cebuano_ang_biblia_pinadayag Genesis:29-30

cebuano_ang_biblia_pinadayag@Genesis:29:1 @ ¶ Ug si Jacob mipadayon sa iyang paglakat, ug miabut sa yuta sa mga anak sa silangan.

cebuano_ang_biblia_pinadayag@Genesis:29:2 @ Ug mitan-aw siya, ug ania karon, ang usa ka atabay diha sa kapatagan, ug tan-awa, ang totolo ka panon sa mga carnero nga nanglubog duol niini; kay kining atabaya mao ang giimnan sa mga panon: ug usa ka dakung bato didto sa baba sa atabay.

cebuano_ang_biblia_pinadayag@Genesis:29:3 @ Ug didto gitigum ang tanang mga panon: ug giligid nila ang bato gikan sa baba sa atabay, ug gipainum nila ang mga carnero, ug giuli nila sa iyang dapit ang bato sa ibabaw sa baba sa atabay.

cebuano_ang_biblia_pinadayag@Genesis:29:4 @ Ug si Jacob miingon kanila: Mga igsoon ko, taga-diin ba kamo? Ug mitubag sila: Taga-Haran kami.

cebuano_ang_biblia_pinadayag@Genesis:29:5 @ Ug siya miingon kanila: Naila ba ninyo si Laban, anak ni Nachor? Ug miingon sila: Kami nakaila kaniya.

cebuano_ang_biblia_pinadayag@Genesis:29:6 @ Ug siya miingon kanila: Maayo ba siya? Ug sila ming-ingon: Maayo man; ug, ania karon, si Raquel iyang anak nga babaye nagapaingon nganhi uban sa mga carnero.

cebuano_ang_biblia_pinadayag@Genesis:29:7 @ Ug miingon siya: Tan-awa, hataas pa ang adlaw, ug dili pa panahon sa pagpatigum sa kahayupan; paimna ninyo ang mga carnero, ug lumakaw, ug pasibsiba sila.

cebuano_ang_biblia_pinadayag@Genesis:29:8 @ Ug miingon sila: Dili kami makahimo hangtud nga ang tanan nga mga panon matigum, ug ilang maligid ang bato gikan sa ibabaw sa baba sa atabay; unya kami magpainum sa mga carnero.

cebuano_ang_biblia_pinadayag@Genesis:29:9 @ ¶ Samtang nagsulti pa siya kanila, miabut si Raquel uban ang mga carnero sa iyang amahan; kay siya mao ang magbalantay niini.

cebuano_ang_biblia_pinadayag@Genesis:29:10 @ Ug nahitabo nga sa nakita ni Jacob si Raquel anak nga babaye ni Laban nga igsoon sa iyang inahan, ug ang mga carnero ni Laban nga igsoon nga lalake sa iyang inahan, nga miduol si Jacob, ug giligid niya ang bato gikan sa baba sa atabay, ug gipainum niya ang panon ni Laban, igsoon nga lalake sa iyang inahan.

cebuano_ang_biblia_pinadayag@Genesis:29:11 @ Ug si Jacob mihalok kang Raquel, ug gipatugbaw niya ang iyang tingog, ug mihilak.

cebuano_ang_biblia_pinadayag@Genesis:29:12 @ Ug si Jacob miingon kang Raquel nga siya mao ang igsoon sa iyang amahan, ug siya mao ang anak nga lalake ni Rebeca: ug midalagan siya ug misugilon sa iyang amahan.

cebuano_ang_biblia_pinadayag@Genesis:29:13 @ Ug nahitabo nga sa pagkadungog ni Laban sa balita mahitungod kang Jacob, ang anak nga lalake sa iyang igsoon nga babaye, midalagan siya pagsugat kaniya, ug siya gigakus niya, ug gihagkan niya, ug gidala niya sa iyang balay. Ug misugilon siya kang Laban sa tanan niining mga butanga.

cebuano_ang_biblia_pinadayag@Genesis:29:14 @ Ug si Laban miingon kaniya: Sa pagkamatuod, ikaw sa akong bukog ug sa akong unod. Ug mipuyo siya uban kaniya sa usa ka bulan.

cebuano_ang_biblia_pinadayag@Genesis:29:15 @ ¶ Ug si Laban miingon kang Jacob: Tungod kay ikaw akong igsoon, angay na diay nga ikaw magaalagad kanako nga walay bayad? Umingon ka kanako, pila ba ang imong isuhol?

cebuano_ang_biblia_pinadayag@Genesis:29:16 @ Ug si Laban adunay duha ka anak nga babaye: ang ngalan sa magulang mao si Lea, ug ang ngalan sa manghud mao si Raquel.

cebuano_ang_biblia_pinadayag@Genesis:29:17 @ Ug ang mga mata ni Lea malomo man; apan si Raquel maanyag ug madanihon.

cebuano_ang_biblia_pinadayag@Genesis:29:18 @ Ug si Raquel gihigugma ni Jacob; ug miingon siya: Sa pito ka tuig ako magaalagad kanimo tungod kang Raquel nga imong kamanghuran.

cebuano_ang_biblia_pinadayag@Genesis:29:19 @ Ug miingon si Laban: Labi pa nga maayo nga siya ihatag ko kanimo kay sa akong ihatag siya sa laing tawo: pumuyo ka uban kanako.

cebuano_ang_biblia_pinadayag@Genesis:29:20 @ Ug nagaalagad si Jacob ug pito ka tuig tungod kang Raquel, ug kini ingon lamang sa pipila ka adlaw tungod sa iyang gugma alang kaniya.

cebuano_ang_biblia_pinadayag@Genesis:29:21 @ Ug si Jacob miingon kang Laban: Ihatag kanako ang akong asawa, kay natuman na ang akong mga adlaw, nga ako makapuyo uban kaniya.

cebuano_ang_biblia_pinadayag@Genesis:29:22 @ Ug si Laban nagpatigum sa tanang mga tawo niadtong dapita ug gibuhat niya ang usa ka kombira.

cebuano_ang_biblia_pinadayag@Genesis:29:23 @ Ug nahitabo nga sa pagkagabii, iyang gikuha si Lea, nga iyang anak nga babaye, ug iyang gidala ngadto kaniya: ug siya miduol kang.

cebuano_ang_biblia_pinadayag@Genesis:29:24 @ Ug gihatag ni Laban ang iyang ulipon nga babaye, si Silpa, kang Lea nga iyang anak, ingon nga iyang sulogoon nga babaye.

cebuano_ang_biblia_pinadayag@Genesis:29:25 @ Ug sa pagkabuntag na, tan-awa, si Lea man diay; ug miingon siya kang Laban: Unsa kini nga imong gibuhat kanako? Wala ba ako magaalagad kanimo tungod kang Raquel? Ngano man nga gilimbongan mo ako?

cebuano_ang_biblia_pinadayag@Genesis:29:26 @ Ug si Laban mitubag: Dili batasan namo ang paghatag sa manghud sa dili pa ang magulang.

cebuano_ang_biblia_pinadayag@Genesis:29:27 @ Tumanon mo ang semana niining usa, ug igahatag namo kanimo usab ang usa tungod sa imong pag-alagad kanako ug pito pa ka tuig.

cebuano_ang_biblia_pinadayag@Genesis:29:28 @ Ug gibuhat ni Jacob sa ingon niini, ug gituman ang iyang semana ug iyang gihatag kaniya si Raquel nga iyang anak ingon nga iyang asawa.

cebuano_ang_biblia_pinadayag@Genesis:29:29 @ Ug gihatag ni Laban kang Raquel nga iyang anak nga babaye si Bilha nga iyang ulipon ingon nga iyang sulogoon nga babaye.

cebuano_ang_biblia_pinadayag@Genesis:29:30 @ Ug siya miduol pag-usab kang Raquel, ug gihigugma niya si Raquel labi pa kay kang Lea, ug nag-alagad pa gayud kaniya ug pito pa ka tuig.

cebuano_ang_biblia_pinadayag@Genesis:29:31 @ ¶ Ug nakita ni Jehova nga gidumtan si Lea, ug giablihan niya ang iyang taguangkan: apan si Raquel apuli man.

cebuano_ang_biblia_pinadayag@Genesis:29:32 @ Ug nanamkon si Lea ug nag-anak siya ug usa ka anak nga lalake, ug iyang gihinganlan ang iyang ngalan si Ruben: kay miingon siya: Natan-aw na ni Jehova ang akong kasakit; karon tungod niini mahigugma kanako ang akong bana.

cebuano_ang_biblia_pinadayag@Genesis:29:33 @ Ug nanamkon siya pag-usab, ug nag-anak siya ug usa ka anak nga lalake, ug miingon siya: Kay gipatalinghugan ni Jehova nga ako gidumtan, mao nga iyang gihatag kini kanako. Ug gihinganlan ang iyang ngalan si Simeon.

cebuano_ang_biblia_pinadayag@Genesis:29:34 @ Ug nanamkon siya pag-usab, ug nag-anak ug usa ka anak nga lalake, ug miingon: Karon moipon na ang akong bana kanako, kay giangkan ko siya ug totolo ka mga anak nga lalake, tungod niini gihinganlan ang iyang ngalan si Levi.

cebuano_ang_biblia_pinadayag@Genesis:29:35 @ Ug nanamkon siya pag-usab, ug nag-anak siya ug usa ka anak nga lalake, ug miingon siya: Karon magadayeg ako kang Jehova. Tungod niini, gihinganlan ang iyang ngalan si Juda; ug mihunong siya sa pagpanganak.

cebuano_ang_biblia_pinadayag@Genesis:30:1 @ ¶ Ug sa pagtan-aw ni Raquel nga siya wala makahatag ug mga anak kang Jacob, nasina siya sa iyang igsoon nga babaye, ug miingon siya kang Jacob: Hatagi ako ug mga anak, kay kondili, mamatay ako.

cebuano_ang_biblia_pinadayag@Genesis:30:2 @ Ug si Jacob nasuko batok kang Raquel, ug miingon siya: Ilis ba ako sa Dios nga nagtungina gikan kanimo sa bunga sa imong tiyan?

cebuano_ang_biblia_pinadayag@Genesis:30:3 @ Ug siya miingon: Ania karon, ang akong ulipon nga babaye nga si Bilha; iponan mo sa paghigda siya, aron magaanak siya sa ibabaw sa akong mga tuhod, ug ako makabaton usab ug mga anak gikan kaniya.

cebuano_ang_biblia_pinadayag@Genesis:30:4 @ Ug iyang gihatag kaniya si Bilha nga iyang ulipon aron maasawa, ug si Jacob mitipon sa paghigda kaniya.

cebuano_ang_biblia_pinadayag@Genesis:30:5 @ Ug nanamkon si Bilha, ug nag-anak kang Jacob ug usa ka anak nga lalake.

cebuano_ang_biblia_pinadayag@Genesis:30:6 @ Ug miingon si Raquel: Gihukman ako sa Dios, ug gipatalinghugan usab niya ang akong tingog ug gihatagan ug usa ka anak nga lalake. Tungod niini gihinganlan ang iyang ngalan si Daniel.

cebuano_ang_biblia_pinadayag@Genesis:30:7 @ Ug nanamkon pag-usab si Bilha, ang ulipon ni Raquel, ug nag-anak siya sa ikaduha ka anak nga lalake kang Jacob.

cebuano_ang_biblia_pinadayag@Genesis:30:8 @ Ug miingon si Raquel: Sa pagpakiglayog nga hilabihan nagpakiglayog ako sa akong igsoon nga babaye, ug nakadaug. Ug gihinganlan ang iyang ngalan si Neptali.

cebuano_ang_biblia_pinadayag@Genesis:30:9 @ Ug sa pagtan-aw ni Lea nga mihunong na siya sa pagpanganak, iyang gikuha si Silpa nga iyang ulipon nga babaye, ug iyang gipaasawa siya kang Jacob.

cebuano_ang_biblia_pinadayag@Genesis:30:10 @ Ug si Silpa, nga ulipon ni Lea, nag-anak kang Jacob ug usa ka anak nga lalake.

cebuano_ang_biblia_pinadayag@Genesis:30:11 @ Ug miingon si Lea: Palaran! Ug gihinganlan ang iyang ngalan si Gad.

cebuano_ang_biblia_pinadayag@Genesis:30:12 @ Ug si Silpa ulipon nga babaye ni Lea, nag-anak ug usa usab ka anak nga lalake kang Jacob.

cebuano_ang_biblia_pinadayag@Genesis:30:13 @ Ug miingon si Lea: Malipayon ako! kay ang mga babaye magaingon kanako nga bulahan ako. Ug gihinganlan ang iyang ngalan si Aser.

cebuano_ang_biblia_pinadayag@Genesis:30:14 @ ¶ Ug miadto si Ruben sa panahon sa ting-ani sa trigo, ug nakakaplag siya ug mga mandragora sa kapatagan, ug iyang gidala kini kang Lea nga iyang inahan. Unya miingon si Raquel kang Lea: Hatagi ako, nagapakilooy ako kanimo, sa mga mandragora sa imong anak nga lalake.

cebuano_ang_biblia_pinadayag@Genesis:30:15 @ Ug siya mitubag kaniya: Diyutay da bang butanga ang pagkuha mo sa akong bana? ug unya kuhaon mo usab ang mga mandragora sa akong anak? Ug miingon si Raquel: Busa makahigda siya uban kanimo karong gabii tungod sa mga mandragora sa imong anak.

cebuano_ang_biblia_pinadayag@Genesis:30:16 @ Ug mipauli si Jacob gikan sa kapatagan sa pagkahapon, ug migula si Lea sa pagsugat kaniya, ug miingon kaniya: Iponi ako sa paghigda, kay sa pagkamatuod gisuholan ko ikaw sa mga mandragora sa akong anak. Ug siya mitipon sa paghigda kaniya niadtong gabhiona.

cebuano_ang_biblia_pinadayag@Genesis:30:17 @ Ug ang Dios nagpatalinghug kang Lea. Ug nanamkon siya, ug gianak niya kang Jacob ang ikalima ka anak nga lalake.

cebuano_ang_biblia_pinadayag@Genesis:30:18 @ Ug miingon si Lea: Ang Dios naghatag kanako sa akong balus, kay gihatag ko ang akong ulipon nga babaye sa akong bana. Tungod niana gihinganlan ang iyang ngalan si Isakar.

cebuano_ang_biblia_pinadayag@Genesis:30:19 @ Ug nanamkon si Lea pag-usab, ug gianak niya kang Jacob ang ikaunom ka anak nga lalake.

cebuano_ang_biblia_pinadayag@Genesis:30:20 @ Ug miingon si Lea: Ang Dios naghatag kanako ug usa ka maayong bugay; karon motipon kanako ang akong bana kay giangkan ko siya ug unom ka anak nga lalake. Ug gihinganlan niya ang iyang ngalan si Sabulon.

cebuano_ang_biblia_pinadayag@Genesis:30:21 @ Ug sa ulahi nag-anak siya ug usa ka anak nga babaye, ug gihinganlan ang iyang ngalan si Dina.

cebuano_ang_biblia_pinadayag@Genesis:30:22 @ Ug nahanumdum ang Dios kang Raquel, ug iyang gipatalinghugan siya, ug iyang giablihan ang iyang taguangkan;

cebuano_ang_biblia_pinadayag@Genesis:30:23 @ Ug nanamkon siya, ug nanganak siya ug usa ka anak nga lalake: ug miingon siya: Gikuha sa Dios ang akong kaulaw.

cebuano_ang_biblia_pinadayag@Genesis:30:24 @ Ug gihinganlan niya ang iyang ngalan si Jose, ug nagaingon siya: Si Jehova magadugang kanako ug usa pa ka anak nga lalake.

cebuano_ang_biblia_pinadayag@Genesis:30:25 @ ¶ Ug nahitabo nga sa pag-anak ni Raquel kang Jose, nga si Jacob miingon kang Laban: Papahawaa ako aron ako moadto sa akong kaugalingong pinuy-anan ug sa akong yuta.

cebuano_ang_biblia_pinadayag@Genesis:30:26 @ Ihatag kanako ang akong mga asawa ug ang akong mga anak, nga tungod kanila nag-alagad ako kanimo, ug tugoti ako sa paglakaw; kay ikaw nahibalo sa mga pag-alagad nga gialagad ko kanimo.

cebuano_ang_biblia_pinadayag@Genesis:30:27 @ Ug si Laban mitubag kaniya: Kong nakakaplag ako karon ug kalooy sa imong mga mata, hingmatngonan ko nga gipanalanginan ako ni Jehova tungod kanimo.

cebuano_ang_biblia_pinadayag@Genesis:30:28 @ Ug miingon siya: Itagal mo kanako ang suhol mo, ug ihatag ko.

cebuano_ang_biblia_pinadayag@Genesis:30:29 @ Ug siya mitubag kaniya: Ikaw nahibalo kong unsa ang pag-alagad ko kanimo, ug kong unsay kahimtang sa imong kahayupan nga diri kanako.

cebuano_ang_biblia_pinadayag@Genesis:30:30 @ Kay diriyut pa ang imo, sa wala pa ako mahaanhi, ug misanay sa daku nga panon; ug gipanalanginan ka ni Jehova sa bisan diin ako moadto, ug karon kanus-a man ako magatagana alang usab sa akong kaugalingon nga panimalay?

cebuano_ang_biblia_pinadayag@Genesis:30:31 @ Ug siya miingon: Unsa bay igahatag ko kanimo? Ug mitubag si Jacob: Dili ka maghatag kanako ug bisan unsa; kong buhaton mo kini alang kanako, magabalik ako sa pagpasibsib sa imong mga carnero.

cebuano_ang_biblia_pinadayag@Genesis:30:32 @ Moadto ako karon sa tanan mong panon sa mga carnero, nga magalain ako sa tanang kahayupan nga kabang ug sa lain nga bulok, ug sa tanang kahayupan sa bulok nga maitum-itum sa taliwala sa mga carnero, ug sa mga kabang ug sa lain nga bulok sa taliwala sa mga kanding ug gikan niini mao ang akong suhol.

cebuano_ang_biblia_pinadayag@Genesis:30:33 @ Niini magatubag alang kanako ang akong pagkamatarung sa panahon nga moabut kanako ang suhol ko sa atubangan mo: ang tanan nga dili binugkan ni kabang sa mga kanding, ug sa bulok nga maitum-itum sa mga carnero, nga hikaplagan mo kanako pagaisipon nga kinawat nako.

cebuano_ang_biblia_pinadayag@Genesis:30:34 @ Ug miingon si Laban: Tan-awa, matuman unta sumala sa imong gipamulong.

cebuano_ang_biblia_pinadayag@Genesis:30:35 @ Ug gilain niya niadtong adlawa ang mga lake nga kanding nga binugkan, ug mga kabang, ug ang tanang mga kanding nga baye nga kabang ug sa lain nga bulok, ug ang tanang mga kahayupan nga may diyutay nga kaputi, ug ang tanang mga maitum sa taliwala sa mga carnero, ug gipiyal kini sa mga kamot sa iyang mga anak nga lalake.

cebuano_ang_biblia_pinadayag@Genesis:30:36 @ Ug mipanaw siya sa totolo ka adlaw nga paglakaw sa taliwala niya ug ni Jacob: ug si Jacob nagpasibsib sa nahibilin nga mga panon sa carnero ni Laban.

cebuano_ang_biblia_pinadayag@Genesis:30:37 @ ¶ Ug mikuha si Jacob ug mga magagmay nga sanga nga lunhaw sa alamo ug sa avellano, ug sa castaño, ug iyang gipanitan kini sa mga panit nga maputi, ug gihimo nga makita ang kaputi niadtong mga sanga nga magagmay.

cebuano_ang_biblia_pinadayag@Genesis:30:38 @ Ug gibutang niya ang mga sanga nga magagmay nga iyang gipanitan didto sa atbang sa kahayupan sa pasungan nga paimnanan, diin nanagpangadto ang mga panon sa carnero sa pag-inum; ug sila nanamkon sa diha nga nangadto sila sa pag-inum.

cebuano_ang_biblia_pinadayag@Genesis:30:39 @ Ug nanamkon ang mga panon sa carnero sa atubangan sa mga sanga nga magagmay, ug ang mga panon sa carnero nanaganak sa mga nga mga binugkan, mga kabang, ug mga napisikan sa.

cebuano_ang_biblia_pinadayag@Genesis:30:40 @ Ug gilain ni Jacob ang mga nating carnero, ug iyang gipaatubang ang mga nawong sa mga panon sa mga carnero ngadto sa mga kabang ug sa tanan nga maitum sa panon ni Laban. Ug iyang gilain pagbutang ang iyang panon, ug wala itipon niya uban sa mga carnero ni Laban.

cebuano_ang_biblia_pinadayag@Genesis:30:41 @ Ug nahatabo nga sa diha nga manamkon ang mga sundanon nga carnero, ginabutang ni Jacob ang mga sanga nga magagmay sa atubangan sa mga panon sa carnero sa mga bato nga kinalutan, aron nga manamkon sila sa taliwala sa mga sangang magagmay.

cebuano_ang_biblia_pinadayag@Genesis:30:42 @ Apan sa manganha ang mga panon sa mga carnero nga maluya, wala niya ibutang kini: mao nga ang mga maluyang carnero iya ni Laban, ug ang mga sundanon iya ni Jacob.

cebuano_ang_biblia_pinadayag@Genesis:30:43 @ Ug midaku ang tawo sa hilabihan gayud, ug dihay daghang mga panon sa mga carnero, ug mga ulipon nga babaye, ug mga ulipon nga lalake, ug mga camello ug mga asno.

cebuano_ang_biblia_pinadayag@Genesis:31:1 @ ¶ Ug nadungog niya ang mga pulong sa mga anak nga lalake ni Laban, nga nanag-ingon: Gikuha ni Jacob ang tanan nga iya sa atong amahan; ug niadtong iya sa atong amahan naangkon niya kining tanan nga himaya.

Seeker Overlay: Off On

Bible:
Bible:
Book: