cebuano_ang_biblia_pinadayag Exodus:15:22-18:27

cebuano_ang_biblia_pinadayag@Exodus:15:22 @ ¶ Ug ang Israel gihatud ni Moises gikan sa Dagat nga Mapula, ug milakaw sila padulong sa kamingawan sa Sur; ug nanglakaw sila ug totolo ka adlaw sa kamingawan, ug wala makakaplag ug tubig.

cebuano_ang_biblia_pinadayag@Exodus:15:23 @ Ug sa pag-abut nila sa Mara, wala sila makahimo sa pag-inum sa mga tubig sa Mara kay kadto mga mapait; tungod niana gibutangan kini ug ngalan nga Mara.

cebuano_ang_biblia_pinadayag@Exodus:15:24 @ Ug ang katawohan nanagbagulbol batok kang Moises, ug miingon: Unsa ba ang atong pagaimnon?

cebuano_ang_biblia_pinadayag@Exodus:15:25 @ Ug si Moises mitu-aw kang Jehova; ug si Jehova nagpakita kaniya ug usa ka kahoy, ug gihulog niya kini sa mga tubig, ug ang mga tubig nahimong matam-is. Didto sila gihatagan niya ug usa ka tulomanon ug usa ka sulondan, ug didto iyang gisulayan sila;

cebuano_ang_biblia_pinadayag@Exodus:15:26 @ Ug miingon siya: Kong magpatalinghug ka sa masingkamuton gayud sa tingog ni Jehova nga imong Dios, ug magabuhat ka niadtong matarung sa iyang mga mata, ug magapatalinghug sa iyang mga sugo, ug magabantay sa tanan niya nga mga tulomanon, walay bisan unsang sakita sa mga gipadala ko sa mga Egiptohanon, nga igapadala ko kanimo; kay ako mao si Jehova nga magaayo kanimo.

cebuano_ang_biblia_pinadayag@Exodus:15:27 @ Ug miabut sila sa Elim, nga didto may napulo ug duha ka tinubdan sa tubig, ug kapitoan ka palma; ug napahamutang sila didto sa haduol sa mga tubig.

cebuano_ang_biblia_pinadayag@Exodus:16:1 @ ¶ Ug mipanaw sila gikan sa Elim, ug ang tibook nga katilingban sa mga anak sa Israel, mingdangat sa kamingawan sa Sin, nga diha sa tungatunga sa Elim ug sa Sinai, sa ikanapulo ug lima nga adlaw sa ikaduha nga bulan sa tapus sila mogula gikan sa yuta sa Egipto.

cebuano_ang_biblia_pinadayag@Exodus:16:2 @ Ug ang tibook nga katilingban sa mga anak sa Israel nanagbagulbol batok kang Moises ug batok kang Aaron didto sa kamingawan;

cebuano_ang_biblia_pinadayag@Exodus:16:3 @ Ug ming-ingon kanila ang mga anak sa Israel: Apat hinoon namatay kami pinaagi sa kamot ni Jehova didto sa yuta sa Egipto, sa nanaglingkod kami tupad sa mga kolon sa mga unod, sa nanagpangaon kami ug tinapay sa pagkabusog; kay kami gidala ninyo dinhi niining kamingawan, aron sa pagpatay sa kagutom niining tibook nga katilingban.

cebuano_ang_biblia_pinadayag@Exodus:16:4 @ Unya si Jehova miingon kang Moises: Ania karon, magapaulan ako ug tinapay gikan sa langit alang kaninyo; ug ang katawohan manggula ug magakuha ug igo nga bahin sa tagsa ka adlaw, aron ako makasulay kanila kong sila magalakaw ba sa akong Kasugoan, o dili.

cebuano_ang_biblia_pinadayag@Exodus:16:5 @ Ug mahitabo nga sa ikaunom ka adlaw manag-andam sila niadtong ilang pagadad-on, ug kini mao ang pilo sa gidaghanon sa gitigum nila adlaw-adlaw.

cebuano_ang_biblia_pinadayag@Exodus:16:6 @ Ug miingon si Moises ug si Aaron sa tanan nga mga anak sa Israel: Sa pagkagabii, nan manghibalo kamo nga si Jehova ang mikuha kaninyo gikan sa yuta sa Egipto;

cebuano_ang_biblia_pinadayag@Exodus:16:7 @ Ug sa pagkabuntag, nan makakita kamo sa himaya ni Jehova; kay niana siya nagapatalinghug sa inyong mga pagbagulbol batok kang Jehova; ug, unsa ba kami, nga nanagbagulbol man kamo batok kanamo?

cebuano_ang_biblia_pinadayag@Exodus:16:8 @ Ug miingon si Moises: Si Jehova magahatag kaninyo sa kagabhion ug unod alang sa pagkaon, ug sa kabuntagon tinapay sa pagkabusog; kay siya nakadungog sa inyong mga bagulbol nga gibagulbol ninyo batok kaniya: ug unsa ba kami? Ang mga pagbagulbol ninyo dili batok kanamo, kondili batok kang Jehova.

cebuano_ang_biblia_pinadayag@Exodus:16:9 @ Ug miingon si Moises kang Aaron: Ingna ang tibook nga katilingban sa mga anak sa Israel: Dumuol kamo sa atubangan ni Jehova, kay siya nakadungog sa inyong mga pagbagulbol.

cebuano_ang_biblia_pinadayag@Exodus:16:10 @ Ug nahitabo, sa nagsulti si Aaron sa tibook nga katilingban sa mga anak sa Israel, nga mingtan-aw sila dapit sa kamingawan, ug ania karon, ang himaya ni Jehova, nagpakita didto sa panganod.

cebuano_ang_biblia_pinadayag@Exodus:16:11 @ Ug si Jehova misulti kang Moises, nga nagaingon:

cebuano_ang_biblia_pinadayag@Exodus:16:12 @ Ako nakadungog sa mga pagbagulbol sa mga anak sa Israel; sultihan mo sila sa pag-ingon: Sa pagkagabii magakaon kamo ug unod, ug sa pagkabuntag pagabusgon kamo sa tinapay; ug manghibalo kamo nga ako mao si Jehova nga inyong Dios.

cebuano_ang_biblia_pinadayag@Exodus:16:13 @ ¶ Ug nahitabo sa pagkagabii, nga mingkayaw ang mga buntog, ug minghugpa sa campo, ug sa pagkabuntag naglukop ang tun-og libut sa campo.

cebuano_ang_biblia_pinadayag@Exodus:16:14 @ Ug sa misaka ang tun-og nga naglukop sa, ania karon, sa ibabaw sa nawong sa kamingawan usa ka butang nga diyutay ug malingin, diyutay nga ingon sa usa ka tun-og sa ibabaw sa yuta.

cebuano_ang_biblia_pinadayag@Exodus:16:15 @ Ug sa pagkakita niini sa mga anak sa Israel, nanag-ingon ang usa ug usa kanila: Unsa ba kini? kay sila wala makaila kong unsa kadto. Ug si Moises miingon kanila: Mao kana ang tinapay nga gihatag ni Jehova kaninyo aron pagkan-on.

cebuano_ang_biblia_pinadayag@Exodus:16:16 @ Kini mao ang butang nga gisugo ni Jehova: Pamunit kamo niini ang tagsatagsa ingon sa iyang makaon: usa ka Omer sa tagsa ka tawo, sumala sa gidaghanon sa inyong mga tawo, magakuha kamo niini, ang tagsatagsa alang kanila nga atua sa iyang balong-balong.

cebuano_ang_biblia_pinadayag@Exodus:16:17 @ Ug ang mga anak sa Israel nagbuhat sa ingon: ug nanagpamupho ang uban daghan, ug ang uban diriyut:

cebuano_ang_biblia_pinadayag@Exodus:16:18 @ Ug sa diha nga kini gitakus nila sa omer, wala kumapin ang sa nakatigum ug daghan, wala usab magkulang ang sa nakatigum ug diyutay: ang tagsatagsa nagtigum sumala sa makaon niya.

cebuano_ang_biblia_pinadayag@Exodus:16:19 @ Ug si Moises miingon kanila: Walay bisan kinsa nga magasalin niana hangtud ugma sa buntag.

cebuano_ang_biblia_pinadayag@Exodus:16:20 @ Apan sila wala managtuman kang Moises; kondili nga ang uban nanagsalin niana hangtud sa pagkabuntag, ug kini giulod, ug nadunot ug nasuko si Moises kanila.

cebuano_ang_biblia_pinadayag@Exodus:16:21 @ Ug nanagpamupho sila niana matag-buntag, ang tagsatagsa ka tawo sumala sa iyang makaon: ug sa pag-init sa adlaw, natunaw kini.

cebuano_ang_biblia_pinadayag@Exodus:16:22 @ ¶ Ug nahitabo nga sa ikaunom ka adlaw nanagpamupho sila sa pilo sa gidaghanon sa tinapay, duruha ka omer alang sa tagsatagsa: ug ang tanan nga mga pangulo sa katilingban nangadto ug nanagsugilon kang Moises.

cebuano_ang_biblia_pinadayag@Exodus:16:23 @ Ug siya miingon kanila: Kini mao ang giingon ni Jehova: Ugma mao ang balaan nga pagpahulay, ang adlaw nga igpapahulay ngadto kang Jehova: ang pagalutoon ninyo, lutoa ninyo karon, ug ang pagalung-agon ninyo lung-aga ninyo; ug ang tanan nga makapin kaninyo, tipigan ninyo hangtud sa buntag.

cebuano_ang_biblia_pinadayag@Exodus:16:24 @ Ug ilang gitipigan kini hangtud sa pagkabuntag ingon sa gisugo ni Moises; ug kini wala madunot, walay ulod usab niini.

cebuano_ang_biblia_pinadayag@Exodus:16:25 @ Ug miingon si Moises: Kan-a ninyo kana karon, kay karon mao ang adlaw nga igpapahulay ngadto kang Jehova: Karon dili kamo makakaplag niana sa kapatagan.

cebuano_ang_biblia_pinadayag@Exodus:16:26 @ Sa unom ka adlaw magapamunit kamo niana; apan sa ikapito ka adlaw nga mao ang adlaw nga igpapahulay, niining dili makaplagan kini.

cebuano_ang_biblia_pinadayag@Exodus:16:27 @ Ug nahatabo sa ikapito ka adlaw nga ang uban sa katawohan migula sa pagpamunit, ug sila wala makakaplag.

cebuano_ang_biblia_pinadayag@Exodus:16:28 @ Ug miingon si Jehova kang Moises: Hangtud ba anus-a nga managdumili kamo sa akong mga sugo ug sa akong mga tulomanon?

cebuano_ang_biblia_pinadayag@Exodus:16:29 @ Tan-awa ninyo, kay niana si Jehova naghatag kaninyo sa adlaw nga igpapahulay ug tungod niini siya nagahatag kaninyo sa ikaunom ka adlaw ug tinapay nga sa duruha ka adlaw. Magpuyo ang tagsatagsa sa iyang puloy-anan, walay bisan kinsa nga magagula gikan sa iyang dapit sa ikapito ka adlaw.

cebuano_ang_biblia_pinadayag@Exodus:16:30 @ Mao nga ang katawohan mingpahulay sa ikapito ka adlaw.

cebuano_ang_biblia_pinadayag@Exodus:16:31 @ Ug ang panimalay sa Israel naghingalan niini nga Mana; ug kini maingon sa liso sa culantro, nga maputi; ug ang iyang lami ingon sa tinapay nga manipis nga may dugos.

cebuano_ang_biblia_pinadayag@Exodus:16:32 @ ¶ Ug miingon si Moises: Kini mao ang gisugo ni Jehova: Pun-on ninyo ang usa ka omer niini aron pagtipigan ngadto sa inyong mga kaliwatan, aron makakita sila sa tinapay nga akong gipakaon kaninyo didto sa kamingawan, sa pagkuha ko kaninyo gikan sa yuta sa Egipto.

cebuano_ang_biblia_pinadayag@Exodus:16:33 @ Ug miingon si Moises kang Aaron: Kumuha ka ug usa ka kolon ug sudlan mo kini ug usa ka omer nga puno sa mana, ug ibutang mo kini sa atubangan ni Jehova, aron matipigan ngadto sa inyong mga kaliwatan.

cebuano_ang_biblia_pinadayag@Exodus:16:34 @ Ug kini gibutang ni Aaron sa atubangan sa Pagpamatuod aron kini tipigan, ingon sa gisugo ni Jehova kang Moises.

cebuano_ang_biblia_pinadayag@Exodus:16:35 @ Ug nanagpangaon ang mga anak sa Israel sa mana sulod sa kap-atan ka tuig, hangtud nga mingsulod sila sa yuta nga gipuy-an: mana ang gipangaon nila hangtud nga mingdangat sila sa mga utlanan sa yuta sa Canaan.

cebuano_ang_biblia_pinadayag@Exodus:16:36 @ Ug ang usa ka omer mao ang ikapulo ka bahin sa epha.

cebuano_ang_biblia_pinadayag@Exodus:17:1 @ ¶ Ug ang tibook nga katilingban sa mga anak sa Israel mingpanaw gikan sa kamingawan sa Sin sa ilang mga pagpanaw, sumala sa sugo ni Jehova, ug gipahamutang nila ang ilang campo sa Repidim: ug didto walay tubig aron makainum ang katawohan.

cebuano_ang_biblia_pinadayag@Exodus:17:2 @ Ug nakiglantugi ang katawohan kang Moises, ug nanag-ingon sila: Hatagi kami ug tubig aron makainum kami. Ug si Moises miingon kanila: Ngano ba nga nakiglantugi man kamo kanako? Ngano ba nga gisulayan ninyo si Jehova?

cebuano_ang_biblia_pinadayag@Exodus:17:3 @ Ug ang katawohan giuhaw sa tubig; ug ang katawohan nagbagulbol batok kang Moises, ug miingon: Gidala mo diay kami gikan sa Egipto, aron pagpatyon sa kauhaw, kami ug ang among mga anak ug ang among kahayupan?

cebuano_ang_biblia_pinadayag@Exodus:17:4 @ Unya mitu-aw si Moises kang Jehova nga nagaingon: Unsa ba ang pagabuhaton ko niini nga katawohan? Daw andam na sila sa pagbato kanako.

cebuano_ang_biblia_pinadayag@Exodus:17:5 @ Ug si Jehova miingon kang Moises: Lumabay ka sa atubangan sa katawohan, ug dad-a uban kanimo ang mga anciano sa Israel, ug ang imong sungkod nga imong gilambos sa suba, kupti sa imong kamot ug lumakaw ka:

cebuano_ang_biblia_pinadayag@Exodus:17:6 @ Ania karon, ako magatindog sa atubangan mo didto sa ibabaw sa bato sa Horeb; ug tugsokon mo ang bato, ug gikan niini motubod ang tubig, aron makainum ang katawohan. Ug mao kini ang gibuhat ni Moises sa atubangan sa mga anciano sa Israel.

cebuano_ang_biblia_pinadayag@Exodus:17:7 @ Ug gihinganlan niya ang ngalan niadtong dapita Masa ug /Meriba tungod sa pagpakiglalis sa mga anak sa Israel, ug kay gisulayan nila si Jehova nga nagaingon: Ania ba si Jehova sa taliwala kanato kun wala ba?

cebuano_ang_biblia_pinadayag@Exodus:17:8 @ ¶ Ug mianha si Amalek ug nakig-away sa Israel didto sa Repidim.

cebuano_ang_biblia_pinadayag@Exodus:17:9 @ Ug miingon si Moises kang Josue: Pagpili gikan kanato ug mga tawo ug gumula ka, magpakig-away ka kang Amalek; ugma motindog ako sa tumoy sa bungtod, ug ang sungkod sa Dios ania sa akong kamot.

cebuano_ang_biblia_pinadayag@Exodus:17:10 @ Ug gibuhat ni Josue sumala sa giingon kaniya ni Moises, ug nakig-away kang Amalek; ug si Moises ug si Aaron ug si Hur nanungas sa tumoy sa bungtod.

cebuano_ang_biblia_pinadayag@Exodus:17:11 @ Ug nahatabo, nga sa gibayaw ni Moises ang iyang kamot, midaug ang Israel; apan sa gipaubos niya ang iyang kamot, midaug si Amalek.

cebuano_ang_biblia_pinadayag@Exodus:17:12 @ Apan ang mga kamot ni Moises nagmabug-at; ug mikuha sila ug usa ka bato, ug gibutang kini sa ilalum niya, ug milingkod siya sa ibabaw niini: ug gisangga ni Aaron ug ni Hur ang iyang mga kamot, ang usa sa usa ka luyo, ug ang usa didto sa pikas: ug ang iyang mga kamot milig-on hangtud nga misalop ang adlaw.

cebuano_ang_biblia_pinadayag@Exodus:17:13 @ Ug gilaglag ni Josue si Amalek ug ang iyang katawohan sa sulab sa pinuti.

cebuano_ang_biblia_pinadayag@Exodus:17:14 @ Ug si Jehova miingon kang Moises: Isulat kini nga usa ka handumanan diha sa usa ka basahon, ug sublion mo sa pagsaysay sa mga igdulungog ni Josue nga panason ko gayud ang handumanan ni Amalek sa ilalum sa langit.

cebuano_ang_biblia_pinadayag@Exodus:17:15 @ Ug si Moises nagpatindog ug usa ka halaran, ug iyang ginganlan kini Jehova-nissi:

cebuano_ang_biblia_pinadayag@Exodus:17:16 @ Ug miingon siya: Si Jehova nanumpa, si Jehova adunay pagpakig-away kang Amalek gikan sa kaliwatan ngadto sa kaliwatan.

cebuano_ang_biblia_pinadayag@Exodus:18:1 @ ¶ Karon si Jetro, ang sacerdote sa Madian, nga ugangan ni Moises, nakadungog mahatungod sa tanan nga mga butang nga gibuhat sa Dios kang Moises, ug sa Israel nga iyang katawohan, sa unsa nga ang pagkuha ni Jehova sa Israel gikan sa Egipto:

cebuano_ang_biblia_pinadayag@Exodus:18:2 @ Ug si Jetro, nga ugangan ni Moises mikuha kang Sepora, asawa ni Moises sa tapus niya pagikana siya,

cebuano_ang_biblia_pinadayag@Exodus:18:3 @ Ug ang iyang duruha ka mga anak nga lalake; nga ang usa gihinganlan si Gersom; kay miingon siya: Nag-lumalangyaw ako sa yuta nga dili kaugalingon:

cebuano_ang_biblia_pinadayag@Exodus:18:4 @ Ug ang ngalan sa usa mao si Elieser, kay miingon siya: Ang Dios sa akong amahan mao ang akong katabang, ug miluwas kanako gikan sa espada ni Faraon:

cebuano_ang_biblia_pinadayag@Exodus:18:5 @ Ug si Jetro nga ugangan ni Moises, uban sa iyang mga anak nga lalake ug sa iyang asawa midangat kang Moises sa kamingawan nga didto siya mohunong haduol sa bukid sa Dios.

cebuano_ang_biblia_pinadayag@Exodus:18:6 @ Ug miingon siya kang Moises: Ako ang imong ugangan nga si Jetro, mianhi kanimo, ug ang imong asawa, ug ang imong duruha ka mga anak nga lalake uban kaniya.

cebuano_ang_biblia_pinadayag@Exodus:18:7 @ ¶ Ug si Moises migula sa pagsugat sa iyang ugangan, ug miyukbo siya ug siya mihalok kaniya: ug nanagpinangutan-anay ang usa ug usa sa mga kaayohan nila ug misulod sila sa balong-balong.

cebuano_ang_biblia_pinadayag@Exodus:18:8 @ Ug gisugilon ni Moises sa iyang ugangan ang tanan nga mga butang nga gibuhat ni Jehova kang Faraon ug sa mga Egiptohanon tungod sa Israel, ug ang tanan nga kakulian nga ilang giagian sa dalan, ug giunsa ang pagluwas kanila ni Jehova.

cebuano_ang_biblia_pinadayag@Exodus:18:9 @ Ug nalipay si Jetro sa tanan nga kaayohan nga gibuhat ni Jehova sa Israel, nga iyang giluwas sila gikan sa kamot sa mga Egiptohanon.

cebuano_ang_biblia_pinadayag@Exodus:18:10 @ Ug si Jetro miingon: Bulahan si Jehova, nga nagluwas kaninyo gikan sa kamot sa mga Egiptohanon, ug gikan sa kamot ni Faraon; nga nagluwas sa katawohan gikan sa ilalum sa kamot sa mga Egiptohanon.

cebuano_ang_biblia_pinadayag@Exodus:18:11 @ Karon naila ko nga si Jehova labing daku kay sa tanan nga mga dios; oo, niadtong ilang pagpalabilabi batok kanila.

cebuano_ang_biblia_pinadayag@Exodus:18:12 @ Ug si Jetro nga ugangan ni Moises mikuha ug halad-nga-sinunog, ug mga halad alang sa Dios: ug mianha si Aaron ug ang tanan nga mga anciano sa Israel sa pagkaon ug tinapay uban sa ugangan ni Moises sa atubangan sa Dios.

cebuano_ang_biblia_pinadayag@Exodus:18:13 @ ¶ Ug nahatabo nga sa pagkaugma milingkod si Moises sa paghukom sa katawohan; ug ang katawohan mitindog nga nanag-alirong kang Moises gikan sa buntag hangtud sa hapon.

cebuano_ang_biblia_pinadayag@Exodus:18:14 @ Ug sa gitan-aw sa ugangan ni Moises ang tanan nga gibuhat niya sa katawohan, miingon siya: Unsa ba kini nga ginabuhat mo sa katawohan? Ngano nga nagalingkod ka nga ikaw lamang usa ra, ug ang tanan nga katawohan nanag-alirong kanimo gikan sa buntag hangtud sa hapon?

cebuano_ang_biblia_pinadayag@Exodus:18:15 @ Ug si Moises mitubag sa iyang ugangan: Kay ang katawohan moanhi kanako sa pagpangutana mahitungod sa Dios:

cebuano_ang_biblia_pinadayag@Exodus:18:16 @ Kong sila, adunay hulosayon, moanhi sila kanako ug ako magahukom sa taliwala sa usa ug usa, ug pahibaloon ko sila sa mga tulomanon sa Dios ug sa iyang mga kasugoan.

cebuano_ang_biblia_pinadayag@Exodus:18:17 @ Unya ang ugangan ni Moises miingon kaniya: Ang butang nga imong ginabuhat dili maayo.

cebuano_ang_biblia_pinadayag@Exodus:18:18 @ Sa pagkamatuod, abuton ka ug kaluya, ikaw ug kining katawohan nga uban kanimo, kay ang hulosayon mabug-at da kaayo alang kanimo; dili ka arang makahimo sa pagbuhat niini nga ikaw lamang usara.

cebuano_ang_biblia_pinadayag@Exodus:18:19 @ Patalinghugi karon ang akong tingog, pagatambagan ko ikaw ug ang Dios magauban unta kanimo: Tumindog ka alang sa katawohan sa atubangan sa Dios, ug itugyan mo ang mga hulosayon ngadto sa Dios.

cebuano_ang_biblia_pinadayag@Exodus:18:20 @ Ug igatudlo mo kanila ang mga tulomanon ug ang mga kasugoan, ug igapahayag kanila ang dalan nga angay nilang pagalaktan, ug ang bulohaton nga angay nilang pagabuhaton.

cebuano_ang_biblia_pinadayag@Exodus:18:21 @ Labut pa magaandam ka gikan sa tanan nga katawohan ug mga tawo nga may katakus, nga mahadlokon sa Dios, mga tawo sa kamatuoran, nga nagadumot sa ganancia nga dili-matarung; ug ibutang mo kini sila sa ibabaw nila, nga mga pangulo sa mga linibo, mga pangulo sa mga ginatus, mga pangulo sa mga tagkalim-an, ug mga pangulo sa tinagpulo:

cebuano_ang_biblia_pinadayag@Exodus:18:22 @ Ug sila ang pahukmon sa katawohan sa tanan nga panahon; ug himoon kini nga ang tanang hulosayon nga dagku pagadad-on nila kanimo, ug sila magahukom sa tanang hulosayon nga ginagmay. Niini mamasayon alang kanimo, ug magayayong sila sa uban kanimo.

cebuano_ang_biblia_pinadayag@Exodus:18:23 @ Kong pagabuhaton mo kining butanga, ug ang Dios magasugo kanimo niana, nan ikaw arang makalahutay ug ngatanan kini nga katawohan usab makapamauli sa ilang dapit nga may pakigdait.

cebuano_ang_biblia_pinadayag@Exodus:18:24 @ Busa si Moises nagpatalinghug sa tingog sa iyang ugangan, ug gihimo niya ang tanan nga iyang giingon kaniya.

cebuano_ang_biblia_pinadayag@Exodus:18:25 @ Ug nagpili si Moises ug mga tawo nga may katakus gikan sa tibook nga Israel, ug iyang gibutang sila sa pagkapangulo sa ibabaw sa katawohan, mga pangulo sa mga linibo, mga pangulo sa mga ginatus, mga pangulo sa mga tagkalim-an, ug mga pangulo sa tinagpulo.

cebuano_ang_biblia_pinadayag@Exodus:18:26 @ Ug sila nanaghukom sa katawohan sa tanan nga panahon: ang hulosayon nga malisud ginadala nila kang Moises, ug sila nanaghukom sa tanan nga hulosayon nga ginagmay.

cebuano_ang_biblia_pinadayag@Exodus:18:27 @ Ug gitugotan ni Moises ang iyang ugangan sa pagpauli, ug milakaw siya paingon sa iyang kaugalingong yuta.

Seeker Overlay: Off On

Bible:
Bible:
Book: