Hebrews:9:11-28
vul@Hebrews:9:11 @ Christus autem adsistens pontifex futurorum bonorum per amplius et perfectius tabernaculum non manufactum id est non huius creationis
vul@Hebrews:9:12 @ neque per sanguinem hircorum et vitulorum sed per proprium sanguinem introivit semel in sancta aeterna redemptione inventa
vul@Hebrews:9:13 @ si enim sanguis hircorum et taurorum et cinis vitulae aspersus inquinatos sanctificat ad emundationem carnis
vul@Hebrews:9:14 @ quanto magis sanguis Christi qui per Spiritum Sanctum semet ipsum obtulit inmaculatum Deo emundabit conscientiam vestram ab operibus mortuis ad serviendum Deo viventi
vul@Hebrews:9:15 @ et ideo novi testamenti mediator est ut morte intercedente in redemptionem earum praevaricationum quae erant sub priore testamento repromissionem accipiant qui vocati sunt aeternae hereditatis
vul@Hebrews:9:16 @ ubi enim testamentum mors necesse est intercedat testatoris
vul@Hebrews:9:17 @ testamentum enim in mortuis confirmatum est alioquin nondum valet dum vivit qui testatus est
vul@Hebrews:9:18 @ unde ne primum quidem sine sanguine dedicatum est
vul@Hebrews:9:19 @ lecto enim omni mandato legis a Mose universo populo accipiens sanguinem vitulorum et hircorum cum aqua et lana coccinea et hysopo ipsum quoque librum et omnem populum aspersit
vul@Hebrews:9:20 @ dicens hic sanguis testamenti quod mandavit ad vos Deus
vul@Hebrews:9:21 @ etiam tabernaculum et omnia vasa ministerii sanguine similiter aspersit
vul@Hebrews:9:22 @ et omnia paene in sanguine mundantur secundum legem et sine sanguinis fusione non fit remissio
vul@Hebrews:9:23 @ necesse est ergo exemplaria quidem caelestium his mundari ipsa autem caelestia melioribus hostiis quam istis
vul@Hebrews:9:24 @ non enim in manufactis sanctis Iesus introiit exemplaria verorum sed in ipsum caelum ut appareat nunc vultui Dei pro nobis
vul@Hebrews:9:25 @ neque ut saepe offerat semet ipsum quemadmodum pontifex intrat in sancta per singulos annos in sanguine alieno
vul@Hebrews:9:26 @ alioquin oportebat eum frequenter pati ab origine mundi nunc autem semel in consummatione saeculorum ad destitutionem peccati per hostiam suam apparuit
vul@Hebrews:9:27 @ et quemadmodum statutum est hominibus semel mori post hoc autem iudicium
vul@Hebrews:9:28 @ sic et Christus semel oblatus ad multorum exhaurienda peccata secundo sine peccato apparebit expectantibus se in salutem
![[pBiblx2]](/img/pbiblx2_logo3.png){kind=logo}