoron, pagkamapaubsanon, kaaghop, ug pailub,
cebuano_ang_biblia_pinadayag@Colossians:3:13 @ nga mag-inantusay ang usa sa usa kaninyo, ug nga kon aduna may pagmahay sa usa batok sa usa, magpinasayloay ang usa sa usa; maingon nga ang Ginoo nakapasaylo kaninyo, nan kinahanglan kamo usab magapasaylo.
cebuano_ang_biblia_pinadayag@Colossians:3:14 @ Ug labaw niining tanan, isul-ob ninyo ang gugma nga mao ang magabugkos sa tanan ngadto sa usa ka hingpit nga panagkaangay.
cebuano_ang_biblia_pinadayag@Colossians:3:15 @ Ug paharia ang kalinaw ni Cristo diha sa inyong mga kasingkasing, nga ngadto sa maong kalinaw kamo sa pagkatinuod gipanagtawag diha sa mao rang usa ka lawas. Ug magmapasalamaton kamo.
cebuano_ang_biblia_pinadayag@Colossians:3:16 @ Ang pulong ni Cristo papuy-a nga madagayaon gayud diha kaninyo, sa magatudloay ug magatinambagay kamo ang usa sa usa sa tanang kaalam, ug sa magaawit kamog mga salmo ug mga alawiton ug mga awit nga espirituhanon uban ang pagkamapasalamaton diha sa inyong mga kasingkasing ngadto sa Dios.
cebuano_ang_biblia_pinadayag@Colossians:3:17 @ Ug bisan unsay inyong pagabuhaton, sa pulong o sa buhat, buhata ang tanan sa ngalan sa Ginoong Jesus, nga magahatag kamo sa mga pagpasalamat ngadto sa Dios nga Amahan pinaagi kaniya.
![[pBiblx2]](/img/pbiblx2_logo3.png){kind=logo}