cebuano_ang_biblia_pinadayag Exodus:12:31-13:16

cebuano_ang_biblia_pinadayag@Exodus:12:31 @ Ug gipatawag niya si Moises ug si Aaron sa gabii ug miingon siya kanila: Bumangon kamo, mamahawa kamo gikan sa taliwala sa akong katawohoan, kamo ug ang mga anak sa Israel, ug panlakaw kamo ug pag-alagad kamo kang Jehova, ingon sa inyong gisulti.

cebuano_ang_biblia_pinadayag@Exodus:12:32 @ Dad-a usab ninyo ang inyong mga carnero, ug ang inyong mga vaca, ingon sa inyong gisulti, ug panlakaw kamo; ug panalangini usab ako ninyo.

cebuano_ang_biblia_pinadayag@Exodus:12:33 @ Ug ang mga Egiptohanon nagpilit sa katawohan aron sa madali manggula sila sa yuta; kay sila nanag-ingon: Kami mangamatay nga tanan.

cebuano_ang_biblia_pinadayag@Exodus:12:34 @ Ug ang katawohan nanagbitbit sa ilang kinumot nga wala pa masahi ug levadura, ang ilang mga pasungan nga masahan giputos sa ilang mga habol sa ibabaw sa ilang mga abaga.

cebuano_ang_biblia_pinadayag@Exodus:12:35 @ Ug ang gma anak sa Israel nagbuhat sumala sa pulong ni Moises, nga nagapangayo sa Egiptohanon ug mga alahas nga salapi ug mga alahas nga bulawan, ug mga bisti.

cebuano_ang_biblia_pinadayag@Exodus:12:36 @ Ug si Jehova naghatag ug kahamut-an sa sa katawohan sa atwubangan sa mga Egiptohaonon, sa ingon gna gihatagan sila kutob sa ilang gipangayo kanila. Ug ang mga Egiptohanon ilang giagawan.

cebuano_ang_biblia_pinadayag@Exodus:12:37 @ ¶ Ug ang mga anak sa Israel mingpanaw gikan sa Rameses padulong sa Succoth, nga may unom ka gatus ka libo nga mga lalake ang nanaglakaw, gawas sa mga bata.

cebuano_ang_biblia_pinadayag@Exodus:12:38 @ Ug mipanaw usab uban kanila ang nagakasagul nga panon sa katawohan, ug mga carnero, ug kahayupan gna hilabihan sa daghan.

cebuano_ang_biblia_pinadayag@Exodus:12:39 @ Ug nagluto sila ug mga tinapay nga walay levadura sa kinumot nga ilang gidala gikan sa Egiptol; kay kini wala hisakti ug levadura, tungod kay gihinginlan sila sa Egipto, ug wala sila makahimo sa paglangan, ni sa paghikay bisan unsang makaon.

cebuano_ang_biblia_pinadayag@Exodus:12:40 @ Karon, ang panahon nga ang mga anak sa Israel mipuyo sa Egipto, upat ka gatus ug katloan ka tuig..

cebuano_ang_biblia_pinadayag@Exodus:12:41 @ Ug nahitabo sa katapusan sa upat ka gatus ug katloan ka tuig, bisan sa maong adlaw nahitabo nga ang tanan nga mga panon ni Jehova migula gikan sa yuta sa Egipto.

cebuano_ang_biblia_pinadayag@Exodus:12:42 @ Maoy gabii kini nga pagamahalon alang kang Jehova, tungod sa pagkuha kanila gikan sa yuta sa Egipto. Kini mao ang gabii ni Jehova nga kinahanglan pagabantayan gayud sa tanan nga mga anak sa Israel ug ngadto sa tanan sa ilang mga kaliwatan.

cebuano_ang_biblia_pinadayag@Exodus:12:43 @ ¶ Ug si Jehova miingon kang Moises ug kang Aaron: Kini mao ang tulomanon sa Pasko. Walay bisan kinsa nga dumuloong nga magakaon gikan kaniya.

cebuano_ang_biblia_pinadayag@Exodus:12:44 @ Apan ang tagsatagsa ka alagad sa tawo, nga pinalit ug salapi, magakaon gikan kaniya sa human mo siya macircuncidahi.

cebuano_ang_biblia_pinadayag@Exodus:12:45 @ Ang dumuloong ug ang sinuholan dili magakaon gikan kaniya.

cebuano_ang_biblia_pinadayag@Exodus:12:46 @ Sa usa ka balay adto kini pagakan-a, ug dili ma magdala bisan diyutay sa unod ngadto sa gsawas asa balay, ni magdugmok ka sa iyang bukog.

cebuano_ang_biblia_pinadayag@Exodus:12:47 @ Ang tibook nga katilingban sa Israel magabantay niini.

cebuano_ang_biblia_pinadayag@Exodus:12:48 @ Ug diha, nga ang usa ka dumuloong mopuyo uban kanimo, ug buot siya magsaulog sa Pasko kang Jehova, pagcircuncidahan ang iyang tanan nga lalake ug unya paduola siya ug pasauloga niana, ug mahimo siya nga ingon sa usa nga natawo yuta; apan walay bisan kinsa nga dili cinicuncidahan nga makakaon gikan niini.

cebuano_ang_biblia_pinadayag@Exodus:12:49 @ Usa ka kasugoan mahimo nga alang sa natawo sa yuta, ug alang sa dumuloong nga moabut sa taliwala ninyo.

cebuano_ang_biblia_pinadayag@Exodus:12:50 @ Mao kini ang gibuhat sa tanan nga mga anak sa Israel; ingon sa gisugo ni Jehova kang Moises ug kang Aaron, mao usab ang gibuhat nila.

cebuano_ang_biblia_pinadayag@Exodus:12:51 @ Ug nahitabo niadtong maong adlalw gikuha n Jehova ang mga anak sa Israel gikan sa yuta sa Egipto ingon soa ilang mga panon.

cebuano_ang_biblia_pinadayag@Exodus:13:1 @ ¶ Ug si Jehova misulti kang Moises nga nagaingon:

cebuano_ang_biblia_pinadayag@Exodus:13:2 @ Magbalaan kanako ang tanan nga panganay, bisan unsa nga magabuka sa taguangkan sa taliwa sa mga anak sa Israel, maingon man sa tawo mao usab sa mananap: kana ako man.

cebuano_ang_biblia_pinadayag@Exodus:13:3 @ Ug si Moises miingon sa katawohan: Hinumdumi ninyo kining adlawa, nga niini mipahawa kamo gikan sa Egipto, sa balay sa pagkaulipon; kay si Jehova mikuha kaninyo gikan niining dapita pinaagi sa kamot nga kusgan: ayaw kamo pagkaon sa tinapay nga may levadura.

cebuano_ang_biblia_pinadayag@Exodus:13:4 @ Niining adlawa nanggula kamo sa bulan nga Abib:

cebuano_ang_biblia_pinadayag@Exodus:13:5 @ Ug mahitabo, nga sa pagpasulod ni Jehova kaninyo sa yuta sa mga Canaanhon, ug sa mga Hetehanon, ug sa mga Amorehanon, ug sa mga Hebehanon, ug sa mga Jebusehanon, nga gipanumpaan niya sa inyong mga ginikanan nga iyang igahatag kaninyo, usa ka yuta nga nagapaagay sa gatas ug dugos, nga magasaulog kamo niini nga pag-alagad niining bulana:

cebuano_ang_biblia_pinadayag@Exodus:13:6 @ Pito ka adlaw magakaon ka sa tinapay nga walay levadura, ug sa ikapito ka adlaw mao ang fiesta alang kang Jehova.

cebuano_ang_biblia_pinadayag@Exodus:13:7 @ Tinapay nga walay levadura maoy pagakan-on sulod sa pito ka adlaw; ug walay tinapay nga may levadura nga makita diha kanimo, ni levadura makita diha kanimo sa tanan mo nga mga utlanan.

cebuano_ang_biblia_pinadayag@Exodus:13:8 @ Ug magsugilon ka niadtong adlawa sa imong anak nga lalake nga magaingon: gibuhat tungod niadto nga gibuhat ni Jehova kanako, sa migula ako gikan sa Egipto.

cebuano_ang_biblia_pinadayag@Exodus:13:9 @ Ug kini mahimo kanimo nga usa ka ilhanan sa ibabaw sa imong kamot ug usa ka handumanan sa atubangan sa imong mga mata, aron ang Kasugoan ni Jehova anha sa imong baba; kay tungod sa kamot nga kusgan gikuha ka ni Jehova gikan sa Egipto.

cebuano_ang_biblia_pinadayag@Exodus:13:10 @ Busa, ikaw magabantay niini nga tulomanon sa iyang panahon sa tuigtuig.

cebuano_ang_biblia_pinadayag@Exodus:13:11 @ ¶ Ug sa pagpasulod ni Jehova kanimo sa yuta sa mga Canaanhon, ingon sa iyang gipanumpa kanimo ug sa imong mga ginikanan, ug sa magahatag siya niana kanimo,

cebuano_ang_biblia_pinadayag@Exodus:13:12 @ Pagalainon mo alang kang Jehova ang tanan nga magbuka sa taguangkan; ug ang tanan nga una nga magabuka sa taguangkan sa imong mga mananap; ang mga lake iya kang Jehova.

cebuano_ang_biblia_pinadayag@Exodus:13:13 @ Ug sa tanan nga panganay sa asno ang usa ka book nga nating carnero mao ang igalukat mo; ug kondili ka magalukat niini, nan punggutan mo kini sa liog: ug sa tanan nga panganay sa tawo sa taliwala sa imong mga anak magatubos ikaw.

cebuano_ang_biblia_pinadayag@Exodus:13:14 @ 9 Ug kong sa panahong umalabut mangutana kanimo ang imong anak nga lalake nga magaingon: Unsa ba kini? Magaingon ikaw kaniya: Pinaagi sa kusog sa kamot, si Jehova nagkuha kanato gikan sa Egipto, sa balay sa pagkaulipon.

cebuano_ang_biblia_pinadayag@Exodus:13:15 @ Ug nahitabo nga si Faraon sa halus motugot kanamo sa pagpalakaw, si Jehova nagpatay sa tanan nga panganay sa yuta sa Egipto, gikan sa panganay sa tawo hangtud sa panganay sa kahayupan; busa ako nagahalad alang kang Jehova sa tanan nga panganay nga lake; apan ang tanan nga panganay sa akong mga anak gitubos ko.

cebuano_ang_biblia_pinadayag@Exodus:13:16 @ Ug kini mahimo alang kanimo nga usa ka timaan sa ibabaw sa imong kamot, ug ingon nga mga ilhanan sa taliwala sa imong mga mata; tungod kay si Jehova mao ang nagkuha kanato gikan sa Egipto pinaagi sa kamot nga kusgan.

Seeker Overlay: Off On

Bible:
Bible:
Book: