cebuano_ang_biblia_pinadayag Exodus:15:22-18 SEEK
Seeker Overlay ON
* ΒΆ
Ug ang Israel gihatud ni Moises gikan sa Dagat nga Mapula ,
ug milakaw sila padulong sa kamingawan sa Sur ;
ug nanglakaw sila ug totolo ka adlaw sa kamingawan ,
ug wala makakaplag ug tubig .
*
Ug sa pag-abut nila sa Mara ,
wala sila makahimo sa pag-inum sa mga tubig sa Mara kay kadto mga mapait ;
tungod niana gibutangan kini ug ngalan nga Mara .
*
Ug ang katawohan nanagbagulbol batok kang Moises ,
ug miingon :
Unsa ba ang atong pagaimnon ?
*
Ug si Moises mitu-aw kang Jehova ;
ug si Jehova nagpakita kaniya ug usa ka kahoy ,
ug gihulog niya kini sa mga tubig ,
ug ang mga tubig nahimong matam-is .
Didto sila gihatagan niya ug usa ka tulomanon ug usa ka sulondan ,
ug didto iyang gisulayan sila ;
*
Ug miingon siya :
Kong magpatalinghug ka sa masingkamuton gayud sa tingog ni Jehova nga imong Dios ,
ug magabuhat ka niadtong matarung sa iyang mga mata ,
ug magapatalinghug sa iyang mga sugo ,
ug magabantay sa tanan niya nga mga tulomanon ,
walay bisan unsang sakita sa mga gipadala ko sa mga Egiptohanon ,
nga igapadala ko kanimo ;
kay ako mao si Jehova nga magaayo kanimo .
*
Ug miabut sila sa Elim ,
nga didto may napulo ug duha ka tinubdan sa tubig ,
ug kapitoan ka palma ;
ug napahamutang sila didto sa haduol sa mga tubig .
![[pBiblx2]](/img/pbiblx2_logo3.png){kind=logo}