cebuano_ang_biblia_pinadayag Genesis:31-33

cebuano_ang_biblia_pinadayag@Genesis:31:1 @ ¶ Ug nadungog niya ang mga pulong sa mga anak nga lalake ni Laban, nga nanag-ingon: Gikuha ni Jacob ang tanan nga iya sa atong amahan; ug niadtong iya sa atong amahan naangkon niya kining tanan nga himaya.

cebuano_ang_biblia_pinadayag@Genesis:31:2 @ Gitan-aw usab ni Jacob ang nawong ni Laban, ug nakita niya nga dili na sama sa kaniadto.

cebuano_ang_biblia_pinadayag@Genesis:31:3 @ Ug si Jehova miingon kang Jacob: Bumalik ka sa yuta sa imong mga ginikanan ug sa imong kaubanan, kay ako magauban kanimo.

cebuano_ang_biblia_pinadayag@Genesis:31:4 @ Ug si Jacob nagsugo, ug nagtawag kang Raquel ug kang Lea ngadto sa kapatagan sa iyang mga carnero.

cebuano_ang_biblia_pinadayag@Genesis:31:5 @ Ug siya miingon kanila: Ginatan-aw ko nga ang nawong sa inyong amahan dili na ingon sa kaniadto; apan ang Dios sa akong amahan nag-uban kanako.

cebuano_ang_biblia_pinadayag@Genesis:31:6 @ Ug kamo nanghibalo nga sa bug-os ko nga kusog nag-alagad ako sa inyong amahan.

cebuano_ang_biblia_pinadayag@Genesis:31:7 @ Ug ang inyong amahan naglimbong kanako, ug iyang giilis-ilisan ang akong suhol sa nakapulo: apan ang Dios wala motugot kaniya nga magbuhat siya kanako ug dautan.

cebuano_ang_biblia_pinadayag@Genesis:31:8 @ Kong siya nag-ingon niini: Ang mga kabang mao ang imong suhol, unya ang tanang mga carnero nanag-anak ug mga binugkan; ug kong siya miingon niini: Ang mga kinudlisan mao ang imong suhol, unya ang tanan nga mga panon sa carnero nanag-anak ug mga kinudlisan.

cebuano_ang_biblia_pinadayag@Genesis:31:9 @ Sa ingon niini gikuha sa Dios ang kahayupan sa imong amahan, ug iyang gihatag kanako.

cebuano_ang_biblia_pinadayag@Genesis:31:10 @ Ug nahatabo, sa panahon nga ang mga carnero nanagpanamkon giyahat ko ang akong mga mata, ug nakita ko sa usa ka damgo, ug, ania karon, ang mga lake nga nanagtabon sa mga baye, sila mga kinudlisan, mga kabang, ug mga kabangkabang.

cebuano_ang_biblia_pinadayag@Genesis:31:11 @ Ug ang manolonda sa Dios miingon kanako sa damgo; Jacob; ug ako miingon kaniya: Ania ako.

cebuano_ang_biblia_pinadayag@Genesis:31:12 @ Ug siya miingon; Iyahat karon ang imong mga mata, ug makita mo ang tanan nga mga lake nga mitabon sa panon sa mga carnero mga kinudlisan, mga binugkan, ug mga kabangkabang, kay nakita ko ang tanan nga gibuhat ni Laban kanimo.

cebuano_ang_biblia_pinadayag@Genesis:31:13 @ Ako mao ang Dios sa Bethel, nga didto gidihog mo ang haligi nga handumanan ug didto nagbuhat ka kanako ug usa ka saad; tumindog ka karon, ug pumahawa ka niining yutaa, ug bumalik ka sa yuta nga imong natawohan.

cebuano_ang_biblia_pinadayag@Genesis:31:14 @ Ug mitubag si Raquel ug si Lea, ug miingon sila kaniya: Kami aduna pa bay bahin kun panulondon sa balay sa among amahan?

cebuano_ang_biblia_pinadayag@Genesis:31:15 @ Dili ba kita giisip niya nga ingon sa mga dumuloong? kay kita gibaligya niya, ug labut pa nakaon ang tanan nga among bili.

cebuano_ang_biblia_pinadayag@Genesis:31:16 @ Kay ang tanan nga bahandi nga gikuha sa Dios gikan sa among amahan, amo man, ug sa among mga anak; busa karon, buhata ang tanan nga giingon sa Dios kanimo.

cebuano_ang_biblia_pinadayag@Genesis:31:17 @ ¶ Unya mitindog si Jacob, ug gipahaluna niya ang iyang mga anak ug ang iyang mga asawa sa ibabaw sa mga camello;

cebuano_ang_biblia_pinadayag@Genesis:31:18 @ Ug iyang gidala ang iyang tanan nga kahayupan, ug ang iyang tanan nga bahandi nga iyang natigum, ang kahayupan nga iyang nasikup nga iyang natigum sa Padan-aram, aron sa pagbalik ngadto kang Isaac nga iyang amahan sa yuta sa Canaan.

cebuano_ang_biblia_pinadayag@Genesis:31:19 @ Karon si Laban miadto sa paggunting sa balhibo sa iyang mga carnero; ug gikawat ni Raquel ang mga dios sa iyang amahan.

cebuano_ang_biblia_pinadayag@Genesis:31:20 @ Ug si Jacob mipahawa sa hilum gikan kang Laban nga Siriahanon, kay niana wala siya magpahibalo nga siya mokalagiw.

cebuano_ang_biblia_pinadayag@Genesis:31:21 @ Busa mikalagiw siya, uban ang tanan nga iya, ug mitindog siya ug mitabok sa Suba, ug mipadulong siya ngadto sa bukid sa Galaad.

cebuano_ang_biblia_pinadayag@Genesis:31:22 @ Ug gisugilon kang Laban sa ikatolo ka adlaw nga si Jacob mikalagiw.

cebuano_ang_biblia_pinadayag@Genesis:31:23 @ Unya gikuha niya ang iyang mga igsoon nga uban kaniya ug miapas sa ulahi niya sa panaw nga pito ka adlaw, ug iyang hing-abutan siya sa bukid sa Galaad.

cebuano_ang_biblia_pinadayag@Genesis:31:24 @ Ug gianha sa Dios si Laban nga Siriahanon sa damgo niadtong gabhiona, ug miingon kaniya: Magmatngon ka nga dili ka magsulti kang Jacob bisan maayo kun dautan.

cebuano_ang_biblia_pinadayag@Genesis:31:25 @ ¶ Busa hing-abutan ni Laban si Jacob. Karon gipatindog na ni Jacob ang iyang balongbalong sa bukid, ug gibutang ni Laban uban sa iyang mga igsoon ang iyang balongbalong didto sa bukid sa Galaad.

cebuano_ang_biblia_pinadayag@Genesis:31:26 @ Ug miingon si Laban kang Jacob: Unsay gibuhat nimo nga mikalagiw ka sa hilum, ug gidala mo ang akong mga anak nga babaye ingon sa mga binihag sa pag-awayan?

cebuano_ang_biblia_pinadayag@Genesis:31:27 @ Ngano nga mikalagiw ka sa tago gayud, ug gikawatan mo ako, ug wala mo ako pahibaloa aron nga ako magapagikan kanimo nga may kalipay, ug mga pag-awit, uban ang tambol ug alpa?

cebuano_ang_biblia_pinadayag@Genesis:31:28 @ Nga ako wala tugoti nimo sa pagpahalok sa akong mga anak nga lalake ug mga anak nga babaye? Karon gibuhat mo ang binuang gayud.

cebuano_ang_biblia_pinadayag@Genesis:31:29 @ Ania sa gahum sa akong kamot ang pag-among-among kaninyo; apan ang Dios sa inyong amahan nagsulti kanako kagabii, ug nag-ingon: Magmatngon ka nga dili magsulti kang Jacob bisan maayo kun dautan.

cebuano_ang_biblia_pinadayag@Genesis:31:30 @ Ug karon bisan molakaw ka na, kay ikaw may tinguha sa pag-adto sa balay sa imong amahan, ngano nga gikawat mo ang akong mga dios?

cebuano_ang_biblia_pinadayag@Genesis:31:31 @ Ug si Jacob mitubag ug miingon kang Laban: Kay nahadlok ako, busa miingon ako: Tingali kaha nga imong kuhaon sa lugos kanako ang imong mga anak nga babaye.

cebuano_ang_biblia_pinadayag@Genesis:31:32 @ Sa kang kinsa hikaplagan mo ang imong mga dios, dili siya mabuhi: sa atubangan sa among mga igsoon, susiha kong may imo ug kuhaa. Si Jacob wala mahibalo nga si Raquel maoy nagkawat niini.

cebuano_ang_biblia_pinadayag@Genesis:31:33 @ Ug misulod si Laban sa balongbalong ni Jacob, ug sa balongbalong ni Lea, ug sa balongbalong sa duruha ka ulipon nga babaye, ug kini wala niya hipalgi, ug migula siya sa balongbalong ni Lea, ug miadto siya sa balongbalong ni Raquel.

cebuano_ang_biblia_pinadayag@Genesis:31:34 @ Karon gikuha ni Raquel ang dios-dios, ug kini gibutang niya sa usa ka silla sa usa ka camello, ug iyang gilingkoran ang ibabaw niini: ug gihikap ni Laban ang tibook nga balongbalong, ug wala kini niya hikaplagi.

cebuano_ang_biblia_pinadayag@Genesis:31:35 @ Ug siya miingon sa iyang amahan: Dili ka unta masuko, ginoo ko, kay dili ako makahimo sa pagtindog sa atubangan mo, kay ako ania sa kinaiya sa mga babaye. Ug siya nangita, apan wala niya hikaplagi ang mga dios-dios.

cebuano_ang_biblia_pinadayag@Genesis:31:36 @ ¶ Ug si Jacob nasuko, ug nakigtinubagay kang Laban; ug mitubag si Jacob, ug miingon kang Laban: Unsa ba ang akong kalapasan? Unsa ba ang akong sala, nga sa hilabihan nga kainit mianhi ka sa pag-apas kanako?

cebuano_ang_biblia_pinadayag@Genesis:31:37 @ Busa kay gihikap mo ang tanan ko nga mga ginamiton, unsay hingkaplagan mo sa tanan nga mga bahandi sa imong balay? Ibutang mo kana dinhi sa atubangan sa akong mga igsoon ug sa mga imo, ug maghukom sila sa taliwala kanato nga duha.

cebuano_ang_biblia_pinadayag@Genesis:31:38 @ Niining kaluhaan ka tuig nga ako nagpuyo uban kanimo, ang imong mga carnero, ug ang imong mga kanding wala gayud mangatagas, wala usab ako makakaon ug carnero nga lake gikan sa imong mga panon.

cebuano_ang_biblia_pinadayag@Genesis:31:39 @ Wala ko gayud ikaw hidad-i ug inagaw sa mga mananap nga ihalas; ako ang nagbayad sa mga nangawala niini: gikan sa akong kamot gikinahanglan mo kini, bisan gikawat sa adlaw kun gikawat sa gabii.

cebuano_ang_biblia_pinadayag@Genesis:31:40 @ Sa ingon niana, sa adlaw napagod ako sa kainit, ug sa kagabhion ang katugnaw; ug ang akong katulogon nangawala sa akong mga mata.

cebuano_ang_biblia_pinadayag@Genesis:31:41 @ Diha ako magpuyo sa imong balay sulod sa kaluhaan ka tuig; napulo ug upat ka tuig ako nag-alagad kanimo tungod sa imong duruha ka mga anak nga babaye, ug unom ka tuig tungod sa imong kahayupan; ug giilisan mo ang suhol ko sa nakapulo.

cebuano_ang_biblia_pinadayag@Genesis:31:42 @ Kong ang Dios sa akong amahan, ang Dios ni Abraham, ug ang Kahadlok ni Isaac wala pa magauban kanako, sa pagkamatuod igapadala mo ako karon nga hubo. Nakakita ang Dios sa akong kasakit, ug ang kabudlay sa akong mga kamot, ug ikaw gibadlong niya kagabii.

cebuano_ang_biblia_pinadayag@Genesis:31:43 @ ¶ Ug mitubag si Laban, ug miingon kang Jacob: Kining mga babaye mao ang akong mga anak nga babaye, ug ang mga bata mao ang akong mga bata, ug ang mga carnero mao ang akong mga carnero, ug ang tanan nga imong ginatan-aw pulos man ako. Ug unsay arang ko nga buhaton karon niining akong mga anak nga babaye, kun sa ilang mga bata nga ilang gianak?

cebuano_ang_biblia_pinadayag@Genesis:31:44 @ Busa, umari ka karon, ug magabuhat kita ug pakigsaad, ako ug ikaw; ug kini mao ang saksi sa taliwala kanako ug kanimo.

cebuano_ang_biblia_pinadayag@Genesis:31:45 @ Unya si Jacob mikuha sa usa ka bato ug kini gipatindog niya ingon nga haligi nga handumanan.

cebuano_ang_biblia_pinadayag@Genesis:31:46 @ Ug miingon si Jacob sa iyang mga kaigsoonan nga lalake: Magtapok kamo ug mga bato. Ug nagtapok sila ug mga bato, ug kini ilang gipundok, ug nangaon sila didto haduol niadtong mohon.

cebuano_ang_biblia_pinadayag@Genesis:31:47 @ Ug gihinganlan kini ni Laban ug Jegar-Sahadutha: apan gihinganlan ni Jacob ug Galaad.

cebuano_ang_biblia_pinadayag@Genesis:31:48 @ Ug si Laban miingon: Kining pundok mao ang saksi karon sa taliwala kanako ug kanimo. Tungod niana gihinganlan ang ngalan niini ug Galaad:

cebuano_ang_biblia_pinadayag@Genesis:31:49 @ Ug Mizpa, kay matud niya: Magabantay si Jehova sa taliwala kanako ug kanimo, kong kita managbulag ang usa ug usa.

cebuano_ang_biblia_pinadayag@Genesis:31:50 @ Kong sakiton mo ang akong mga anak nga babaye, ug kong mangasawa ka ug mga asawa labut pa sa akong mga anak nga babaye, walay tawo nga ania sa taliwala kanato; tan-awa, ang Dios mao ang saksi sa taliwala kanako ug kanimo.

cebuano_ang_biblia_pinadayag@Genesis:31:51 @ Miingon si Laban kang Jacob: Ania karon, kining mohon, ug ania karon kining haligi nga handumanan nga akong gipatindog sa taliwala kanako ug kanimo.

cebuano_ang_biblia_pinadayag@Genesis:31:52 @ Kini nga mohon mao ang saksi ug kining haligi sa handumanan mao ang saksi, nga ako dili molabang nganha kanimo niini nga mohon, nga ikaw dili molabang niining pundok, ug niining haligi nga handumanan aron sa pag-among-among.

cebuano_ang_biblia_pinadayag@Genesis:31:53 @ Ang Dios ni Abraham, ug ang Dios ni Nachor ang Dios sa ilang amahan magahukom sa taliwala kanato. Ug si Jacob nanumpa tungod sa Kahadlok ni Isaac nga iyang amahan.

cebuano_ang_biblia_pinadayag@Genesis:31:54 @ Unya si Jacob naghimo ug halad didto sa bukid, ug gitawag niya ang iyang mga kaigsoonan sa pagkaon ug tinapay; ug nangaon sila ug tinapay, ug nangatulog sila niadtong gabhiona sa bukid.

cebuano_ang_biblia_pinadayag@Genesis:31:55 @ Ug si Laban mibangon pagsayo sa buntag, ug gihalokan niya ang iyang mga anak nga lalake, ang iyang mga anak nga babaye, ug sila gipanalanginan; ug si Laban migikan ug mipauli sa iyang dapit.

cebuano_ang_biblia_pinadayag@Genesis:32:1 @ ¶ Ug si Jacob mipadayon sa iyang paglakat ug gisugat siya sa mga manolonda sa Dios.

cebuano_ang_biblia_pinadayag@Genesis:32:2 @ Ug si Jacob miingon, sa pagkakita kanila: Kini mao ang panon sa Dios ug gihinganlan niya kadtong dapita Mahanaim.

cebuano_ang_biblia_pinadayag@Genesis:32:3 @ ¶ Ug si Jacob nagsugo ug mga sulogoon sa unahan niya ngadto kang Esau nga iyang igsoon didto sa yuta sa Seir, sa kapatagan sa Edom.

cebuano_ang_biblia_pinadayag@Genesis:32:4 @ Ug siya nagsugo kanila nga nag-ingon: Mao kini ang igaingon ninyo sa akong ginoo nga si Esau: Mao kini ang giingon sa imong alagad nga si Jacob: Kang Laban nagpuyo ako, ug nadugay ako didto hangtud karon.

cebuano_ang_biblia_pinadayag@Genesis:32:5 @ Ug ako adunay mga vaca, ug mga asno, ug mga panon sa mga carnero, ug mga binatonan nga lalake ug mga sulogoong babaye, ug nagsugo ako sa pag-ingon sa akong ginoo aron ako mahimut-an sa iyang mga mata.

cebuano_ang_biblia_pinadayag@Genesis:32:6 @ Ug ang mga sinugo nanagpamalik kang Jacob nga nagaingon: Nakadangat kami sa imong igsoon nga si Esau, ug ingon usab siya moanhi sa pagsugat kanimo, ug uban kaniya ang upat ka gatus ka tawo.

cebuano_ang_biblia_pinadayag@Genesis:32:7 @ Unya si Jacob nahadlok sa hilabihan gayud ug nagsubo siya; ug gibahinbahin niya ang mga tawo nga diha uban kaniya, ug ang mga panon sa mga carnero ug ang mga vaca, ug ang mga camello, sa duruha ka pundok.

cebuano_ang_biblia_pinadayag@Genesis:32:8 @ Ug miingon: Kong umanhi si Esau ug patyon ang usa ka pundok; ang nahabiling pundok makakalagiw,

cebuano_ang_biblia_pinadayag@Genesis:32:9 @ ¶ Unya miingon si Jacob: O Dios sa akong amahan nga si Abraham ug Dios sa akong amahan nga si Isaac, O Jehova nga miingon kanako: Bumalik ka sa imong yuta ug sa imong kaubanan, ug ikaw buhatan ko ug maayo:

cebuano_ang_biblia_pinadayag@Genesis:32:10 @ Ako dili takus sa labing diyutay sa tanan nga mga mahigugmaong kalolot ug sa tanan nga kamatuoran nga imong gipakita sa imong ulipon; kay uban sa akong sungkod milabang ako niining Jordan, ug karon nahimo ako nga duruha na ka pundok.

cebuano_ang_biblia_pinadayag@Genesis:32:11 @ Luwasa ako, ginaampo ko kanimo, gikan sa kamot sa akong igsoon, sa kamot ni Esau; kay nahadlok ako kaniya, tingali kaha moanhi siya, ug samaran ako, ang inahan uban ang mga anak.

cebuano_ang_biblia_pinadayag@Genesis:32:12 @ Ug ikaw gayud usab ang nag-ingon: Sa pagkamatuod gayud ikaw buhatan ko ug maayo, ug pagahimoon ko nga ang imong kaliwatan sama sa balas sa dagat, nga dili arang maisip tungod sa gidaghanon.

cebuano_ang_biblia_pinadayag@Genesis:32:13 @ ¶ Ug napabilin siya didto niadtong gabhiona ug gikuha niya sa mga diha sa iyang luyo ang usa ka gasa alang kang Esau nga iyang igsoon:

cebuano_ang_biblia_pinadayag@Genesis:32:14 @ Duha ka gatus ka nga kanding nga baye ug kaluhaan ka nga kanding nga lake, duha ka gatus ka nga carnero nga baye ug kaluhaan ka nga carnero nga lake.

cebuano_ang_biblia_pinadayag@Genesis:32:15 @ Katloan ka gatasan nga camello uban ang ilang mga nati, kap-atan ka nga vaca nga baye ug napulo ka nga vaca nga lake, kaluhaan ka nga asno nga baye ug napulo ka nga nati.

cebuano_ang_biblia_pinadayag@Genesis:32:16 @ Ug kini gitugyan niya sa mga kamot sa iyang mga binatonan, tagsa ka panon sa pinig, ug miingon sa iyang mga binatonan: Umuna kamo kanako, ug nga usa ka panon ipahilayo ninyo sa usa ka panon.

cebuano_ang_biblia_pinadayag@Genesis:32:17 @ Ug nagsugo siya sa nahauna, nga nagaingon: Kong hisugatan ka ni Esau nga akong igsoon ug iyang pangutan-on ikaw sa pag-ingon: Kang kinsa ikaw? ug asa ikaw paingon? ug kang kansa kanang mga nagauna kanimo?

cebuano_ang_biblia_pinadayag@Genesis:32:18 @ Unya umingon ka kaniya: Iya sa imong alagad nga si Jacob; kini mao ang usa ka gasa nga gipadala alang sa akong ginoo nga si Esau; ug nga ania na usab siya karon nagasunod sa ulahi namo.

cebuano_ang_biblia_pinadayag@Genesis:32:19 @ Ug nagsugo usab siya sa ikaduha, ug mao usab sa ikatolo ug ingon usab sa tanan nga mga nagasunod sa ulahi sa mga panon, nga nagaingon: Niini nga paagiha igasulti ninyo kang Esau kong kamo hisugatan niya.

cebuano_ang_biblia_pinadayag@Genesis:32:20 @ Ug igaingon ninyo: Labut pa, ania karon, ang imong alagad nga si Jacob nagapaingon nganhi sa ulahi namo. Kay siya miingon: Pagahupayon ko ang iyang kaligutgut tungod sa gasa nga nagauna kanako; ug sa human niini, tan-awon ko ang iyang nawong; ug tingali pagadawaton kaha niya ako ug maayo.

cebuano_ang_biblia_pinadayag@Genesis:32:21 @ Mao nga ang gasa miuna kaniya, apan siya napabilin niatong gabhiona uban sa panon.

cebuano_ang_biblia_pinadayag@Genesis:32:22 @ Ug mitindog siya niadtong gabhiona, ug gikuha niya ang iyang duruha ka asawa, ug ang iyang duruha ka mga sulogoon nga babaye, ug ang iyang napulo ug usa ka mga anak, ug mitabok sa labanganan sa Jaboc.

cebuano_ang_biblia_pinadayag@Genesis:32:23 @ Busa sila gikuha niya, ug iyang gipatabok sila sa suba, ug gipatabok usab niya ang tanan nga iya.

cebuano_ang_biblia_pinadayag@Genesis:32:24 @ ¶ Ug nahabilin si Jacob nga nag-inusara, ug may nakigbugno kaniya nga usa ka tawo hangtud sa pagbanagbanag sa adlaw:

cebuano_ang_biblia_pinadayag@Genesis:32:25 @ Ug sa pagkakita niini nga siya dili makabuntog kaniya, gipislit niya ang piyakpiyak sa iyang balat-ang, ug nalisa ang balat-ang ni Jacob, sa diha nga siya nagabugno pa kaniya.

cebuano_ang_biblia_pinadayag@Genesis:32:26 @ Ug siya miingon: Buhii ako kay mahayaghayag na. Apan mitubag kaniya si Jacob: Dili ko ikaw buhian hangtud nga ako panalanginan mo.

cebuano_ang_biblia_pinadayag@Genesis:32:27 @ Ug siya nangutana kaniya: Kinsay imong ngalan? Ug mitubag siya: Si Jacob.

cebuano_ang_biblia_pinadayag@Genesis:32:28 @ Ug siya miingon: Dili ka na pagahinganlan nga si Jacob, kondili si Israel; kay nakigbugno ka sa Dios, ug sa tawo, ug nakabuntog ka.

cebuano_ang_biblia_pinadayag@Genesis:32:29 @ Ug nangutana kaniya si Jacob ug miingon: Ginaampo ko kanimo, nga ipahayag mo kanako ang imong ngalan. Apan siya mitubag: Kay nganong nangutana ka sa akong ngalan? Ug siya gipanalanginan niya didto.

cebuano_ang_biblia_pinadayag@Genesis:32:30 @ Ug gihinganlan ni Jacob kadtong dapita nga /Peniel, /Peniel kay, nakita ko ang Dios sa nawong ug nawong, ug naluwas ang akong kinabuhi.

cebuano_ang_biblia_pinadayag@Genesis:32:31 @ Ug gisidlakan siya sa adlaw sa iyang pag-agi sa Peniel, ug nagtangkihod siya tungod sa iyang paa.

cebuano_ang_biblia_pinadayag@Genesis:32:32 @ Tungod niini dili magakaon ang mga anak sa Israel, hangtud karong adlawa, sa kusog nga mibinhod, nga anaa sa piyakpiyak sa balat-ang: kay naigo si Jacob niini nga bahin sa balat-ang niya sa kusog sa kilid.

cebuano_ang_biblia_pinadayag@Genesis:33:1 @ ¶ Ug si Jacob miyahat sa iyang mga mata, ug ania karon, nagapadulong si Esau, ug ang upat ka gatus ka mga tawo uban kaniya. Ug gibahinbahin niya ang mga bata kang Lea ug kang Raquel ug ang duruha ka sulogoon nga babaye.

cebuano_ang_biblia_pinadayag@Genesis:33:2 @ Ug gibutang niya ang mga sulogoon nga babaye ug ang ilang mga bata sa unahan; ug gipasunod si Lea ug ang iyang mga bata, ug si Raquel ug si Jose mao ang didto sa ulahi.

cebuano_ang_biblia_pinadayag@Genesis:33:3 @ Ug siya miagi sa atubangan nila, ug miduko siya sa yuta sa nakapito, hangtud nga miabut siya sa iyang igsoon.

cebuano_ang_biblia_pinadayag@Genesis:33:4 @ Ug si Esau midalagan sa pagsugat kaniya, ug migakus kaniya ug mipauraray siya sa iyang liog, ug gihalokan siya; ug minghilak sila.

cebuano_ang_biblia_pinadayag@Genesis:33:5 @ ¶ Ug giyahat niya ang iyang mga mata, ug nakita niya ang mga babaye ug ang mga bata, ug miingon siya: Kinsa ba kini sila nga kuyog mo? Ug siya mitubag: Ang mga bata nga tungod sa gracia gihatag sa Dios sa imong ulipon.

cebuano_ang_biblia_pinadayag@Genesis:33:6 @ Unya, mingduol ang mga sulogoon nga babaye ug ang ilang mga bata, ug mingduko sila.

cebuano_ang_biblia_pinadayag@Genesis:33:7 @ Ug mingduol usab si Lea uban sa iyang mga bata ug mingduko sila; ug sa ulahi mingduol si Jose ug si Raquel, ug ingon usab mingduko sila.

cebuano_ang_biblia_pinadayag@Genesis:33:8 @ Ug siya miingon: Unsa bay ipasabut mo tungod niining tibook nga pundok nga hingsugatan ko? Ug siya mitubag: Aron mahamut-an ako sa mga mata sa akong ginoo.

cebuano_ang_biblia_pinadayag@Genesis:33:9 @ Ug miingon si Esau: Aduna akoy igo, igsoon ko: Pasagdi lamang nga kining ania kanimo, maimo.

cebuano_ang_biblia_pinadayag@Genesis:33:10 @ Ug miingon si Jacob: Dili, gipakilooy ko kanimo, kong ako nakakaplag karon ug kahimut-an sa imong mga mata, nan dawata ang akong gasa nga gikan sa akong mga kamot, kay sa nakita ko ang imong nawong, daw nakita ko ang nawong sa Dios, ug ikaw nahimuot kanako.

cebuano_ang_biblia_pinadayag@Genesis:33:11 @ Dawata, gipakilooy ko kanimo, ang akong gasa nga gidala kanimo, kay ang Dios nalooy kanako, ug kay ako adunay igo. Ug siya gipugos gayud niya, ug gidawat na lamang niya kini.

cebuano_ang_biblia_pinadayag@Genesis:33:12 @ Ug siya miingon: Manlakaw kita, ug ako magalakaw sa unahan mo.

cebuano_ang_biblia_pinadayag@Genesis:33:13 @ Ug siya miingon kaniya: Ang akong ginoo nahibalo nga ang mga bata mga linghud, ug nga aduna akoy mga carnero ug mga vaca nga bag-ong nanag-anak; ug kong magpalabi sila pagpanglakaw sa usa ka adlaw, mangamatay ang tanan nga mga panon sa carnero.

cebuano_ang_biblia_pinadayag@Genesis:33:14 @ Umuna ka karon, ginoo ko, sa unahan sa imong ulipon, ug ako magalakaw sa hinayhinay, sumala sa paglakaw sa kahayupan nga nagalakaw sa unahan ko, ug sa lakang sa mga bata hangtud nga makadangat ako sa akong ginoo didto sa Seir.

cebuano_ang_biblia_pinadayag@Genesis:33:15 @ Ug si Esau miingon: Pagabiyaan ko karon ang uban sa tawo nga mikuyog kanako. Ug siya miingon: Unsa ba ang kinahanglan niini? Makakaplag ug kahimut-an sa mga mata sa akong ginoo.

cebuano_ang_biblia_pinadayag@Genesis:33:16 @ ¶ Mao nga si Esau mipauli niadtong adlawa padulong sa Seir.

cebuano_ang_biblia_pinadayag@Genesis:33:17 @ Ug si Jacob migikan padulong sa Succoth, ug nagtukod siya didto sa iyang balay, ug nagbuhat siya ug mga payag alang sa iyang kahayupan. Busa gihinganlan niya ang ngalan niadtong dapita nga Succoth.

cebuano_ang_biblia_pinadayag@Genesis:33:18 @ Ug midangat si Jacob sa kalinaw ngadto sa lungsod sa Sichem, nga nahamutang sa Canaan, sa gikan siya sa yuta sa Padan-aram, ug mipahaluna siya sa atubangan sa lungsod.

cebuano_ang_biblia_pinadayag@Genesis:33:19 @ Ug mipalit siya ug usa ka bahin sa kapatagan didto diin gibuklad niya ang iyang balongbalong, sa kamot sa mga anak ni Hamor, nga amahan ni Sichem, sa usa ka gatus ka book nga salapi.

cebuano_ang_biblia_pinadayag@Genesis:33:20 @ Ug gipatindog niya didto ang usa ka halaran, ug kini gihinganlan niya: Ang Dios, ang Dios ni Israel.

cebuano_ang_biblia_pinadayag@Genesis:34:1 @ ¶ Ug migula si Dina nga anak ni Lea, nga gianak niya kang Jacob, aron sa pagtan-aw sa mga anak nga babaye niadtong yutaa.

Seeker Overlay: Off On

Bible:
Bible:
Book: