Genesis:25:19-27:40

cebuano_ang_biblia_pinadayag@Genesis:25:19 @ ¶ Ug kini mao ang mga kaliwatan ni Isaac nga anak ni Abraham. Si Abraham nanganak kang Isaac.

cebuano_ang_biblia_pinadayag@Genesis:25:20 @ Ug may panuigon si Isaac nga kap-atan ka tuig sa pagpangasawa niya kang Rebeca, nga anak ni Bethuel, nga Aramehanon sa Padan-aram nga igsoon nga babaye ni Laban, nga Aramehanon.

cebuano_ang_biblia_pinadayag@Genesis:25:21 @ Ug nangamuyo si Isaac kang Jehova alang sa iyang asawa, tungod kay siya apuli; ug miuyon si Jehova ug nanamkon si Rebeca nga iyang asawa.

cebuano_ang_biblia_pinadayag@Genesis:25:22 @ Ug ang mga anak nanagbusog diha sa sulod niya; ug miingon siya: Kong mao kini, ngano nga mabuhi pa ako? Ug siya miadto sa pagpangutana kang Jehova.

cebuano_ang_biblia_pinadayag@Genesis:25:23 @ Ug si Jehova mitubag kaniya: Adunay duruha ka nasud sa sulod nimo, ug ang duruha ka katawohan pagabahinon gikan sa sulod sa imong ginhawaan; ug ang usa ka katawohan labing malig-on kay sa usa ka katawohan, ug ang magulang magaalagad sa manghud.

cebuano_ang_biblia_pinadayag@Genesis:25:24 @ Ug sa natuman na ang iyang mga adlaw sa pag-anak, ania karon, dihay kaluha sa iyang taguangkan.

cebuano_ang_biblia_pinadayag@Genesis:25:25 @ Ug ang nahauna nga migula bulagaw, ug ang tibook nga balhiboon ingon sa usa ka bisti nga gisapawan ug balhibo; ug gihinganlan nila ang iyang ngalan si Esau.

cebuano_ang_biblia_pinadayag@Genesis:25:26 @ Ug sa ulahi migula ang iyang igsoon nga lalake, nga mikupot ang iyang kamot sa tikod ni Esau; ug gihinganlan ang iyang ngalan si Jacob. Ug si Isaac may panuigon nga kan-uman ka tuig sa iyang pag-anak kanila.

cebuano_ang_biblia_pinadayag@Genesis:25:27 @ Ug ang mga bata nanagtubo, ug si Esau nahimong batid sa pangayam, tawo sa kapatagan: apan si Jacob mao ang tawo nga hilumon nga nagpuyo sa mga balongbalong.

cebuano_ang_biblia_pinadayag@Genesis:25:28 @ Ug si Esau gihigugma ni Isaac, kay nakakaon siya sa iyang pinangayaman; apan si Rebeca nahigugma kang Jacob.

cebuano_ang_biblia_pinadayag@Genesis:25:29 @ ¶ Ug nagluto si Jacob ug sud-an nga sinabawan; ug mipauli si Esau gikan sa kapatagan ug gikapuyan siya:

cebuano_ang_biblia_pinadayag@Genesis:25:30 @ Ug si Esau miingon kang Jacob; Nangayo ako kanimo nga pakan-on mo ako nianang mapulapula nga linat-an, kay hilabihan nga pagkakapoy ko. Busa gihinganlan ang iyang ngalan si Edom.

cebuano_ang_biblia_pinadayag@Genesis:25:31 @ Ug si Jacob mitubag: Ibaligya mo una kanako niining adlawa ang imong pagkapanganay.

cebuano_ang_biblia_pinadayag@Genesis:25:32 @ Unya miingon si Esau: Tan-awa, himalatyon na ako: unsa man ang kapuslanan kanako sa akong pagkapanganay?

cebuano_ang_biblia_pinadayag@Genesis:25:33 @ Ug si Jacob miingon: Manumpa ka kanako niining adlawa. Ug siya nanumpa kaniya, ug gibaligya niya kang Jacob ang iyang pagkapanganay.

cebuano_ang_biblia_pinadayag@Genesis:25:34 @ Unya si Esau gihatagan ni Jacob sa tinapay ug sa linuto nga mga liso; ug siya mikaon ug miinum, ug mitindog ug milakaw. Niini gitamay ni Esau ang iyang pagkapanganay.

cebuano_ang_biblia_pinadayag@Genesis:26:1 @ ¶ Ug may gutom sa yuta, labut pa sa unang gutom sa mga adlaw ni Abraham; ug miadto si Isaac kang Abimelech nga hari sa mga Filistihanon sa Gerar.

cebuano_ang_biblia_pinadayag@Genesis:26:2 @ Ug mitungha kaniya si Jehova, ug siya miingon kaniya: Dili ka maglugsong ngadto sa Egipto: pumuyo ka sa yuta nga akong igaingon kanimo:

cebuano_ang_biblia_pinadayag@Genesis:26:3 @ Pumuyo ka niining yutaa, ug ako magauban kanimo, ug ikaw pagapanalanginan ko; kay kanimo ug sa imong kaliwatan, igahatag ko ngatanan kining mga yutaa, ug pagatukoron ko ang panumpa nga gipanumpaan ko kang Abraham nga imong amahan.

cebuano_ang_biblia_pinadayag@Genesis:26:4 @ Ug pagapadaghanon ko ang imong kaliwatan ingon sa mga bitoon sa langit, ug igahatag ko sa imong kaliwatan kining tanan nga mga yuta; ug ang tanang mga nasud sa yuta mapanalanginan diha sa imong kaliwat:

cebuano_ang_biblia_pinadayag@Genesis:26:5 @ Kay nagpatalinghug si Abraham sa akong tingog, ug gibantayan niya ang akong tulomanon, ang akong mga sugo, ang akong mga pamatasan, ug ang akong mga balaod.

cebuano_ang_biblia_pinadayag@Genesis:26:6 @ ¶ Busa, mipuyo si Isaac sa Gerar.

cebuano_ang_biblia_pinadayag@Genesis:26:7 @ Ug ang mga tawo niadtong dapita nanagpangutana kaniya mahatungod sa iyang asawa; ug siya mitubag: Siya akong igsoon nga babaye; kay nahadlok siya sa pag-ingon: Siya akong asawa; kay tingali,, patyon ako sa mga tawo niining dapita tungod kang Rebeca; kay maanyag siya nga pagatan-awon.

cebuano_ang_biblia_pinadayag@Genesis:26:8 @ Ug nahitabo nga, sa nagpuyo siya didto sa daghang mga adlaw, si Abimelech, nga hari sa mga Filistihanon, mitambo sa usa ka tamboanan, ug hingkit-an niya si Isaac nga naglingawlingaw uban kang Rebeca nga iyang asawa.

cebuano_ang_biblia_pinadayag@Genesis:26:9 @ Ug gitawag ni Abimelech si Isaac, ug miingon siya: Ania karon, siya mao, sa pagkamatuod, ang imong asawa busa, nganong miingon ka: Siya akong igsoon nga babaye? Ug si Isaac mitubag kaniya: Kay miingon ako, tingali ug mamatay ako tungod kaniya.

cebuano_ang_biblia_pinadayag@Genesis:26:10 @ Ug si Abimelech miingon: Unsa kining gibuhat mo kanamo? Ang usa sa mga tawo diriyut makatipon paghigda sa imong asawa, ug ikaw mao unta ang magadala ug sala sa ibabaw kanamo.

cebuano_ang_biblia_pinadayag@Genesis:26:11 @ Unya si Abimelech nagsugo sa tanan nga mga tawo nga nagaingon: Ang magatandog niining tawohana kun sa iyang asawa, sa pagkamatuod, pagapatyon siya.

cebuano_ang_biblia_pinadayag@Genesis:26:12 @ ¶ Ug nagpugas si Isaac niadtong yutaa, ug nakapanuig niadtong tuiga ug usa ka gatus ka pilo, kay siya gipanalanginan ni Jehova.

cebuano_ang_biblia_pinadayag@Genesis:26:13 @ Ug ang tawo midaku ug nagpadayon sa pagdaku hangtud nga siya nahimo nga labing daku gayud.

cebuano_ang_biblia_pinadayag@Genesis:26:14 @ Ug nakapanag-iya siya sa mga panon sa mga carnero, ug nakapanag-iya sa mga panon sa mga vaca, ug daku nga panimalay: Ug nangasina kaniya ang mga Filistihanon.

cebuano_ang_biblia_pinadayag@Genesis:26:15 @ Karon ang tanan nga mga atabay nga gipangalot sa mga binatonan sa iyang amahan nga si Abraham gipanabonan sa mga Filistihanon, ug kini gipanagpuno nila sa yuta.

cebuano_ang_biblia_pinadayag@Genesis:26:16 @ Ug miingon si Abimelech kang Isaac: Pahilayo ka kanamo; kay ikaw labi pa gayud nga gamhanan kay kanamo.

cebuano_ang_biblia_pinadayag@Genesis:26:17 @ Ug si Isaac mipahawa didto. Ug gipatindog niya ang iyang mga balongbalong sa walog sa Gerar, ug mipuyo didto.

cebuano_ang_biblia_pinadayag@Genesis:26:18 @ Ug gikalot pag-usab ni Isaac ang mga atabay sa tubig, nga ilang gikalot sa mga adlaw ni Abraham, nga iyang amahan; kay gitabonan sa mga Filistihanon sa tapus mamatay si Abraham. Ug kini gihinganlan niya ingon sa mga ngalan nga gibutang kanila sa iyang amahan.

cebuano_ang_biblia_pinadayag@Genesis:26:19 @ Ug ang mga binatonan ni Isaac nanagkalot didto sa walog, ug hingkaplagan nila didto ang usa ka atabay sa mga tubig nga nagatubod.

cebuano_ang_biblia_pinadayag@Genesis:26:20 @ Ug ang mga magbalantay sa kahayupan sa Gerar nanagpakig-away sa mga magbalantay sa kahayupan ni Isaac, nga nagaingon: Ang tubig amo man. Ug gihinganlan ang atabay Esek, kay sila nakig-away kaniya.

cebuano_ang_biblia_pinadayag@Genesis:26:21 @ Ug nagkalot na usab sila ug lain nga atabay, ug nakig-away usab sila tungod niini; ug kini gihinganlan niya Sitnah.

cebuano_ang_biblia_pinadayag@Genesis:26:22 @ Ug mipahawa siya didto, ug mikalot ug laing atabay; ug alang niana wala na sila makig-away; ug kini gihinganlan niya Rehoboth, ug miingon siya: Sanglit karon si Jehova mihatag ug dapit alang kanato ug magadaghan kita sa yuta.

cebuano_ang_biblia_pinadayag@Genesis:26:23 @ Ug siya mitungas gikan didto padulong sa Beer-seba.

cebuano_ang_biblia_pinadayag@Genesis:26:24 @ Ug mitungha kaniya ang Ginoo niadtong gabhiona, ug miingon: Ako mao ang Dios ni Abraham, nga imong amahan; dili ka mahadlok kay ako magauban kanimo ug ikaw pagapanalanginan ko, ug pagapadaghanon ko ang imong kaliwatan tungod kang Abraham nga akong ulipon.

cebuano_ang_biblia_pinadayag@Genesis:26:25 @ Ug si Isaac mipatindog didto ug usa ka halaran, ug nangaliya siya sa ngalan ni Jehova; ug gipatindog niya didto ang iyang balongbalong; ug ang mga binatonan ni Isaac nagkalot ug usa ka atabay.

cebuano_ang_biblia_pinadayag@Genesis:26:26 @ ¶ Unya si Abimelech miadto kaniya gikan sa Gerar ug si Ahussath, nga abyan niya, ug si Pichol, nga capitan sa iyang kasundalohan.

cebuano_ang_biblia_pinadayag@Genesis:26:27 @ Ug miingon kanila si Isaac: Nganong mianhi kamo kanako, sa nakita nga kamo nagadumot kanako, nga gisalikway man gani ninyo ako sa halayo kaninyo?

cebuano_ang_biblia_pinadayag@Genesis:26:28 @ Ug sila mingtubag: Nakita namo sa dayag gayud nga si Jehova nag-uban kanimo ug nanag-ingon kami: Himoon ang usa ka panumpa sa taliwala kanato, bisan sa taliwala kanamo ug kanimo, ug magapakigsaad kami kanimo;

cebuano_ang_biblia_pinadayag@Genesis:26:29 @ Aron dili ka magabuhat ug dautan alang kanamo, maingon nga kami wala magatandog kanimo, ug ingon nga kaming tanan nagbuhat ug maayo alang kanimo, ug ikaw gipagikan namo sa pakigdait; ikaw karon mao ang gibulahan ni Jehova.

cebuano_ang_biblia_pinadayag@Genesis:26:30 @ Ug siya nagbuhat ug kombira alang kanila, ug nangaon sila ug nanginum;

cebuano_ang_biblia_pinadayag@Genesis:26:31 @ Ug mingbangon sila sa kaadlawon, ug nanagpanumpa sila ang usa sa usa; ug gipagikan sila ni Isaac, ug sila nanglakat gikan kaniya sa pakigdait.

cebuano_ang_biblia_pinadayag@Genesis:26:32 @ Ug niadtong adlawa gayud nahitabo nga miabut ang mga sulogoon ni Isaac, ug nanagsugilon kaniya mahatungod sa atabay nga ilang gikalot ug sila nanag-ingon kaniya: Ang tubig hingkaplagan namo.

cebuano_ang_biblia_pinadayag@Genesis:26:33 @ Ug kini gihinganlan niya ug Seba: tungod niini, ang ngalan niadtong lungsora Beer-seba hangtud niining adlawa.

cebuano_ang_biblia_pinadayag@Genesis:26:34 @ ¶ Ug sa may panuigon na si Esau nga kap-atan ka tuig nangasawa siya kang Judith, anak nga babaye ni Beeri, nga Hetehanon, ug kang Basemat, anak nga babaye ni Elon, nga Hetehanon.

cebuano_ang_biblia_pinadayag@Genesis:26:35 @ Ug kini sila mao ang kapaitan sa kalag alang kang Isaac ug kang Rebeca.

cebuano_ang_biblia_pinadayag@Genesis:27:1 @ ¶ Ug nahitabo nga sa natigulang na si Isaac, ug ang iyang mga mata midulom, sa pagkaagi nga siya nawad-an na sa panan-aw, gitawag niya si Esau, nga iyang anak nga magulang, ug siya miingon kaniya: Anak ko; ug siya mitubag: Ania ako.

cebuano_ang_biblia_pinadayag@Genesis:27:2 @ Ug miingon siya: Tan-awa karon, ako tigulang na, ako wala mahibalo sa adlaw sa akong kamatayon:

cebuano_ang_biblia_pinadayag@Genesis:27:3 @ Busa karon, ako nangamuyo kanimo, kuhaa ang imong mga hinagiban, ang imong baslayan ug ang imong pana, ug lumakaw ka sa kapatagan ug ipangayam mo ako.

cebuano_ang_biblia_pinadayag@Genesis:27:4 @ Ug buhatan mo ako ug makaon nga lamian, ingon sa akong higugmaan ug dad-on mo nganhi kanako, ug mokaon ako aron panalanginan ka sa akong kalag, sa dili pa mamatay ako.

cebuano_ang_biblia_pinadayag@Genesis:27:5 @ Ug si Rebeca nagpatalinghug, sa pagsulti ni Isaac kang Esau, nga iyang anak; ug milakaw si Esau sa kapatagan sa pagkuha ug inayaman nga iyang pagadad-on.

cebuano_ang_biblia_pinadayag@Genesis:27:6 @ ¶ Ug si Rebeca nagsulti kang Jacob nga iyang anak, nga nagaingon: Ania karon hingdunggan ko sa imong amahan nga nagasulti kang Esau nga imong igsoon nga nagaingon:

cebuano_ang_biblia_pinadayag@Genesis:27:7 @ Dad-an mo ako nganhi ug inayaman, ug ibuhat ako ug makaon nga lamian aron makakaon ako, ug panalanginan ikaw sa atubangan ni Jehova sa dili pa mamatay ako.

cebuano_ang_biblia_pinadayag@Genesis:27:8 @ Busa karon, anak ko, tumana ang akong tingog sumala sa akong isugo kanimo:

cebuano_ang_biblia_pinadayag@Genesis:27:9 @ Umadto ka karon sa panon, ug gikan didto dad-an mo ako ug duruha ka book nga mga maayong kanding nga gagmay nga lake, ug sila pagabuhaton ko ug mga sud-an nga lamian alang sa imong amahan, ingon sa iyang higugmaan.

cebuano_ang_biblia_pinadayag@Genesis:27:10 @ Ug dad-on mo kini sa imong amahan, aron mokaon siya, sa ingon niana ikaw panalanginan niya sa dili pa mamatay siya.

cebuano_ang_biblia_pinadayag@Genesis:27:11 @ Ug si Jacob miingon kang Rebeca nga iyang inahan: Ania karon, si Esau nga akong igsoon, balhiboon man nga pagkatawo, ug ako hanglas nga pagkatawo:

cebuano_ang_biblia_pinadayag@Genesis:27:12 @ Tingali unya hikapon ako sa akong amahan, ug ako pagadahumon niya nga malimbongon, ug modangat kanako ang tunglo, ug dili ang panalangin.

cebuano_ang_biblia_pinadayag@Genesis:27:13 @ Ug ang iyang inahan miingon kaniya: Anak ko, kanako mahulog ang tunglo kanimo; magtuman ka lamang sa akong tingog, ug lumakaw ka, ug kini dad-on mo nganhi kanako.

cebuano_ang_biblia_pinadayag@Genesis:27:14 @ Ug siya milakaw, ug mikuha, ug gidala niya kini ngadto sa iyang nahan; ug ang iyang inahan nagbuhat ug makaon nga lamian ingon sa higugmaan sa iyang amahan.

cebuano_ang_biblia_pinadayag@Genesis:27:15 @ Ug si Rebeca mikuha sa mga maayong bisti ni Esau nga anak niya nga kamagulangan, nga didto uban kaniya sa iyang balay, ug gibisti niya kang Jacob nga iyang anak nga kamanghuran.

cebuano_ang_biblia_pinadayag@Genesis:27:16 @ Ug siya gisul-oban sa ibabaw sa iyang mga kamot sa mga panit sa mga nati nga kanding; ug sa ibabaw sa tingkoy diin walay buhok.

cebuano_ang_biblia_pinadayag@Genesis:27:17 @ Ug iyang gihatag ang makaon nga lamian ug ang tinapay nga gihikay niya, sa kamot ni Jacob nga iyang anak.

cebuano_ang_biblia_pinadayag@Genesis:27:18 @ ¶ Ug siya miadto sa iyang amahan, ug miingon siya: Amahan ko; ug siya mitubag: Ania ako; kinsa ba ikaw, anak ko?

cebuano_ang_biblia_pinadayag@Genesis:27:19 @ Ug si Jacob miingon sa iyang amahan: Ako si Esau nga imong panganay; gibuhat ko ang sumala sa gisugo mo kanako; bumangon ka karon, nangamuyo ako, lumingkod ka, ug kumaon sa akong inayaman, aron panalanginan mo ako sa imong kalag.

cebuano_ang_biblia_pinadayag@Genesis:27:20 @ Ug si Isaac miingon sa iyang anak: Naunsa nga nakakaplag man ikaw niana sa madali, anak ko? Ug siya mitubag: Kay si Jehova nga imong Dios naghatag niini kanako sa madali.

cebuano_ang_biblia_pinadayag@Genesis:27:21 @ Ug si Isaac miingon kang Jacob: Dumuol ka karon, nangamuyo ako kanimo, aron ikaw hikapon ko, anak ko, kong ikaw mao ba gayud ang akong anak nga si Esau o dili ba.

cebuano_ang_biblia_pinadayag@Genesis:27:22 @ Ug miduol si Jacob sa iyang amahan nga si Isaac; ug iyang gihikap siya, ug miingon siya: Ang tingog mao ang tingog ni Jacob, apan ang mga kamot mao ang mga kamot ni Esau.

cebuano_ang_biblia_pinadayag@Genesis:27:23 @ Ug siya wala makaila kaniya; kay ang iyang mga kamot balhiboon man sama sa mga kamot ni Esau: Ug iyang gipanalanginan siya.

cebuano_ang_biblia_pinadayag@Genesis:27:24 @ Ug miingon siya: Ikaw ba ang akong anak nga si Esau? Ug siya mitubag: Ako man.

cebuano_ang_biblia_pinadayag@Genesis:27:25 @ Ug miingon siya: Ipaduol kana kanako, mokaon ako sa inayaman sa akong anak, aron magapanalangin kanimo ang akong kalag. Ug ang iyang gipaduol ug mikaon siya; iyang gidad-an usab siya ug vino, ug miinum siya.

cebuano_ang_biblia_pinadayag@Genesis:27:26 @ Ug miingon kaniya si Isaac nga iyang amahan: Dumuol ka karon, ug halokan mo ako, anak ko.

cebuano_ang_biblia_pinadayag@Genesis:27:27 @ Ug siya miduol, ug iyang gihalokan siya; ug nakapanimaho si Isaac sa baho sa iyang mga bisti, ug iyang gipanalanginan siya, ug miingon siya: Tan-awa, ang baho sa akong anak. Ingon sa baho sa kapatagan nga gipanalanginan ni Jehova:

cebuano_ang_biblia_pinadayag@Genesis:27:28 @ Ug, pagahatagan ka sa Dios sa tun-og gikan sa langit. Ug sa mga kinatambokan sa yuta, Ug sa kadagaya sa trigo ug sa duga sa parras:

cebuano_ang_biblia_pinadayag@Genesis:27:29 @ Magaalagad kanimo ang mga katawohan; Ug ang mga nasud managyukbo kanimo: Magaginoo ikaw sa imong mga igsoon, Ug managyukbo kanimo ang mga anak sa imong inahan: Mga tinunglo ang mga magatunglo kanimo, Ug pagabulahanon ang mga nagapanalangin kanimo.

cebuano_ang_biblia_pinadayag@Genesis:27:30 @ ¶ Ug nahitabo nga sa human si Isaac makapanalangin kang Jacob, ug halus ngani makapahawa si Jacob sa atubangan ni Isaac nga iyang amahan, miabut na si Esau nga iyang igsoon gikan sa iyang pagpangayam.

cebuano_ang_biblia_pinadayag@Genesis:27:31 @ Ug siya mibuhat usab ug makaon nga lamian ug iyang gidala sa iyang amahan, ug siya miingon kaniya: Bumangon ka, amahan ko, ug kumaon ka sa inayaman sa imong anak, aron ang imong kalag magapanalangin kanako.

cebuano_ang_biblia_pinadayag@Genesis:27:32 @ Ug si Isaac nga iyang amahan miingon kaniya: Kinsa ba ikaw? Ug siya mitubag: Ako mao ang imong anak, ang imong panganay, nga si Esau.

cebuano_ang_biblia_pinadayag@Genesis:27:33 @ Ug mikurog si Isaac sa hilabihan gayud, ug miingon: Kinsa man diay ang mianhi dinhi, nga mikuha ug inayaman, ug gidala dinhi kanako, ug mikaon ako sa tanan sa wala pa ikaw moabut? Ug siya gipanalanginan ko? Oo, mahimong bulahan siya.

cebuano_ang_biblia_pinadayag@Genesis:27:34 @ Sa pagkadungog ni Esau sa mga pulong sa iyang amahan, mitu-aw siya sa hilabihang kadaku ug pagkapait nga pagtu-aw, ug miingon sa iyang amahan: Panalanginan mo usab ako, Oh amahan ko.

cebuano_ang_biblia_pinadayag@Genesis:27:35 @ Ug siya miingon: Mianhi ang imong igsoon nga adunay limbong, ug mikuha sa imong panalangin.

cebuano_ang_biblia_pinadayag@Genesis:27:36 @ Ug siya miingon: Dili ba maayo nga siya gihinganlan Jacob? kay gilimbongan na niya ako sa nakaduha; gikuha na niya ang akong pagkapanganay; ug, tan-awa, karon gikuha na usab niya ang akong panalangin. Ug miingon siya: Wala ba ikaw magtago ug panalangin alang kanako?

cebuano_ang_biblia_pinadayag@Genesis:27:37 @ Si Isaac mitubag ug miingon kang Esau: Ania karon, gibutang ko siya sa pagkaginoo mo, ug akong gihatag kaniya ang tanan nga iyang mga igsoon nga mga ulipon niya; sa trigo ug sa bag-ong vino nga akong gitagana kaniya. Busa, unsa ang mahimo ko karon kanimo, anak ko?

cebuano_ang_biblia_pinadayag@Genesis:27:38 @ Ug si Esau mitubag sa iyang amahan: Usa ra ba gayud ang imong panalangin, amahan ko? Panalangini ako bisan ako usab, amahan ko. Ug gipatugbaw ni Esau ang iyang tingog ug mihilak siya.

cebuano_ang_biblia_pinadayag@Genesis:27:39 @ Ug si Isaac nga iyang amahan nagsulti, ug miingon kaniya: Ania karon, ang imong puloy-anan atua sa kinatambokan sa yuta, Ug sa tun-og sa mga langit gikan sa itaas;

cebuano_ang_biblia_pinadayag@Genesis:27:40 @ Ug pinaagi sa imong pinuti magakinabuhi ka, ug sa imong igsoon magaalagad ikaw: Ug mahitabo nga sa makagawas ikaw, Nga pagatangtangon mo ang iyang yugo sa imong liog.

Seeker Overlay: Off On

Bible:
Bible:
Book: