cebuano_ang_biblia_pinadayag Isaiah:13:1-14:23
cebuano_ang_biblia_
pinadayag@Isaiah:13:1 @ ¶ Ang palas-anon sa Babilonia, nga nakita ni Isaias ang anak nga lalake ni Amoz.
cebuano_ang_biblia_pinadayag@Isaiah:13:2 @ Magpatindog kamo ug usa ka bandila ibabaw sa usa ka hubo nga bukid, ipatugbaw ninyo ang tingog kanila, ikamay ang kamot, aron sila mangadto sa mga ganghaan sa mga halangdon.
cebuano_ang_biblia_pinadayag@Isaiah:13:3 @ Gisugo ko ang akong mga binalaan, oo, gitawag ko ang akong mga tawong gamhanan alang sa akong kasuko, bisan ang akong mga mahimayaon sa pagpagarbo.
cebuano_ang_biblia_pinadayag@Isaiah:13:4 @ Ang kagahub sa usa ka panon sa katawohan diha sa kabukiran, ingon sa usa ka dakung katawohan! usa ka kagahub nga magubuton sa mga gingharian sa mga nasud nga nanagkatigum pagtingub! Si Jehova sa mga panon nagapundok sa kasundalohan alang sa panggubatan.
cebuano_ang_biblia_pinadayag@Isaiah:13:5 @ Sila nagagikan sa usa ka halayo nga dapit, gikan sa kinatumyan sa langit, bisan si Jehova, ug ang mga hinagiban sa iyang kalagut, aron sa paglaglag sa tibook nga yuta.
cebuano_ang_biblia_pinadayag@Isaiah:13:6 @ ¶ Managdangoyngoy kamo; kay ang adlaw ni Jehova haduol na; kini moabut ingon nga paglaglag nga gikan sa Makagagahum.
cebuano_ang_biblia_pinadayag@Isaiah:13:7 @ Busa ang tanang mga kamot magamaluya, ug ang tagsatagsa ka kasingkasing sa tawo matunaw:
cebuano_ang_biblia_pinadayag@Isaiah:13:8 @ Ug sila mangalisang; pagadakpon sa mga kasakit ug mga kasub-anan; sila mobati ug kaul-ul ingon sa usa ka babaye nga magaanak: sila managtan-aw sa usa ug ang usa nga mahibulong; ang ilang mga nawong mga nawong sa siga.
cebuano_ang_biblia_pinadayag@Isaiah:13:9 @ Ania karon, ang adlaw ni Jehova nagasingabut na, mabangis, uban ang kaligutgut ug mapintas nga kasuko; aron sa paghimo sa yuta nga makamingawan, ug aron sa paglaglag sa mga makasasala nga mapanas gikan niini.
cebuano_ang_biblia_pinadayag@Isaiah:13:10 @ Kay ang mga bitoon sa langit ug ang mga tapok sa bitoon niini dili mohatag sa ilang kahayag; ang adlaw magangitngit sa iyang pagsubang, ug ang bulan dili mohatag sa iyang dan-ag.
cebuano_ang_biblia_pinadayag@Isaiah:13:11 @ Ug pagasilotan ko ang kalibutan tungod sa pagkadautan, ug ang dautan tungod sa ilang kasal-anan: ug pahunongon ko ang pagkamapahitas-on sa mga palabilabihon, ug pagapaubson ko ang pagkamapahitas-on sa mga makalilisang.
cebuano_ang_biblia_pinadayag@Isaiah:13:12 @ Pagahimoon ko ang usa ka tawo nga labing mahal pa kay sa bulawan nga ulay, bisan ang usa ka tawo kay sa bulawan nga lunsay sa Ophir.
cebuano_ang_biblia_pinadayag@Isaiah:13:13 @ Tungod niini pakurogon ko ang kalangitan, ug ang yuta matay-og gikan sa iyang dapit, sa kaligutgut ni Jehova sa mga panon, ug sa adlaw sa iyang mapintas nga kasuko.
cebuano_ang_biblia_pinadayag@Isaiah:13:14 @ Ug mahitabo, nga ingon sa lagsaw nga gilanat, ug ingon sa carnero nga walay nagahipos, silang tagsatagsa mobalik sa iyang katawohan, ug ang tagsatagsa ka tawo mokalagiw ngadto sa iyang kaugalingong yuta.
cebuano_ang_biblia_pinadayag@Isaiah:13:15 @ Ang tagsatagsa nga hipalgan pagapalapsan; ug ang tagsatagsa nga hisakpan kanila mapukan pinaagi sa espada.
cebuano_ang_biblia_pinadayag@Isaiah:13:16 @ Ang ilang mga bata usab pagadugmokon sa atubangan sa ilang mga mata; ang ilang kabalayan pagatulison, ug ang ilang mga asawa pagalugoson.
cebuano_ang_biblia_pinadayag@Isaiah:13:17 @ Ania karon, pagapaalsahon ko ang mga Medos batok kanila, nga dili motagad ug salapi; ug mahatungod sa bulawan, sila dili magakalipay niini.
cebuano_ang_biblia_pinadayag@Isaiah:13:18 @ Ug ang mga pana modugmok sa ilang mga batan-ong lalake; ug sila walay kalooy sa bunga sa tagoangkan; ang ilang mga mata dili mopagawas sa mga kabataan.
cebuano_ang_biblia_pinadayag@Isaiah:13:19 @ ¶ Ug ang Babilonia, ang himaya sa mga gingharian, ang katahum nga maoy garbo sa mga Caldeanhon, mahimong ingon sa Sodoma ug Gomorra sa paglumpag sa Dios.
cebuano_ang_biblia_pinadayag@Isaiah:13:20 @ Kini dili na gayud pagatawoan, ni pagapuy-an pa gikan sa usa ka kaliwatan hangtud sa usa ka kaliwatan: ni motaod pa ang mga Arabiahanon sa balong-balong didto; ni mopahigda didto ang mga magbalantay sa carnero sa ilang mga panon.
cebuano_ang_biblia_pinadayag@Isaiah:13:21 @ Apan ang ihalas nga mga mananap sa kamingawan mao ang mohigda didto; ug ang ilang mga kabalayan mangapuno sa makalolooy nga mga binuhat; ug managpuyo didto ang mga avestruz, ug ang mga kanding ihalas managlukso didto.
cebuano_ang_biblia_pinadayag@Isaiah:13:22 @ Ug ang mga lobo manag-uwang sulod sa ilang mga castillo, ug ang mga mananap nga mapintas sa maanindot nga palacio: ug ang iyang panahon haduol nang moabut, ug ang iyang mga adlaw dili na pagalugwayan.
cebuano_ang_biblia_pinadayag@Isaiah:14:1 @ ¶ Kay malooy si Jehova kang Jacob, ug pagapilion pa niya ang Israel, ug igapahaluna sila sa ilang kaugalingong yuta: ug ang lumalangyaw makigtipon uban kanila, ug sila motipon sa balay ni Jacob.
cebuano_ang_biblia_pinadayag@Isaiah:14:2 @ Ug ang mga katawohan mokuha kanila, ug modala kanila ngadto sa ilang dapit; ug ang balay sa Israel manag-iya kanila sa yuta ni Jehova nga mga sulogoong lalake ug mga sulogoong babaye: ug sila pagadad-on nila nga binihag kay ila man sila nga mga binihag; ug sila magaagalon sa mga malupigon kanila.
cebuano_ang_biblia_pinadayag@Isaiah:14:3 @ Ug mahitabo sa adlaw nga si Jehova mohatag kanimo ug pahulay gikan sa imong kasubo, ug gikan sa imong kaguol, ug gikan sa mabug-at nga pag-alagad diin ikaw gipaalagad,
cebuano_ang_biblia_pinadayag@Isaiah:14:4 @ ¶ Nga imong gamiton kining sambingay batok sa hari sa Babilonia, ug moingon: Giunsa paghunong sa malupigon! ang bulawanong ciudad mihunong!
cebuano_ang_biblia_pinadayag@Isaiah:14:5 @ Gibali ni Jehova ang sungkod sa dautan, ang baras sa mga punoan;
cebuano_ang_biblia_pinadayag@Isaiah:14:6 @ Nga sa kaligutgut maoy gihampak sa mga katawohan sa pagbunal nga makanunayon, nga sa kasuko nagdumala sa mga nasud, uban ang paglutos nga walay makapugong.
cebuano_ang_biblia_pinadayag@Isaiah:14:7 @ Ang tibook yuta nagapahulay nahilum: sila minghugyaw sa pag-awit.
cebuano_ang_biblia_pinadayag@Isaiah:14:8 @ Oo, ang mga kahoy nga haya nanghimuot kanimo, ug ang mga cedro sa Libano nga nagaingon: Sukad nga ikaw napukan wala nay magpuputol nga mitungha batok kanamo.
cebuano_ang_biblia_pinadayag@Isaiah:14:9 @ Ang Sheol gikan sa kahiladman gilihok alang kanimo aron sa pagtagbo kanimo sa imong pag-anhi; gipukaw ang mga minatay alang kanimo, bisan ang tanang pangulo sa yuta; gipatindog gikan sa ilang mga trono ang tanang mga hari sa mga nasud.
cebuano_ang_biblia_pinadayag@Isaiah:14:10 @ Silang tanan manubag ug manag-ingon kanimo: Naluya ba usab ikaw ingon kanamo? nahimo ba ikaw nga sama kanamo?
cebuano_ang_biblia_pinadayag@Isaiah:14:11 @ Ang imong kabantug gidala ngadto sa Sheol ang kasaba sa imong mga viola: ang ulod gibuklad sa ilalum nimo, ug ang mga ulod magatabon kanimo.
cebuano_ang_biblia_pinadayag@Isaiah:14:12 @ Naunsa ang pagkahulog mo gikan sa langit, Oh kabugason, anak sa kabuntagon! naunsa ang pagkalumpag mo ngadto sa yuta, nga ikaw man unta ang nagalumpag sa mga nasud!
cebuano_ang_biblia_pinadayag@Isaiah:14:13 @ Ug ikaw miingon diha sa imong sa kasingkasing: Ako mokayab ngadto sa langit, ituboy ko ang akong trono sa ibabaw sa mga bitoon sa Dios; ug ako magalingkod sa bukid nga tigumanan, sa kinatumyang mga dapit sa amihanan;
cebuano_ang_biblia_pinadayag@Isaiah:14:14 @ Mokayab ako sa ibabaw sa mga kahitas-an sa mga panganod; himoon ko nga ang akong kaugalingon mahasama sa Hataas Uyamut.
cebuano_ang_biblia_pinadayag@Isaiah:14:15 @ Silabon ikaw pagadad-on ngadto sa Sheol, sa kinahiladmang mga dapit sa langub.
cebuano_ang_biblia_pinadayag@Isaiah:14:16 @ Sila nga managpakakita kanimo managtutok kanimo ug managsusi kanimo nga manag-ingon: Kini ba ang tawo nga nakapakurog sa yuta, nga nagauyog sa mga gingharian;
cebuano_ang_biblia_pinadayag@Isaiah:14:17 @ Nga maoy naghimo sa kalibutan nga ingon sa usa ka kamingawan, ug nakalaglag sa mga ciudad niini; nga wala magpapauli sa iyang mga binilanggo sa ilang pinuy-anan?
cebuano_ang_biblia_pinadayag@Isaiah:14:18 @ Ang tanang mga hari sa mga nasud, silang tanan, nanagkatulog sa himaya, ang tagsatagsa sa iyang kaugalingong balay.
cebuano_ang_biblia_pinadayag@Isaiah:14:19 @ Apan ikaw ginasalibay ngadto sa gawas sa imong lubnganan sama sa usa ka sanga nga ginakasilagan, sinul-oban sa saput sa mga patay, nga gipalapsan sa espada, nga manaug sa kabatoan sa gahong; ingon sa usa ka minatay nga ginatumban.
cebuano_ang_biblia_pinadayag@Isaiah:14:20 @ Ikaw dili igaipon kanila sa paglubong, tungod kay imong gilaglag ang imong yuta, imong gipamatay ang imong katawohan; ang kaliwatan sa mga mamumuhat sa dautan dili na gayud pagahisgutan sa walay katapusan.
cebuano_ang_biblia_pinadayag@Isaiah:14:21 @ Hikayon ninyo ang pagpatay sa iyang mga anak tungod sa kasal-anan sa ilang mga amahan, aron sila dili manindog ug makaangkon sa yuta, ug pun-on ang nawong sa kalibutan sa mga ciudad.
cebuano_ang_biblia_pinadayag@Isaiah:14:22 @ Ug ako motindog batok kanila, nag-ingon si Jehova sa mga panon, ug putlon ko gikan sa Babilonia ang ngalan ug salin, ug ang anak ug ang anak sa anak, nagaingon si Jehova.
cebuano_ang_biblia_pinadayag@Isaiah:14:23 @ Pagahimoon ko usab nga ang baboy nga tunokon maoy manag-iya niini, ug sa mga linaw sa tubig: ug kini pagasilhigan ko sa silhig sa kalaglagan, nagaingon si Jehova sa mga panon.
![[pBiblx2]](/img/pbiblx2_logo3.png){kind=logo}