vul Deuteronomy:13:1-18
vul@Deuteronomy:13:1 @ si surrexerit in medio tui prophetes aut qui somnium vidisse se dicat et praedixerit signum atque portentum
vul@Deuteronomy:13:2 @ et evenerit quod locutus est et dixerit tibi eamus et sequamur deos alienos quos ignoras et serviamus eis
vul@Deuteronomy:13:3 @ non audies verba prophetae illius aut somniatoris quia temptat vos Dominus Deus vester ut palam fiat utrum diligatis eum an non in toto corde et in tota anima vestra
vul@Deuteronomy:13:4 @ Dominum Deum vestrum sequimini et ipsum timete mandata illius custodite et audite vocem eius ipsi servietis et ipsi adherebitis
vul@Deuteronomy:13:5 @ propheta autem ille aut fictor somniorum interficietur quia locutus est ut vos averteret a Domino Deo vestro qui eduxit vos de terra Aegypti et redemit de domo servitutis ut errare te faceret de via quam tibi praecepit Dominus Deus tuus et auferes malum de medio tui
vul@Deuteronomy:13:6 @ si tibi voluerit persuadere frater tuus filius matris tuae aut filius tuus vel filia sive uxor quae est in sinu tuo aut amicus quem diligis ut animam tuam clam dicens eamus et serviamus diis alienis quos ignoras tu et patres tui
vul@Deuteronomy:13:7 @ cunctarum in circuitu gentium quae iuxta vel procul sunt ab initio usque ad finem terrae
vul@Deuteronomy:13:8 @ non adquiescas ei nec audias neque parcat ei oculus tuus ut miserearis et occultes eum
vul@Deuteronomy:13:9 @ sed statim interficies sit primum manus tua super eum et post te omnis populus mittat manum
vul@Deuteronomy:13:10 @ lapidibus obrutus necabitur quia voluit te abstrahere a Domino Deo tuo qui eduxit te de terra Aegypti de domo servitutis
vul@Deuteronomy:13:11 @ ut omnis Israhel audiens timeat et nequaquam ultra faciat quippiam huius rei simile
vul@Deuteronomy:13:12 @ si audieris in una urbium tuarum quas Dominus Deus tuus dabit tibi ad habitandum dicentes aliquos
vul@Deuteronomy:13:13 @ egressi sunt filii Belial de medio tui et averterunt habitatores urbis tuae atque dixerunt eamus et serviamus diis alienis quos ignoratis
vul@Deuteronomy:13:14 @ quaere sollicite et diligenter rei veritate perspecta si inveneris certum esse quod dicitur et abominationem hanc opere perpetratam
vul@Deuteronomy:13:15 @ statim percuties habitatores urbis illius in ore gladii et delebis eam omniaque quae in illa sunt usque ad pecora
vul@Deuteronomy:13:16 @ quicquid etiam supellectilis fuerit congregabis in medium platearum eius et cum ipsa civitate succendes ita ut universa consumas Domino Deo tuo et sit tumulus sempiternus non aedificabitur amplius
vul@Deuteronomy:13:17 @ et non adherebit de illo anathemate quicquam in manu tua ut avertatur Dominus ab ira furoris sui et misereatur tui multiplicetque te sicut iuravit patribus tuis
vul@Deuteronomy:13:18 @ quando audieris vocem Domini Dei tui custodiens omnia praecepta eius quae ego praecipio tibi hodie ut facias quod placitum est in conspectu Domini Dei tui
![[pBiblx2]](/img/pbiblx2_logo3.png){kind=logo}