cebuano_ang_biblia_pinadayag Deuteronomy:1:26-46
cebuano_ang_biblia_
pinadayag@Deuteronomy:1:26 @ Apan wala kamo motungas, kondili nanagmalalison kamo sa sugo ni Jehova nga inyong Dios:
cebuano_ang_biblia_pinadayag@Deuteronomy:1:27 @ Ug nanagbagulbol kamo sa inyong mga balong-balong ug nagaingon: Kay gidumtan kita ni Jehova, nga gikuha niya kita gikan sa yuta sa Egipto, aron sa pagtugyan kanato ngadto sa kamot sa mga Amorehanon aron sa paglaglag kanato.
cebuano_ang_biblia_pinadayag@Deuteronomy:1:28 @ Asa man kita motungas? Ang atong mga igsoon nagpaluya sa atong kasingkasing, nga nagaingon. Ang mga tawo mga labing dagku ug labing hatag-as kay kanato; ang mga kalungsoran dagku ug kinutaan hangtud sa langit, ug labut pa nakita namo didto ang mga anak sa mga higante.
cebuano_ang_biblia_pinadayag@Deuteronomy:1:29 @ Unya miingon ako kaninyo: Dili kamo malisang, dili usab kamo mahadlok kanila.
cebuano_ang_biblia_pinadayag@Deuteronomy:1:30 @ Si Jehova, ang inyong Dios, maoy magauna kaninyo, siya makig-away alang kaninyo, ingon sa tanang mga butang nga gibuhat niya alang kaninyo didto sa Egipto sa atubangan sa inyong mga mata,
cebuano_ang_biblia_pinadayag@Deuteronomy:1:31 @ Ug sa kamingawan, diin nakita mo nga si Jehova nga imong Dios nagdala kanimo, ingon sa usa ka tawo nga nagdala sa iyang anak nga lalake sa tanan nga dalan sa inyong gilaktan, hangtud nga mingdangat kamo niining dapita.
cebuano_ang_biblia_pinadayag@Deuteronomy:1:32 @ Bisan pa niining butanga wala kamo managtoo kang Jehova nga inyong Dios,
cebuano_ang_biblia_pinadayag@Deuteronomy:1:33 @ Nga nag-una kaninyo sa dalan, aron sa pagsusi sa dapit kong asa kamo magapahaluna sa inyong mga balong-balong, pinaagi sa kalayo sa gabii, aron sa pagpakita kaninyo sa dalan nga inyong pagalaktan, ug pinaagi sa panganod sa adlaw.
cebuano_ang_biblia_pinadayag@Deuteronomy:1:34 @ Ug nakadungog si Jehova sa tingog sa inyong mga pulong, ug nasuko ug nanumpa, nga nagaingon:
cebuano_ang_biblia_pinadayag@Deuteronomy:1:35 @ Sa pagkamatuod walay usa niining mga tawo, niining dautan nga kaliwatan nga makakita sa yuta nga maayo nga gipanumpa ko nga igahatag sa inyong mga amahan.
cebuano_ang_biblia_pinadayag@Deuteronomy:1:36 @ Gawas kang Caleb, ang anak nga lalake ni Jephone: siya makakita niana, ug kaniya ihatag ko ang yuta nga iyang gitumban, ug sa iyang mga anak, kay hingpit ang iyang pagsunod kang Jehova.
cebuano_ang_biblia_pinadayag@Deuteronomy:1:37 @ Ug batok usab kanako nasuko si Jehova tungod kaninyo, nga nagaingon: Ikaw usab dili makasulod didto:
cebuano_ang_biblia_pinadayag@Deuteronomy:1:38 @ Si Josue, ang anak nga lalake ni Nun, nga nagatindog sa imong atubangan, siya makasulod didto: magdasig ka kaniya; kay siya magapapanunod niana sa Israel.
cebuano_ang_biblia_pinadayag@Deuteronomy:1:39 @ Labut pa ang inyong mga bata, nga matud ninyo mahimong tukbonon; ug ang inyong mga anak nga dili karon mahibalo sa maayo kun dautan, sila makasulod didto, ug kanila ihatag ko kini, ug sila makapanag-iya niini.
cebuano_ang_biblia_pinadayag@Deuteronomy:1:40 @ Apan mahitungod kaninyo, pamalik kamo ug panggikan kamo padulong ngadto sa kamingawan sa dalan paingon sa Dagat nga Mapula.
cebuano_ang_biblia_pinadayag@Deuteronomy:1:41 @ Unya mingtubag kamo ug nanag-ingon kanako: Nakasala kami batok kang Jehova, motungas ug makig-away kami, sumala sa tanan nga gisugo kanamo ni Jehova nga among Dios. Ug nanagsangkap kamo ang tagsatagsa ka tawo sa iyang mga hinagiban sa pag-awayan, ug nanag-andam kamo sa pagtungas sa kabukiran.
cebuano_ang_biblia_pinadayag@Deuteronomy:1:42 @ Ug si Jehova miingon kanako: Ipamulong mo kanila: Dili kamo motungas ni makig-away, kay ako wala sa inyong taliwala; tingali unya pamatyon kamo sa atubangan sa inyong mga kaaway.
cebuano_ang_biblia_pinadayag@Deuteronomy:1:43 @ Unya ako misulti kaninyo, ug wala kamo magpatalinghug; hinonoa minglalis kamo sa sugo ni Jehova, ug nanagmapahitas-on ug mingtungas kamo ngadto sa kabukiran.
cebuano_ang_biblia_pinadayag@Deuteronomy:1:44 @ Ug minggula ang mga Amorehanon, nga nagpuyo niadtong bukira sa pagsugat kaninyo, milutos kaninyo, ingon sa ginabuhat sa mga putyokan, ug nagpuspus kaninyo gikan sa Seir, hangtud sa Horma.
cebuano_ang_biblia_pinadayag@Deuteronomy:1:45 @ Ug mingbalik kamo ug minghilak kamo sa atubangan ni Jehova; apan si Jehova wala magpatalinghug sa inyong tingog, wala usab siya mamati kaninyo.
cebuano_ang_biblia_pinadayag@Deuteronomy:1:46 @ Unya didto kamo sa Cades sa daghang mga adlaw, sumala sa mga adlaw sa inyong pagpuyo.
![[pBiblx2]](/img/pbiblx2_logo3.png){kind=logo}